وجنة
السلام عليكم و رحمة الله و بركاته
لقد قمنا بأنشاء منتدى جديد و نتمى وجودك معنا
و تساهم فى تقدمه
و يكون ساحة مناسبة لطرح افكارك و موضوعاتك
نتمنى زيارتك لنا و يشرفنا اشتراكك معنا
لك تحياتى

منتدى وجنة
http://wagna.ahlamontada.net


وجنة

الرياده .. التميز .. التفوق
 
الرئيسيةالبوابةالأعضاءالتسجيلدخول
منتدى وجنة   : إسلامى ... ثقافى .. إجتماعى .. شبابى .. الخواطر  ... القصص ... الغرائب  .... الطرائف .... الأخبار المتجددة .. الحوارات المميزة    

منتدى وجنة .... سحر الكلمات .. همس القلوب .. تحاور العقول .. الأخوه و الصداقة .. الإبداع و التجدد المستمر ... أخر عضو مسجل معنا ( Hazem Hazem) مرحبا به معنا


شاطر | 
 

 قصيدة : اسم المرحوم امن الدولة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: قصيدة : اسم المرحوم امن الدولة    الإثنين 14 مارس 2011 - 20:24


اِسم المَرحُومْ أمنْ الدَولة :
أشعار د هاني ابوالفتوح


[ندعوك للتسجيل في المنتدى أو التعريف بنفسك لمعاينة هذه الصورة]

جينا الدنيا ومش بإيدينا

ما لناش ولا قوة ولا حولَ

أمي وأبويا و جوازه فوضي

هما الإتنين عملوا العَملَة

بالذمة من قبل جوازهم

مش كان مفروض الاستئذان

و يا خدوا موافقة أمن الدولة

..............................................................

من يوم ما وعيت ع الدنيا و أنا بسأل نفسي سؤال

ليه حاسس كده ضِِلْ ورايا وفوق راسي وكأنه خيال

بيسجل أنفاسي عَليَا مع إني بسيط جداً جداً

والعيشة علي أد الحال

ولا بعمل مشكلة من يومي

ولا بكتب حتى ولا بقرا

ولا بسأل في اللي بيتقال

ولا شاغل نفسي بحال غيري

ولا بالدنيا ولا أقول عَمي و لا أقول خَالْ

ولا بتفرج ع التليفزيون

ولا بمسك في إيديا جريدة

ولا اعرف إيه يعني مَقال

ولا بدخل جامع وأصلي ولا إرهابي ولا محتال

وتشوفني تقول غلبان غُلب

ملفوف في عباية وفي شوال

أنا مصري من ارض بلدنا

ومزروع في الطينة وشغال

بكسب لقمتي بدراعي

مستكفي بقراريط الأرض اللي سابها لنا جمال

ولا يوم فكرت أروح نُقطة

ولا أعرف إيه قسم الشرطة , ودفتر أحوال

وان شفت العسكري في الشارع اجري أبوسه

وبعد ما أبوسه ب أعمل إسهال

.........................................................

لكن الدنيا بتتغير

واللي تِفتكر اِنه صُغَير , يِكبر وياك

الضِل اللي بيمشي ورايا وإيده علي قفاك

لقيته في مرة بيسألني ويقول لي وآخرتها معاك ؟

أنفاسك تدخل وبتخرج وبتستناك ؟ !!!!

تاخد نَفَسَكْ ليه من تاني ؟ وماشي علي هواك ؟

هي الأنفاس كده بسهولة رايحة وجاية ؟ !!

مش عارف أنها من يومك تِتعَدْ وراك ؟ !!

......................................................



سنة بيضا دا ما حدش قالي ولا وَعاني

دا أنا كده غلطان وماشي مِخالف زَرْعْ شيطاني

عامل طرزان ولا علي بالي دِيلي في سناني

فاكر الدنيا واسعة وبِرِحَة وتْسَاعِي ميت ألف مكاني

وبشرب شاي من اللي بفتلة .. مين يتحداني ؟؟

وساعات بتجنن واعملها واشرب شيشة

وسجَارة مَكنة من الصنف التاني

وأما أسَرَح و أحُط الجاز فوق شعري

و مراتي اللي بتستناني

نقعد كده قعدة إنما هيا في غِيطنا الجواني

سنة سودا كل ده كان يحصل وسعادته بيسجل لينا

مش عارف إني اللي مخاوي في فَرَحِي وأحزاني

..............................................................

دا أنا كده أستاهل اللي بيحصل والاستجواب !!!

وأستاهل ضربي علي قفايا وبالجزمة وألا القبقاب

و خروجي عن النص عَبَاطة عاوزة الترحاب

ولما سابوني أروح بيتي , جبت عيالي ويا جيراني

و قلت لهم افهموا يا شباب

مش كل اللي نِعُوزُه نِعُوزُه

وكأن الدنيا ما فيش آخرة ولا فيها حساب !

وبقولها نصيحة م أنا مجرب خُد بالأسباب

قبل ما هتفكر تتعلم

وألا هتحلم لك بخطوبة أو كتب كتاب

أو تتجن وتقول فيس بوك والانترنت

تفرح لك بيهم كام ساعة وف الآخرة عذاب

اخطف رجلك أمن الدولة سلم نفسك كده من نفسك

أسْلَمْ لك وأريح ... م الآخر ها تلاقي ملفك قدامك

و اِوْعَاك لو قال لك اِرْهابي أو قال كداب

قول دايماَ حاضر علي راسي ... اَسْتَاهِل

غلطة ما تتكرر .. أنا أَصلي صُغيَرْ .. مِحتاج لعتاب

وان ضربك ع الوش دا مرة , سلم له الوش التاني

وقول حقك تضربه , يتأدب , ويتعلم هنا درس آداب

............................................................

بس الأيام تجري بسرعة

واَسمع قال إيه في التليفزيون هيقولوا بيان

الناس في الغيط سابت الزَرعَة

والبت بِتِغسِل ع الترعة , حتى البياع قفل الدكان

و الواد كان جنبي ملقتهوش

قايم يجري زى المجنون . ما هو واد خَيبانْ

و لقِتنِي لوحدي في وسط الغِيط

قلت أستأذن مِ اللي واقف لي . مَ الإذن أمان

بصيت حواليا شمال ويمين

ملقتش الضِل اللي واقف لي

ولا خيالي واللي مخاوي دايماً بيحب الاطمئنان

وجريت أتفرج زى الناس وأشوف فيه إيه

اسمع بيقولوا ... اتوفي اليوم واحد عيان

وجنازته مهيبة ... محتاجة رجالة واللمة

ومحتاجة صِوان

وشيوخ البلد اللي بتقرا ... تيجى تقرا

يا كُتر الأحزان

قمت سألت . قلت المرحوم دا يطلع مين ؟

وألا جنازة مين غير عنوان ؟!!

ما بقتش مصدق أما قالوا لي اسم المرحوم

طلع المرحوم أمن الدولة !!!

إزاي هيموت أمن الدولة ؟ !!!

دا لا يمكن يوم يطلع إنسان !!!

دا أنا عايش طول عمري و فاكره

وبقول جِني وأكبرها شيطان

أتاري المرحوم بيموت زينا راجل غلبان

والله ما أنا ماشي في جنازته

ولا حاضر الدفنة وألا قرايته

وهامشي أعمل زفة وهليلة

هاتوا العِيلة ... هاتوا العرسان

مات أمن الدولة ....

هنعمل حفلة من الليلة

وبدل الليلة ... ميت ليلة كمان

..... ميت حفلة كمان .......

[ندعوك للتسجيل في المنتدى أو التعريف بنفسك لمعاينة هذه الصورة]


الكويت في الجمعة 11 مارس 2011



أشعار د هاني ابوالفتوح


الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: رد: قصيدة : اسم المرحوم امن الدولة    الإثنين 14 مارس 2011 - 20:26

الاخ الحبيب الاستاذ رياض الموقر
ارسل لك هذه القصيدة من عند المرحوم امن الدولة طالبا منكم التكرم بتنقيحها وتعديلها حتى تليق بسعادته بناءا علي طلبه
وكالعادة ربي يعيينك علي التعب معايا
تقبل خالص تحياتي وتقديري
الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
رياض العربى
صاحب الموقع

صاحب الموقع
avatar

العمل/الترفيه : مدرس
رقم العضوية : 1
تاريخ التسجيل : 17/10/2009
عدد المساهمات : 13692

مُساهمةموضوع: رد: قصيدة : اسم المرحوم امن الدولة    الإثنين 14 مارس 2011 - 22:41


جميل جدا جدا اخ هانى

ربنا يوفقك

رسمت صورة جميلة لامن الدوله

وصورة فيها الكثير من التشبيهات الجميلة الموحيه

تقبل تحياتى أخ هانى على القصيدة الجميلة

فى اتنظار كل جديدك

بالتوفيق دائما
الرجوع الى أعلى الصفحة اذهب الى الأسفل
http://wagna.ahlamontada.net
احزان زمان
المدير العام

المدير  العام
avatar

رقم العضوية : 306
تاريخ التسجيل : 11/04/2010
عدد المساهمات : 9679

مُساهمةموضوع: رد: قصيدة : اسم المرحوم امن الدولة    الثلاثاء 15 مارس 2011 - 22:45


ايها المتالق ( د.هانى أبو الفتوح) ربي لايحرمنا من هذا القلم الذهبي
يعطيك الف عافيه على الموضوع الرووعه
دمت ودام قلمك

(احزان زمان)

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://wagna.ahlamontada.net
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: رد: قصيدة : اسم المرحوم امن الدولة    الأربعاء 16 مارس 2011 - 0:08

احزان زمان كتب:

ايها المتالق ( د.هانى أبو الفتوح) ربي لايحرمنا من هذا القلم الذهبي
يعطيك الف عافيه على الموضوع الرووعه
دمت ودام قلمك

(احزان زمان)

[ندعوك للتسجيل في المنتدى أو التعريف بنفسك لمعاينة هذه الصورة]




حين يعجز القلم واللسان عن الرد فاعلم ان ردك تاج فوق رأسي اغلي عندى من الذهب والماس وكل ماتهوى النفس ومادعوت الله تعالي الا ان اكون اهلا لدعائك فمثلك قد خسر من يحرمه الله منهم لك كل الحب والمودة والتقدير
الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
 
قصيدة : اسم المرحوم امن الدولة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وجنة ::  المنتديات الأدبية ::  منتدى الشعر و الأدب-
انتقل الى:  
المواضيع الأخيرة
» يسقط يسقط حبك و أكتر
الخميس 5 مايو 2016 - 0:31 من طرف رياض العربى

» فارس بلا جواد
الخميس 5 مايو 2016 - 0:23 من طرف رياض العربى

» مكانك فى القلب
الخميس 5 مايو 2016 - 0:19 من طرف رياض العربى

» و من العشق لهبة
الأربعاء 4 مايو 2016 - 15:48 من طرف رياض العربى

» أنامل الندم
الأربعاء 4 مايو 2016 - 14:59 من طرف رياض العربى

» ما الذي بينك وبين الله
الثلاثاء 26 أبريل 2016 - 22:38 من طرف حسين حامد

» حكم المعراج
الأربعاء 20 أبريل 2016 - 6:55 من طرف حسين حامد

» الداء والدواء
السبت 16 أبريل 2016 - 22:55 من طرف حسين حامد

» قصيدة : ست الكل
الإثنين 21 مارس 2016 - 19:16 من طرف د هاني أبوالفتوح

» هذا اخر كلام بالعشق و الغرام
السبت 23 يناير 2016 - 18:55 من طرف رياض العربى

أفضل 10 أعضاء في هذا المنتدى
رياض العربى
 
احزان زمان
 
mnona
 
العرايشي
 
حمودى الروش
 
برديس المصريه
 
عمر
 
مشموشى
 
محمود السعيد
 
الامير