خوفى من الخطوبة لابن خالى
ابلغ من العمر 23 عاما لم تكن تربطنى مع ابن خالى يبلغ 27سنة ايه علاقة
اطلاقا ولكن من حوالى 6 شهور اتقدم لى لقراءة الفتحة وانا ارتحتله اوى
وحبيته وهو كمان قربنا لبعض اوى فى فترة بسيطة جدا هو مش شخص سهل ولا انا
كمان احنا من الشخصيات اللى سبقا سنها بكتير ونادر اوى لما نحب ولكن
انجذبنا لبعض فى فترة بسيطة جدا هو شاب كويس وبيشتغل فى شرم من فترة قليلة
قدر يثبت نفسه بسرعة على الرغم من طيبته وحنيته اللى انه فى عصبيتة
بيتحول مليون درجة لشخص انا نفسى بخاف منه هو عنده امه بالدنيا ومامته
للاسف طيبة ولكن بتحكى له كل حاجة لدرجة انها بتقويها على اخواته لما ما
بيزروهاش هو ما عندوش شقة بحكم انه لسه بيبدا ومامته فى شقتها هى ووالده
ودى بيت العيلة اخوته الاربعة متجوزين ولكن ما فيش كام يوم ويجى كل واحد
بأسرته يقعد كام يوم .هى مصممة ان احنا لما نتجوز نقعد معاها اهلى وانا
رافضين تماما وانا كذا مرة اقنعته انه ما ينفعش المهم خلاصه الكلام هو قرب
ينزل القاهرة ونفسه انه يستقر فيها لانه شايف ان فلوس السياحة حرام ومش
قادر يبعد عنى فهيدور على شغل فى القاهرة واخر كلامنا عن الشقة قاللى قبل
مااا جى للشبكة هقرر حوار الشقة بس لما انزل الاجازة دى المهههههم دلوقتى
انا خايفة من عصبيته اوى دائما يقولى احترسى من الغلط معايا انا صعب اوى
مثلا مرة سلمت على ابن خالتى حصلت مشكلة كبيرة اوى لمجرد انى بدات بالسلام
ومثلا مرة سبته على الwait دقيقة قامت الدنيا وما قعدتش وعمل مشكلة يقولى
انا اسيبك على الويت انتى لا انا الراجل وكل شويه يقولى انا هبقى سى السيد
فى البيت انا بحب كده انتى على اقد ما بحبك لكن لازم يكون فى ردع فى كل
حاجة لازم تخافى منى عشان خوفك منى هيخليكى ما تغلطيش هو صريح جدا وقاللى
قبل كده ما تحاوليش تطلعى الحاجات الوحشة اللى جوايا انا دماغى وحش اوى
بصراااااحة يا جماعة انا خايفة منه اوى بالأخص احنا فى اول علاقتنا فركشنا
مرتين بسبب تسرعة لكن لما رجعنا المرة دى بعد غياب دام حوالى شهرين انا
حسيته بدا يتغير انا بببص لاقدام علاقتى بها هتبقى عاملة ازاى كمان انا
خايفة من جواز الاقارب التاريخ كله بيقول كده ولكن على الرغم من صعوبته
اللى انى انا حبيته حاسها حد مش عادى انا فى الاخر مستنيها لما ينزل ولو
صمموا على حوار شقة مامته احنا هنرفض صح دى ولا غلط ارجوكى ردوووووا علي
وهل الشخصية دى ممكن تتعاشر انا نفسى فى الاستقرار شكرا واسفة للاطالة
موضوع: خوفى من الخطوبة لابن خالى 
الأحد 22 مايو 2011 - 13:43
