قصيدة : قطر الثورة

قَََََََطرْ الثَورَة ............ من أشعار د. هاني أبوالفتوح

[ندعوك للتسجيل في المنتدى أو التعريف بنفسك لمعاينة هذه الصورة]

سنة ورا سنة والأيام بتعدي قوام

كل الشعب العربي يِشَخَر وألا يِنام

والحرية يا دوب بيشوفها في الأحلام

وبس يا ويله لو يحكى الحلم

وألا يقول أنا شفت منام

يلاقي المخبر جوة في عبه

وألف محاكمه, ويا سلام سلم ع الأحكام

كلها عدل , وكلها حق , وكله تمام

الكل بيحكم باسم الله - باسم الشعب

باسم رئيس حاكم وهمام

يبقي حرام الشعب دا يحلم بالحرية

دا حتى كمان الحلم حرام

...........................................

سنة ورا سنة .......

بس زمان كل الأمة تشوفها سعيدة

من مشارقها إلي مغاربها في حالة فريدة

يجروا ويفتحوا كل الدنيا

و انتصارات خالدة و مجيدة

ييجي زماننا بعد زمانهم

بانتصارات مكتوبة في جريدة

عاش البطل الخالد جدا . انتخبوني لفترة جديدة

والحكام بتضحي عشانا , وبتحكمنا أطول مدة

أصل الحكم كان تأبيدة

يقوم كل الشعب يسقف واللي موافق يرفع إيده

واللي بيرفض إيده في حديده

يروح متكلبش أمن الدولة

جيت الدنيا ليه يا منيل خد كيس بانجو

غور , ريحنا , جوه في قلبك خد تسديدة

قلبك أسود والأحقاد ملياه وشديدة

و إحنا نخاف م الحقد الأسود والفيس بوك

ولا جزيرة في وسط البحر هناك وبعيدة

تِبَوَظْ كل الدنيا بحالها اللي يشوفها يحرق نفسه

و اللي عملها جه من تونس الواد بوعزيزي

واد مجنون وحرايقه شديدة

قام ولعها وقام شَعلِلها وفجر فينا ثورة جديدة

..........................................................

قطر الثورة قام اتحرك , حرك كل الدنيا بحالها

نادي وقال ... أنا قطر الثورة ...

بطلوا نوم .. الناس تِصحي تشوف أحوالها

والحكام ما لهاش في القطر . خلاص هتنام

كل الشعب هيصحي بدلها

.......................................................

الشعب في تونس صاحي وقام صلي الفجر

الشعب في مصر صاحي حتى من قبل العصر

الشعب في ليبيا بين الإتنين

قال الله .... دا علامة النصر

وشعب اليمن المخلص جداَ وملهوش حصر

والبحرين ويا عمان أخدوا جوه القطر مكان

والدور على مين ؟؟ ... الله أعلم

كل شعوبنا بتجري وتركب جوه القطر

القطر بيجري معاه الشعب

حالف يدخل للحكام جوه القصر

الحكام مذعورة بتسأل إيه اللي بيحصل ؟ ؟

قطر دا ؟ وألا ؟ . أيام سوده جاية و هلا ؟

..........................................................

مع رأس السنة وبداية الشهر

شهر يناير يا نهار أسود , دا أسوأ شهر

ناوي يخلص علي الحكام اللي بتحكم أبد الدهر

القطر يعدى يحرر بلدي بس بلادنا طالبة المهر

وكل بلادنا مهرها غالي اسمه الحرية

والحرية بدم الشهدا هتفتح نهر

...........................................................

قطر الثورة طلع من تونس خدنا لمصر

وجري علي ليبيا قول لي يا قطر واخدنا لفين ؟

بنجري وراك من حتة لحتة قول لنا بس نهايتك فين

قطر دا وألا زلزال جاي بيِهِد فساد عشناه لسنين ؟

عُمركو شفتوا قطر يهد عروش سلاطين ؟

..............................................................

قطر الشعب قال للظلم الفجر خلاص شقشق بساتين

شباب هتشوفهم زى الفل

ولاد وبنات في ميدان حالفين

ييجي كل الشعب يشوفهم

يشوف طلباتهم إيه عايزين

قالوا القطر ويا الشعب خلاص اتفقوا

الحكام لازم يمشوا ... إحنا أبداً مش ماشيين ...

............................................................

لقيت الأمة بحالها خلاص

في التحرير ماليه الميادين

ومن جناينها الورد بيسقط

مسكت الورد لقيت الورد فل وياسمين

قلت الله عليك يا بلادنا زرعك أخضر

بريحه المسك و ريحه العنبر جوه الطين

سألت الورد . إيه اللي أنا ماسكه في إيدي يا ورد

شايفك دافي في عز البرد ؟

شايفك ليه زعلان وحزين ؟

قال الورد أخاف تنسونى وألا تناموا مع الناسيين

وتنسوا حكايتي وتنسوا بدمي كتبت المجد

قلت إزاي ننساك . واللي هيقدر ينساك مين ؟

دا أنا لو أنسي ..

بلادنا ما تنسي .. وكل الدنيا كمان شاهدين

شوف هتلاقي قطر الثورة بيجري بِوَردَك

و إنت لوحدك ...

وسط القطر في نص الصورة مع الواقفين

واسمع قطر الثورة بيهتف ينادي باسمك للملايين

وربك قال الكل يموت

إنت لوحدك حي بترزق وسط الجنة مع الخالدين

.............................................................

الله يا ولاد .....

كنت باقول دا خلاص هنموت من غير صوت

زى جدودنا

بس الحمد الله .....

ركبنا القطر وجبنا الفخر كمان لأحفادنا

و اللي ما شاف القطر هيسئَل

قطر دا وألا جناح حرية ؟

رَجََعْ لينا أحلي عهودنا

قطر الثورة ... يا قطر الثورة

جيت بالفرحة . تكتب صفحة

الحرية سر خلودنا . الحرية سر خلودنا

من أشعار د. هاني أبوالفتوح

الكويت يوم الثلاثاء 8 مارس 2011

والدور علي مين الله اعلم

كلماتك كلها جميله جدا جدا

تسلم د هاني

تحياتي

الاخت الفاضلة ام مالك
الاجمل من كلماتي ان تشرف بقراءتك وان تاخذ بعضا من وقتك لتنيري لي شمعة اخري من الأفكار
تقبلي خالص تحياي وتقديري وعميق شكري علي مرورك

تسلم د.هانى

كلمات جميله جدا

فى انتظر جديدك

كلمات فى غايه الروعة د / هانى

احساس ولا أروع و اختيار معبر للكلمات

تسلم ايدك

فى انتظار كل جديد لك

الحمد لله على نسيم الحرية

تقبل تحياتى

الأخت الفاضلة مشرفة قسم الأناقة والأزياء
لك مني كل الشكر والتحية والتقدير علي مرورك الكريم ,

الاخ الفاضل الكريم الأستاذ رياض العربي
يعجز لسانى عن التعبير عن مدي انبهاري باللمسة التي وضعهتا فأحيت القصيدة في نفسي وجعلت من ابداعكم زادا استمد منه فكرة جديدة وادعو الله تعالي ان يكون قلمي أهلاً كى يأخذ من وقتكم , تحياتي وتقديري وشكري العميق
المحب لكم
هاني ابوالفتوح

شكرا لك اخي الكريم د. هاني

ولي عودة مع قلمك الراقي

ودي

جميلة القصيدة يا دكتور هانى

فى انتظار كل القصايده

ربنا يوفقك

الاخت الفاضلة ملكة متوجه
كلماتك تاج فوق راسي واشكرك علي مرورك وحضورك وكل قصائدى طوع بنانك ان كانت تستحق عناء القراءة
بورك فيك

[ندعوك للتسجيل في المنتدى أو التعريف بنفسك لمعاينة هذه الصورة]

(د. هانى أبو الفتوح)

ماأجمل تلك المشاعر التي

خطها لنا قلمكـ الجميل هنا

لقد كتبت وابدعت
كم كانت كلماتكـ رائعه في معانيها

فكم استمتعت
بين سحر حروفكـ التي

ليس لها مثيل

بل المتعة كل المتعة في العبير الذي يشع بين سطور كلماتك ويجعلني اتساءل هل حقا استحق من الكاتب المتألق احزان زمان كل هذا الإطراء ام هو فضل الله تعالي ان جمعني وسط حديقة غناء وباقة ورود لاتمل النفس منها لك مني عميق شكري وتقديري واشكر مرورك وحضورك

احزان زمان كتب:: [ندعوك للتسجيل في المنتدى أو التعريف بنفسك لمعاينة هذه الصورة]

(د. هانى أبو الفتوح)

ماأجمل تلك المشاعر التي

بل المتعة كل المتعة في العبير الذي يشع بين سطور كلماتك ويجعلني اتساءل هل حقا استحق من الكاتب المتألق احزان زمان كل هذا الإطراء ام هو فضل الله تعالي ان جمعني وسط حديقة غناء وباقة ورود لاتمل النفس منها لك مني عميق شكري وتقديري واشكر مرورك وحضورك

خطها لنا قلمكـ الجميل هنا

لقد كتبت وابدعت
كم كانت كلماتكـ رائعه في معانيها

فكم استمتعت
بين سحر حروفكـ التي

ليس لها مثيل

» قصيدة : الثورة المضادة
» قصيدة آدى الثورة ... عبد الرحمن الأبنودى
» قصيدة عمر قطامش هدىء أعضاءك يا فلو - قصيدة عمروقطامش للمجلس العسكري والفلول
» قصيدة أعجبتني جدًّا في مدح الرسول صلَّى الله عليه وسلم, قصيدة رائعة
» قصيدة ‎أذكروني لما تصطادني الأيادي عبد الرحمن الأبنودى - قصيدة الأبنودى ‎أذكروني لما تصطادني الرصاصة