وجنة
السلام عليكم و رحمة الله و بركاته
لقد قمنا بأنشاء منتدى جديد و نتمى وجودك معنا
و تساهم فى تقدمه
و يكون ساحة مناسبة لطرح افكارك و موضوعاتك
نتمنى زيارتك لنا و يشرفنا اشتراكك معنا
لك تحياتى

منتدى وجنة
http://wagna.ahlamontada.net


وجنة

الرياده .. التميز .. التفوق
 
الرئيسيةالبوابةالأعضاءالتسجيلدخول
منتدى وجنة   : إسلامى ... ثقافى .. إجتماعى .. شبابى .. الخواطر  ... القصص ... الغرائب  .... الطرائف .... الأخبار المتجددة .. الحوارات المميزة    

منتدى وجنة .... سحر الكلمات .. همس القلوب .. تحاور العقول .. الأخوه و الصداقة .. الإبداع و التجدد المستمر ... أخر عضو مسجل معنا ( Hazem Hazem) مرحبا به معنا


شاطر | 
 

 قصيدة : اعترافْ !!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: قصيدة : اعترافْ !!!   الأحد 20 مارس 2011 - 19:19



اِعْتِرافْ
شعر د : هاني ابوالفتوح


[ندعوك للتسجيل في المنتدى أو التعريف بنفسك لمعاينة هذه الصورة]


آن الأوان إني اعترف
آن الأوان اصرخ وأقول
زمان كتير كنت ب أخاف
اكتب قصايدي بحبر سري
و أبعت جواب من غير رسول
علشان كده عمر حروفي ما وصلتك
و ألا الرسالة بَعَتِها بعلم الوصول
بس اللي جوايا اختلف
فات الزمان اللي كنت أخاف أقول
في حاجات كتير كنت شايلها
هَشرح يا بلدي , وشرحها جايز يطول
.............................................
آن الآوان إني اعترف لك
أولاً ... حقك علينا يا بلد
إزاي سكتنا كل ده
لحد ما ييجي اللي إتولد
بعدنا بعشرين سنة .....
تلاتين سنة .....
و يصحي ناس ... قالوا دا ماتت للأبد
............................................
كان همنا بس في حياتنا ونفسنا
ونربي كام بنت و ولد
كنا فاكرين إن إحنا ناس
بس الحقيقة
يا دوب كده .... كِمالة عدد
علشان كده . كانوا يشوفونا صغيرين
كَنْسِة زبالة في الشوارع
أو بالكتير .... فار ينسلخ أو ينجلد
........................................................
كان هَمُهُمْ يغَيبونا بماتش كورة
وفيلم ومسلسل . و هُسْ هُسْ . تعيش و تاكل
والفكر مش مسموح لنا ... الفكر دا بداية المشاكل
اللي هيفكر يا ويله يتسجن . بالأمر يلعب عالشناكل
ورضينا وسكتنا ونمنا .. و بَلعنا لسانا .. و قلنا
هُسْ هُسْ .... اسكت أحسن .... أبقي عاقل
........................................................
معرفش كان العيب في مين
فيكى انتى ؟ . فينا إحنا ؟
في اللي كانوا بيحكمونا ؟
وألا في ظلم السنين ؟
فضلنا ناخد فوق قفانا بالقلم
لحد ما انكسر القلم وبات حزين
زعلان عشان صوتنا اللي عمره ما يوم طلع
رغم الوجَعْ
أي كلمة بيقولوها .... نقول آمين
يا بلد ..... سجلي عني اعترافي
إني كنت اجبن من الجبن
كنت أخاف .. امشي جنب الحيط
ضل حيطه مُستكين
...........................................
سجلي عنى كمان ...
تلاتين سنة عدوا من عمري الجبان
معرفش غير كلمة
حاضر ... نعم .... تعظيم سلام !!!
حتى صوتي يتخرس لو قلت لأ !!!
كأني بالع مِيتْ لسان
كنت أسَقَف و اعمل غَزِيَه في أي حفلة عندهم
و أتبرا من كلمة إيمان
وكنت أشوف الظلم بِعْنَيه اسكت
ولما أشوف واحد جريء و بيجلدوه
أقول .. يستاهل .. أدبوه .. إدوه كمان
ولما أشوف واحد بيسرق منهم
أقول عليه اشرف شريف ... مَليان حنان
بيحب بلده .. عشان كده ما شبعش منها
بيقول لها ... عاوز كمان
[ندعوك للتسجيل في المنتدى أو التعريف بنفسك لمعاينة هذه الصورة]

..............................................................

بس الحقيقة شفت نفسي عالحقيقة عارفة امتى ؟
أما بصيت في المرايا يوم 25 يناير . وقت الأدان
و أنا قاعد وسط بيتي الخوف قاتلني
والشباب الحر واقف في الميدان
لما شفت بِعْنَية العساكر ... تِرُشْ بالمية ولادنا
والقنابل المسيلة للدموع نازله تِرُخْ ...
تقول مطر ... تقول طوفان
والولاد من غير سلاح فاتحة الصدور
بتقول يا بلدي .... إحنا فداك
وكلاب حبيب حالفه تاخُدْهُم ع الليمان
وف لحظة سودة شُفت بعنية اللي ما تمنيت أشوفُه
وأتمنى لو كنت إتعميت وقتها وسط الدخان
من فوق سطوح واقفه كتيبة ينشنوا بالرصاص
في صِدْر الشباب ... كل اللي في إيديهم عَلَمْ
حاسين معاه بالدفا وبالأمان
ركزت في الصورة
لقيت اللي ماتوا وملفوفين بالعَلَم ... عِرفتهم
في اللحظة دي ... صرخت من جوايا
قلت كفاية .... لأ .... لأ ..... الحزن بان
دا ابن جاري أعرفه . ودا ابن صاحبي الوحيد
والبنت دى عرفتها . عايشه يتيمة من زمان
إيه ذنبهم ؟ .. كان حلمهم .. يحسوا بالحرية
ويرحموكي م اللي باعك ... واللي فاسد واللي خان
ولقيت عنية من الدموع .. بحر دم انفجر ذل وهوان
ولقيت لساني نَطَقْ وقال ... حرام .. حرام !!!
ارحموهم .... لو ولادكم تِقتلوهم !!!!
وألا الجثث تِمْلَي المكان ؟؟؟؟!!!!
...............................................................
ساعتها حسيت إني صُغَير أوي !!!!
وأصغر كتير من كل شاب . شال حياته فوق كَتافه
كل هَمْه كان بلاده .. لا هَمْهُ . مُوتُه .. وألا خُوفُه
ولا هَمُه عمره يتقصف في زهرة شبابه
ويتقلع من جدوره ومن حروفه
واسمه جايز يتنسى بعد السنين
ننسي شكله ... و ننسي طيفه
..........................................................
بس أما فكرت وسألت نفسي
مين اللي عايش بعد موته يتحكي و يتكتب ؟
مين اللي عند الله ميزانه من دهب ؟
مين اللي ضحي بحياته
و ادا عُمْرُه هدية لبلده تتوهب ؟
ساعتها بس عِرفت وقلت
... أكيد من غير كلام
دم الشهيد اللي كَسب
علشان كده دلوقتي جايلك
نفسي تاخديني في حضنك
من غير زعل ... من غير غضب
بأعترف لك .. جاي أقول العيب في مين ؟
جاي أقول مين السبب !!!
سامحيني أرجوكي يا أمي
العيب كان فيا أنا .....
أكيد أنا.. أيوة أنا كنت السببْ
.......... أيوة أنا كنت السببْ

شعر د : هاني ابوالفتوح

الكويت السبت 19 مارس 2011


[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: رد: قصيدة : اعترافْ !!!   الأحد 20 مارس 2011 - 19:23

الاخ الحبيب الكبير الأستاذ رياض العربي حفظه الله
هذه آخر اعترافات الشعب العربي أمانة بين يديك والمتهم الآن يناشدك ان تضع بصمتك علي هذه الإعترافات ليفضح نفسه بنفسه امام الجميع
بالأمس نشرت جريدة اليوم السابع وكان عليها بعض الحراك الكبير من الردود زاد عن العشرون وقارنت بين القصيدة منشورة لديكم بعد لمساتك الساحرة عليها وبين مانشر هناك قصيدة صماء سقط منها بعض الكلمات عن القصيدة التي نشرت هنا , تيقن فقط كيف تحيا القصيدة بين يديك
تقبل خالص شكري وتقديري مقدما
الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: رد: قصيدة : اعترافْ !!!   الأحد 20 مارس 2011 - 20:30

القصيدة التى نشرت بالامس في اليوم السابع هى قصيدة نعاج وخراف لذا لزم التنويه فقط اخى الحبيب الاستاذ رياض
الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
رياض العربى
صاحب الموقع

صاحب الموقع
avatar

العمل/الترفيه : مدرس
رقم العضوية : 1
تاريخ التسجيل : 17/10/2009
عدد المساهمات : 13692

مُساهمةموضوع: رد: قصيدة : اعترافْ !!!   الأحد 20 مارس 2011 - 23:17


دومت اخ هانى بالتألق و الروعة و الاحاسيس الجميلة المعبرة

كانت الثورة اعتراف بمدى الحب للوطن الغالى علينا جميعا

فى انتظار كل جديد لك بشوق

تمنياتى لك دايما بالتوفيق

شكرا على القصيدة الراااااااائعة

تقبل تحياتى
الرجوع الى أعلى الصفحة اذهب الى الأسفل
http://wagna.ahlamontada.net
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: رد: قصيدة : اعترافْ !!!   الأحد 20 مارس 2011 - 23:58

والله ان الروعة جميعها هي ابداعكم في وضع القصيدة فما جدوى كلمات كتبت في حجرة مظلمة فأتي من فتح لها طاقات النور والإشعاع ليراها الجميع و سلمت وسلمت يدك وسلم منتدي وجنة بصاحبه وكل اعضائه ومحبيه , عجزى عن الرد يغفر لي لديكم
الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
احزان زمان
المدير العام

المدير  العام
avatar

رقم العضوية : 306
تاريخ التسجيل : 11/04/2010
عدد المساهمات : 9679

مُساهمةموضوع: رد: قصيدة : اعترافْ !!!   الإثنين 21 مارس 2011 - 20:21

آلآمير ( د. هانى أبو الفتوح)
اتيت لاقف بين سطورك
اتيت لامتع عيني
بعذب البوح وجميل الكلام
اتيت وقد شدني النور المنبعث
من هنا
وما ان صافحت عيناي حضورك المعطره
حتى صمت كل شيء
اجلالا واحتراما وتوقيرا لكلماتك الراقية
حروفك عندما تصافـح شرفـات البـوح ...
تتـسـاقـط ابــداعـا وشــهــدا..
وتتغنى السطور كشدو عصافير ..
دمت بسعاده..

[ندعوك للتسجيل في المنتدى أو التعريف بنفسك لمعاينة هذه الصورة]

لكـ خالص احترامي

احزان زمان [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://wagna.ahlamontada.net
طارق الفار
عضو جديد
عضو جديد


رقم العضوية : 1125
تاريخ التسجيل : 09/03/2011
عدد المساهمات : 2

مُساهمةموضوع: رد: قصيدة : اعترافْ !!!   الثلاثاء 22 مارس 2011 - 0:03

أخي د.\ هاني
لك مني كل الشكر علي ما اخرجته من أحاسيس جياشه واسمح لي بأن اقول لجنابك انك قرأت مافي صدورنا جميعآ
وكتبت عنا مالم نستطع ترجمته ....

مع خالص تحياتي....

اخيك \ طارق الفار ...
بورسعيد
الرجوع الى أعلى الصفحة اذهب الى الأسفل
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: رد: قصيدة : اعترافْ !!!   الثلاثاء 22 مارس 2011 - 0:23

احزان زمان كتب:
آلآمير ( د. هانى أبو الفتوح)
اتيت لاقف بين سطورك
اتيت لامتع عيني
بعذب البوح وجميل الكلام
اتيت وقد شدني النور المنبعث
من هنا
وما ان صافحت عيناي حضورك المعطره
حتى صمت كل شيء
اجلالا واحتراما وتوقيرا لكلماتك الراقية
حروفك عندما تصافـح شرفـات البـوح ...
تتـسـاقـط ابــداعـا وشــهــدا..
وتتغنى السطور كشدو عصافير ..
دمت بسعاده..

[ندعوك للتسجيل في المنتدى أو التعريف بنفسك لمعاينة هذه الصورة]

لكـ خالص احترامي

احزان زمان [ندعوك للتسجيل في المنتدى أو التعريف بنفسك لمعاينة هذه الصورة]


ياأيها القلم الذي قد هرب مني اسعفنى فالعجز احتواني
الرد واجب والبوح يغنى , ياربي بما اجيب رد احزان الزمان
فالصمت احيانا يقول عني بما قد عجز عنه لساني
مرورك بالقصيدة هو العطر والأنق والعبير , عذرا علي التقصير


عدل سابقا من قبل د هاني أبوالفتوح في الثلاثاء 22 مارس 2011 - 0:30 عدل 1 مرات
الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
د هاني أبوالفتوح
عضو مجتهد
عضو مجتهد
avatar

العمل/الترفيه : طبيب بشري - شاعر سياسي وديني
رقم العضوية : 1114
تاريخ التسجيل : 06/03/2011
عدد المساهمات : 116

مُساهمةموضوع: رد: قصيدة : اعترافْ !!!   الثلاثاء 22 مارس 2011 - 0:27

طارق الفار كتب:
أخي د.\ هاني
لك مني كل الشكر علي ما اخرجته من أحاسيس جياشه واسمح لي بأن اقول لجنابك انك قرأت مافي صدورنا جميعآ
وكتبت عنا مالم نستطع ترجمته ....

مع خالص تحياتي....

اخيك \ طارق الفار ...
بورسعيد

اخي الحبيب الأستاذ طارق لك مني اولا ولبورسعيد الباسلة كل حب ومودة وتقدير فلها في النفس الكثير الكثير
مرورك بالقصيدة شرف لي واصدقك القول ولا عجب هذه القصيدة كتبتها وتغالبنى دموعي والصرخة تخرج من اعماقي وانا بعيد عن بلدي اشعر بالعجز ولكن رحمة الله بنا وبها افضل من كل رغبة تعترينا
الرجوع الى أعلى الصفحة اذهب الى الأسفل
http://www.facebook.com/Dr.HaniAboulfotouh
 
قصيدة : اعترافْ !!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وجنة ::  المنتديات الأدبية ::  منتدى الشعر و الأدب-
انتقل الى:  
المواضيع الأخيرة
» يسقط يسقط حبك و أكتر
الخميس 5 مايو 2016 - 0:31 من طرف رياض العربى

» فارس بلا جواد
الخميس 5 مايو 2016 - 0:23 من طرف رياض العربى

» مكانك فى القلب
الخميس 5 مايو 2016 - 0:19 من طرف رياض العربى

» و من العشق لهبة
الأربعاء 4 مايو 2016 - 15:48 من طرف رياض العربى

» أنامل الندم
الأربعاء 4 مايو 2016 - 14:59 من طرف رياض العربى

» ما الذي بينك وبين الله
الثلاثاء 26 أبريل 2016 - 22:38 من طرف حسين حامد

» حكم المعراج
الأربعاء 20 أبريل 2016 - 6:55 من طرف حسين حامد

» الداء والدواء
السبت 16 أبريل 2016 - 22:55 من طرف حسين حامد

» قصيدة : ست الكل
الإثنين 21 مارس 2016 - 19:16 من طرف د هاني أبوالفتوح

» هذا اخر كلام بالعشق و الغرام
السبت 23 يناير 2016 - 18:55 من طرف رياض العربى

أفضل 10 أعضاء في هذا المنتدى
رياض العربى
 
احزان زمان
 
mnona
 
العرايشي
 
حمودى الروش
 
برديس المصريه
 
عمر
 
مشموشى
 
محمود السعيد
 
الامير