" اللى كان .." قصيدة للشاعرة كوثر مصطفى

" اللى كان .." قصيدة للشاعرة كوثر مصطفى

[ندعوك للتسجيل في المنتدى أو التعريف بنفسك لمعاينة هذه الصورة]

إهداء إلى أحد رجال ثلاثاء الغضب

اللى كان ... واقف زمان على باب حياته
بيترعش
وبيضرب ... وبيتعفق وبيتخنق ...
وبيتكرش
وكل مادا ... يخلف زيادة وجوة نفسة
ينكمش
اللى كان ... دا اللى كان
اللى كان ... ماعادشى هوه شيل الحمول ...
اداله قوة
والدوس عليه ... عليه ... عليه الدوس عليه علمه
ما حد يقدر يكسره ولا حاجه تقدر
تهزمه
اللى كان ... دا اللى كان
واقف زمان على باب حياته بيترعش وكل مادا يخاف زيادة
وجوه نفسة ينكمش اول امبارح
قابلني
فى المظاهرة جنب منى وكأنه عمره فى يوم ما مات
ولا اتهزم ... ولا انكسر ... ولا قطره فات ... ولا اجبروه يحفر بايده قبر
ليه
ويخش يرقد من سكات
اللى كان ... دا اللى كان
اول امبارح قابلنى فى المظاهرة
جنب مني
عدا الحواجز والحدود كسر السلاسل
والقيود
نظراته طلقات البارود والدم سارح م
البيبان
اللى كان ... دا اللى كان
اللى كان ماعدش هوه شيل الحمول اداله
قوة
والثورة عمت البلاد
اللى كان ... دا اللى كان