خايفة حبيبي الاولاني يفضحني قدام خطيبي
انا بنت سنى 23 تخرجت من احدى الجامعات وكنت بحب واحد جداا لان هو كان اول
حب بالنسبة لية مكنتش برفضلة طلب لدرجة انة طلب حاجات منى اعملها معاة وانا
للاسف عشان كنت بحبة وضعيفة قصادة وافقت كررنها مرة واتنين وتلاتة وانا
كنت غرقانة فحبى لية وكنت لما اقولة حرام اللى بنعملة دة كان يقولى انا
بحبك وانتى بتحبينى واوعدك انى عمرى ما هسيبك ابداا وكنت بصدق عشان كنت
عايشة فوهم اسمة الحب الاول وبعدين فمرة قالى تعالى اخد ورق من شقتى رفض
بشدة واتخنقت معاة لقيتة زعل اوى ومكنش راضى يكلمنى وقالى انتى مش واثقة
فية وبالفعل رحت معاة عشان ميزعلش بس كنت خايفة ومرعوبة بس جمد قلبى وقلت
ربنا يسترها معاية ودخلت الشقة معاة عمل الى هو عايزة وكنت قاعدة مستنية
لقيتة اعد جمبى ومن هنا لهنا لقيت نفسى عمل حاجات مينفعش اقولها ولا احكيها
واتكررت اكتر من مرة وبقينا لما بنتقابل نروح الشقة بعد الجامعة وارجع
فميعاد الكلية عادى وجية بعد شهر قالى انا مش هعمل معاكى اى حاجة تانى الا
لما نتجوز صدقتة وفعلا اعدنا فترة منعملش اى حاجة وانا ربنا هدانى وهداة
لقيتة بعد سنة اختفى ومعرفش راح فين حتى اصحابة مكنوش يعرفة عنة اى حاجة
حتى تليفوناتة مقفولة كنت هجنن وكنت مكسورة ومجروحة واتخرجت من الجامعة
وعشت حياتى عادى وربنا رزقنى بانسان طيب واخلاق اتخطبتلة وبديت حياة جديدة
ونسيت كل حاجة وبدعى ربنا فكل صلة بصليها انة يغفرلى زنبوبى الى عملتها
زمان مشكلتى الحقيقية دلوقتى انة رجع تانى بعد ما نسيتة وانا بحب خطيبى
جداا واللة ودلوقتى بيبعتلى رسايل على النت عايز يكلم معاية وانا مقدرش
اعمل كدة عشان خطيبى وهو عارف كويس انى اتخطبت وخطيبى مسافر عشان كدة بكلمة
على النت المهم انة لما عرف انى اتخطبت انا فرحت عشان يعرف انى مش قاعدة
لسة مستنياة انا فعلا كرهت الانسان دة انا نفسى اجرحة بنفس الجرح الى
عملهولى بس فنفس الوقت بقول ربنا هيخدلى حقى بس دلوقتى انا خايفة ومرعوبة
احسن يعملى مشاكل ولا يوصل لخطيبى وهو خطيبى ميعرفش حاجة وخايفة انة لو عرف
حاجة يسبنى وانا بحبة اوى مش عارفة اعمل اى فى المشكلة دى