كرسى الاعتراف مع نائب المدير ( برديس )

انا عايز اعرف انتى ليه اختارتى اسم برديس
وهل ليه معازه خاصه عندك

اى نعم سيدي
انهم يحبون بعض
ولا تنسي انهم ايضا يغيرون من بعضهن
اليس كلامي صحيحا
سيدي
اقصد
هيما

نعم انه لصحيح يا اخى حمودى بس احنا الراجل اقوى فى الصداقه منهم لاننا لانغار من بعضنا البعض ولا نسبب لاعز اصدقائنا مشاكل مثلهن ونحب نخدم بعضنا اوى
لو فى حد عنده اعتراض يعرفنى علشان ارد عليه

برديس انا عايز اعرف ايه حكاية النسكافية معاكى

hima كتب:

برديس انا عايز اعرف ايه حكاية النسكافية معاكى

ههههههههههههههههههههههههههههههههههه
ده بعيد عنك ادمان الافيون بتاعى من غيره احس انى مش موزونه ولازم اضربلى على الاقل 6 مجات كل يوم

اميره مصريه كتب:

كل دى اسئله حرام عليك ياعم انت
انا معنديش ليها غير سؤال واحد بس
ايه اللى نفسك فيه ولسه متحققش

طبعا اميره لازم تكون حنينه عليا مش انت بس لما اشوفك ياحمودى

بالنسبه لاجابه سؤالك يامرمر انتى اكيد عارفاها وعايشاها معايا
نفسى ربنا يرزقنى بالطفل اللى يسعد بيه قلبى وينور حياتى ودنيتى

اهلويه ولا زملكاويه؟
انتى شيلتى مواد قبل كده فى الكليه؟ [ندعوك للتسجيل في المنتدى أو التعريف بنفسك لمعاينة هذه الصورة]وايه كانت تقديراتك؟
ما رايك في تنظيم الوقت ؟وهل انت من منظمي الوقت؟هل تستغل وقتك الاستغلال المثل؟

انت ليه عضوه هنا فى المنتدى؟
بس حلوين دول مش بكتر عشان كما تدين تدان

سوووووووووووووووووووووري مدام منى
ههههههههههههههههههههههه
معليش الرخامه بقي
بس
تحبي ادورك علي اسئله غير اللى جبتهالك
علشان اللى جبتها قليله
ههههههههههههههههههههههههه

hima كتب:

اول مره حبيت كانت امتا
واول شخص ققلتى له احبك مين
واول شخص كان نفسك تقولى له بحبك مقلتيش ليه وايه السبب
واول شخص حبك وقالك انه بيحبك كان امتا
اول واحد حبتيه وقضيتى معاه اول عيد ميلاد ليكى وليه
واول هديه جبتيها لشخص حبتيه كانت ايه وامتا
واول شخص عادى جبتيله هدية كانت ايه وامتا
واول واحد جبتيله هديه فى عيد الحب مين وكانت ايه
واول واحد قلتى له عيد حب سعيد فى العيد اللى فات كان مين وجبتيله ايه
واول هديه جتلك فى عيد ميلادك كانت ايه
واول هديه جتلك فى عيد الحب كانت ايه
واول هديه احتفظتى بها حتى الان وكانت فى اى مناسبه
واول هديه تخلصتى منها
واول هديه اجبرتى على التخلص منها على الرغم من محاولت احتفاظك بيها
اول واحد تحسى انه مثلك فى صغرك[b]

اول مره حبيت كنت ف اعدادى
اول شخص قلتله احبك جوزى
اول شخص كان نفسى اقوله احبك اللى حبيته ف اعداى والسبب ان تربيتى تمنعنى ان اكون البادئه وافرض نفسى على احد لا يريدنى
اول شخص حبنى وقالى بحبك كان ابن خالتى وكنت ف 3 ثانوى بس الموضوع كان منتهى بالنسبه لى
اول شخص حبنى وقضيت معاه عيد ميلادى كان جوزى قبل مانتخطب ف عيد ميلادى العشرين
اول هديه جبتها لشخص بحبه كان لزوجى وكنا ف سنه تانيه كليه ف عيد ميلاده وكان برواز وميداليه
اول هديه جبتها لشخص عادى اعتقد كيس شيبسى لصاحبتى ف عيد ميلادها واحنا ف ابتدائى ههههههههههه على قد امكانياتى ههههههههههه
او هديه جبتها لشخص بحبه ف عيد الحب كانت لزوجى واحنا ف الكليه وكانت عباره عن اباجوره وساعه على شكل قلب وكيوبيد جنبها ومحطوطه ف اوده نومى دلوقت
اول واحد قلتله عيد حب سعيد العيداللى فات كان جوزى كنا متجوزين بقالنا اسبوعين ومجبتلوش حاجه عشان مكناش لسه خرجنا ههههههههههه ده عيد الحب السنه اللى فاتت اما لو قصدك اللى لسه فايت من يومين فقلتها لجوزى برده وجبتله قميص
اول هديه جاتلى ف عيد ميلادى كانت من اميره مصريه كانت عباره عن دبدوبين قاعدين على قلب وحضنين بعض لسه عندى لحد النهارده
اول هديه جاتنى ف عيد الحب كانت من جوزى وكانت قطه لعبه فظيعه بتنونو وعينيها بتنور
كل الهدايا اللى بتجينى بحتفظ بيها سواء ف الانتريه او اوده النوم او النيش
لا اتخلص من اى هدايه حتى لو من شخص غلس مبدأى اللى يجى من الصعايده فايده هههههههههههه
لا لسه محدش قدر يجبرنى على حاجه مش عاوزاها لحد النهارده
اول واخر واحد احس انه مثلى وانا صغيره بنت اخويا

ali elsaied كتب:

اهلويه ولا زملكاويه؟
انتى شيلتى مواد قبل كده فى الكليه؟ [ندعوك للتسجيل في المنتدى أو التعريف بنفسك لمعاينة هذه الصورة]وايه كانت تقديراتك؟
ما رايك في تنظيم الوقت ؟وهل انت من منظمي الوقت؟هل تستغل وقتك الاستغلال المثل؟

انت ليه عضوه هنا فى المنتدى؟
بس حلوين دول مش بكتر عشان كما تدين تدان

انا مابحبش الكوره اساسا بس بشجع المنتخب واتفرج على الماتش النهائى فقط بجيب من الاخر يعنى هههههههههههههههههههه
لا ماشيلتش مواد قبل كده وتقديرى العام جيد جدا
تنظيم الوقت هام جدا للنجاح ف كل حاجه طبعا احب تنظيم وقتى لكن لا اعتقد انى استخدمه الاستخدام الامثل بحس انى مفروض اعمل حاجات اكتر من اللى عملته
انا عضوه ف المنتدى ده عشان خاطر رياض وعشان خاطر اتبنى قصاد عينى ف حبيته كانه بيتى

والله كلك زوق مش زى ناس متخفش هراعيك ف اسئله 15 صفحه بس مش هفترى

حمودى الروش كتب:

سوووووووووووووووووووووري مدام منى
ههههههههههههههههههههههه
معليش الرخامه بقي
بس
تحبي ادورك علي اسئله غير اللى جبتهالك
علشان اللى جبتها قليله
ههههههههههههههههههههههههه

يابنى ابعد عنى يابنى
ههههههههههههههههههه

hima كتب:

انا عايز اعرف انتى ليه اختارتى اسم برديس
وهل ليه معازه خاصه عندك

اسم برديس ده اسمى ف كل المنتديات والنشاطات ليا ع النت وسببه ان اول مره اشترك ف منتدى من 5 سنين كنت بتفرج على مسلسل برديس بطوله نيللى وكرم مطاوع وكان المسلسل عاجبنى فحبيت الاسم وبقى ده اسمى الحركى

ههههههههههههههههههههههههههههههههههه
شكلي كدا مسكتك
معاكي للصبح
ههههههههههههههههههههههههههه
مقولتش اجبلك اسئله علشان تمخمخى بالنسكفيه
فكره النسكافيه
اللى هرتيني اساله
ماشي

ايه رايك فى الرومسنية
ورايك فى الزواج
ورايك فى العزوبية
وايهما افضل
ايه الشئ الى كان نفسك تعملى فى جميع المراحل التعلمية الى مرتى بها
الرحلات الى قضتيها من اول شئ تتذكريه حتى اليوم ومع مين وكانت فين ويترى كنتى سعيده ولا لا
ايه الشئ الى يسعدك
وايه الى يجعك حزينه
وايه المطربين والمطربات الى بتسمعله
ايه افضل الاغانى بالنسبة ليكى
اول اغنية سمعتيها وكانت بتمثلك ذكرى
اول اغنية اهدهالك حد
واى الاغانية الى اهدتيها لحد ومين هو وليه الاغنية دى بالذات
ايه الشئ الى نفسك تعمليه ومعملتهوش
ايه شعورك اثناء الخطوبة وليلة الفرح وبع الزواج وقبل الزواج
كفايه كده دلوقتى بس لسه
[ندعوك للتسجيل في المنتدى أو التعريف بنفسك لمعاينة هذه الصورة]

هو مفيش اللى برديس ديه صعبت عليا من كتر الاسئله
يا جماعه كفايه اسئله







انتى صدقتي ولا ايه
ثوانى اضرب مج نسكافيه وارجعلك

ما هو تعريفك للمجنون؟؟

العاقل؟؟

المتكبر؟؟

المتواضع؟؟


وما هي المجالات التي تتمنى ان تأخذها منهاجا في حياتك ؟؟

لمن تعطي هذه المسميات :

*القلم الذهبي

*شهادة تقدير

*وردة حمراء

*وردة بيضاء

*ورقة بيضاء ؟مع ذكر السبب

ماهي الفائدة التي تجنيها من جلوسك خلف شاشه الكمبيوتر على النت ؟


ماهو الشي الذي إمامك ولكن صعب الوصول إليه ؟؟

عبارة نسمعها كتير (الطيب مالوش مكان في الدنيا )ماهو رأيك فيها ؟؟

ماذا تمثل لك هذه الكلمات

الحب ــــــــــ الوردة الحمراء ــــــــــ الفرح ــــــــــــ الحزن

ما اجمل لحظات عمرك ؟
متي يرفع الدكتور عصام قبعته للمراة اجلالا وتعظيما ؟
ما هو اصعب موقف صادفك في حياتك ولا تستطيع نسيانه؟


السؤال الخامس

متي تخلو بنفسك و تبكي؟

ماهي صفات المراة التي يعجب بها ايوب؟

حمام زاجل استقر علي نافذتك يحمل رسالة من مجهول فممن تتمني ان تكون؟


لديك باقة ورد لمن تهديها للمراة الذكية ام الجميلة ؟ ولماذا


نزار قباني شاعر للمراة وعاشقها

ايوووب شاعر من ؟ وعاشق من؟


ماهي التجربة التي لا تتمني تكرارها في حياتك ؟؟؟

بيت شعر مر عليك ومش نسيته؟

عضو أول مادخل المنتدى أرتاح قلبك له ؟

طبعا اللى متكرر مجوبيش عليه
وشوري نفسك لو احتجتي تانى اجبلك

هاقول حاحه بس محدش يضحك عليا هوانا لوعايز اسئل برديس اكتب الاسئله فين هنا كده ولا لها مكان تاني انا اول مره ادخل منتدي انا اصلا من اقل من شهران علي النت مكنش عندي نت اصلا بس الله يصلح حاله الاخ رياض هو اللي ساعدني ووصلني ليكو هنا وعرفت من كلامكم انه انسان كويس
انا نفسي اكتب في مواضيع كتير بس مش عارف اكتب فين

عمر كتب:

هاقول حاحه بس محدش يضحك عليا هوانا لوعايز اسئل برديس اكتب الاسئله فين هنا كده ولا لها مكان تاني انا اول مره ادخل منتدي انا اصلا من اقل من شهران علي النت مكنش عندي نت اصلا بس الله يصلح حاله الاخ رياض هو اللي ساعدني ووصلني ليكو هنا وعرفت من كلامكم انه انسان كويس
انا نفسي اكتب في مواضيع كتير بس مش عارف اكتب فين

لا محدش يقدر يضحك عليك لاننا كلنا كنا كده او معرفتنا بالنت والمنتديات
لو عاوز تسالنى اكتب اسئلتك عادى زى ماكتبت كده بس الاسئله تحت بعضها
وخليك رحيم الله يخليك لحسن قربت افجر حمودى من كتر اسئلته
ههههههههههههههههههههههه

hima كتب:

ايه رايك فى الرومسنية
ورايك فى الزواج
ورايك فى العزوبية
وايهما افضل
ايه الشئ الى كان نفسك تعملى فى جميع المراحل التعلمية الى مرتى بها
الرحلات الى قضتيها من اول شئ تتذكريه حتى اليوم ومع مين وكانت فين ويترى كنتى سعيده ولا لا
ايه الشئ الى يسعدك
وايه الى يجعك حزينه
وايه المطربين والمطربات الى بتسمعله
ايه افضل الاغانى بالنسبة ليكى
اول اغنية سمعتيها وكانت بتمثلك ذكرى
اول اغنية اهدهالك حد
واى الاغانية الى اهدتيها لحد ومين هو وليه الاغنية دى بالذات
ايه الشئ الى نفسك تعمليه ومعملتهوش
ايه شعورك اثناء الخطوبة وليلة الفرح وبع الزواج وقبل الزواج
كفايه كده دلوقتى بس لسه

الرومانسيه من غيرها مبقاش ف حالتى الطبيعيه مقدرش اعيش
الزواج سلاح ذو حدين يدبح من اساء استخدامه ويطهر من عرف معناه فهو مبنى على الموده والرحمه والحب والتفاهم وقد يؤدى الى الجحيم اذا ظن احد الطرفين انه ملك الاخر
رايي ف العزوبيه فتره جميله وحياه بلا مسئوليات لم اكن اشعر بها الا بعد فوات الاوان
الزواج طبعا افضل لانه سنه الحياه ويجب حسن التعامل لانه مبنى على طرفين
الشئ اللى كان نفسى اعمله ف كل مراحل التعليم انى اعيش سنى واخرج والعب لانى اتقوقعت جوا الكتب
الرحلات اللى قضيتها انا مطلعتش رحلات الا ف الكليه لانها المرحله الوحيده اللى عشتها صح عيشت سنى مع اهتمامى بدراستى وكسبت الاتنين واول رحله طلعت القناطر مع شلتى ف الكليه وكنت ف منتهى السعاده وبعدها طلعت كام رحله مع بعض الاصدقاء ولكن ف النهايه كانت رحلاتى مع زوجى ايام الكليه قبل الخطوبه
الشئ اللى يسعدنى الهدايا والكلام الجميل وتنفيذ طلباتى
الشئ اللى يجعلنى حزينه عدم احترام شخص لمشاعرى والغدر
المطربين والمطربات اللى بسمعلهم انا من هوات القديم وخصوصا حليم وثومه ونجاه وصباح وشاديه وعبدالوهاب وفوزى وفيروز وليلى مراد
افضل الاغانى اللى بتمتلك معنى راقى يسمو بالمشاعر
اول اغنيه سمعتها وبتمثلى ذكرى كانت اغنيه مابلاش نتكلم ف الماضى بتاعه عمرو دياب وكان عندى 4 او 5 سنين لان كان عاجبنى الكليب بتاعها ولما كانت تتعرض اتنح قدام التليفزيون لحد ماتخلص ف بتفكرنى بالبراءه
اول اغنيه اهدهالى حد كانت اغنيه اجمل احساس ل اليسا وكانت من زوجى ايام ما كنا ف الكليه
اول اغنيه اهديتها لحد كانت اغنيه عامل عامله بتاعه ايهاب توفيق واهديتها لزوجى برده ايام الكليه لانى كنت لسه قلقانه وخايفه منه ههههههههههههههههه
الشئ اللى نفسى اعمله ومعملتهوش انى اخد الماجستير
شعورى يوم الخطوبه كنت مجنونه من الفرح ويومها الصبح كنت برقص وازغرد لنفسى ههههههههههههههه
وشعورى يوم الفرح كنت فرحانه بس كنت شبه منومه مغناطيسيا
وشعورى قبل الجواز انى كنت عاوزه اتجوز وبعد الجواز بقول انى كنت هبله ههههههههههههههه
محدش عاجبه حاله

تعالي هنا بقي انتي سعيده انك مصريه واي دوله عربيه تتمني انك تكوني منها واي دوله عربيه حمدتي الله انك مش منها واي دوله في العالم تحبي تاخدي جنسيتها لو عندك بنت تحبي تكون زيك ولو ولد تحبي يكون زي مين مين اتمنيتي تتجوزيه اقصد في الصفات مش الاشخاص مين حمدتي الله ان زوجك مش زيه قبل ماتشوفي الاخبار تتمني تشوفي فيها ايه امتي تخافي من الرجل وعندك ايه تخوفي الرجل به ولو مسكتي الوقت في يدك اي زمن تتمني تعيشي فيه لو سمعتي خبر سعيد تحبي اول واحد تقولي له مين من يعجبك من صحابه النبي عليه الصلاه والسلام حددي اسم من الرجال والنساء لو انتي مصريه احسن محافظه تحبيه في مصر انا سئلت الاسئله دي علشان الاعضاء مخلوش حاجه لي

حمودى الروش كتب:

ما هو تعريفك للمجنون؟؟

العاقل؟؟

المتكبر؟؟

المتواضع؟؟


وما هي المجالات التي تتمنى ان تأخذها منهاجا في حياتك ؟؟

لمن تعطي هذه المسميات :

*القلم الذهبي

*شهادة تقدير

*وردة حمراء

*وردة بيضاء

*ورقة بيضاء ؟مع ذكر السبب

ماهي الفائدة التي تجنيها من جلوسك خلف شاشه الكمبيوتر على النت ؟


ماهو الشي الذي إمامك ولكن صعب الوصول إليه ؟؟

عبارة نسمعها كتير (الطيب مالوش مكان في الدنيا )ماهو رأيك فيها ؟؟

ماذا تمثل لك هذه الكلمات

الحب ــــــــــ الوردة الحمراء ــــــــــ الفرح ــــــــــــ الحزن

ما اجمل لحظات عمرك ؟
متي يرفع الدكتور عصام قبعته للمراة اجلالا وتعظيما ؟
ما هو اصعب موقف صادفك في حياتك ولا تستطيع نسيانه؟


السؤال الخامس

متي تخلو بنفسك و تبكي؟

ماهي صفات المراة التي يعجب بها ايوب؟

حمام زاجل استقر علي نافذتك يحمل رسالة من مجهول فممن تتمني ان تكون؟


لديك باقة ورد لمن تهديها للمراة الذكية ام الجميلة ؟ ولماذا


نزار قباني شاعر للمراة وعاشقها

ايوووب شاعر من ؟ وعاشق من؟


ماهي التجربة التي لا تتمني تكرارها في حياتك ؟؟؟

بيت شعر مر عليك ومش نسيته؟

عضو أول مادخل المنتدى أرتاح قلبك له ؟

طبعا اللى متكرر مجوبيش عليه
وشوري نفسك لو احتجتي تانى اجبلك

يعنى اعمل فيك ايه يابنى انا لو مسكتك مش هخلى فيك حاجه
ماشى خلينى ريلاكس مج النسكافيه جنبى وهرد برده ولا يهمنى

تعريفى للمجنون مش واحد لان له معانى كتيره ممكن المجنون اللى ضيع فرصه من ايده ممكن المجنون اللى بيعشق بجنون بطريقه الخنق والالحاح وممكن المجنون اللى يتعصب لفكره ويحققها حتى لو كانت مستحيله بس ده ارقى انواع الجنون وهو الجنون المطلوب
العاقل من حسب خطواته بدقه وصان لسانه ولم يخسر اصدقاءه ومن لم يغفل عن اعداءه
المتكبر من كان لديه ميزه وراى فى نفسه انه افضل بها من الجميع او العكس انه يظن انه افضل من الجميع وهو لاشئ

المتواضع من عرف قدر نفسه وعرف ان التواضع يجعله محبوبا من خلق الله
المجالات اللى اتمنى اخدها منهاجا لحياتى هو المجال اللى انا فيه ذوى الاحتياجات الخاصه

اعطى القلم الذهبى للراحل القدير د/ مصطفى محمود رحمه الله وادخله فسيح جناته
شهاده تقدير اعطيها لوالدى ربنا يخليهم ليا ويديهم الصحه وخصوصا لامى العظيمه
ورده حمراء اعطيها لزوجى
ورده بيضاء معناها الاخلاص والوفاء اعطيها لاميره مصريه
ورقه بيضاء اديهالك واقولك العب بيها بعيد

الفائده اللى بجنيها ع النت كتير اولا معرفه الاخبار ثانيا المذاكره والبحث ثالثا اهوى المنتديات لانها منفس مثالى رابعا الاطلاع على كل مايخطر على بالى من شئون
الشئ اللى امامى وصعب الوصول اليه الماجستير اهئ اهئ اهئ بس هوصله انشاءالله هانت كلها كام شهر
الطيب ف الزمان ده ياقلبى ملوش مكان صحيحه الطيبه مطلوبه مع الحرص والفطنه والا هيتاكل المؤمن كيس فطن

اجمل لحظات عمرى لما العب مع طفل
دكتور عصام مين
اصعب موقف صادفنى ف حياتى يوم موت ابنه اخى الرضيعه كانت بالنسبه لى صدمه رهيبه وخصوصا انى كنت صغيره ف السن 10 سنين والموت اول مره يظهرلى نفسه

اخلو بنفسى وابكى انا لا اخلو بنفسى عشان ابكى انا دموعى قريبه جدا لدرجه لما ذكرت مصطفى محمود دلوقت بكيت
الصفات اللى يعجب بها ايوب انها تكون باتعه زوجه ايوب رضى الله عنها

اتمنى الرساله تكون من زوجى يصالحنى لاننا زعلانين من امبارح
باقه الورد اهديها للمراه الحكيمه لان الحكمه اعلى من الذكاء اما الجمال فكرتنى بقصه لجورج برناردو شو لما راحتله اجمل امراه ف انجلترا وكانت مغنيه ويشتهر عنها انها خاويه الفكر وكانت تحبه راحتله وقالتله نتجوز ونخلف طفل ف جمالى وعقلك قالها ياخوفى يطلع فى جمالى انا وعقلك انتى هههههههههههههههههههه

نزار قبانى من اروع شعراء العصر المعاصر وهو بركان الحب والغضب فهو شاعر يكتب بالورد والسكين كما وصف نفسه اما حكايه ايوب دى مش فاهماها

التجربه اللى لا اتمنى تكرارها الحمدلله لحد النهارده لم اندم على تجربه مريت بها

بيت شعر مر عليا ومنسيتوش اللى مكتوب ف توقيعى وهو شعر نزار قبانى وكمان بيت المتنبى الخيل والليل والبيداء تعرفنى والسيف والرمح والقرطاس والقلم لانه تفاخر بنفسه اوى واتكبر وف الاخر البيت ده هو اللى قتله البيت الذى قتل صاحبه

عضو اول ما دخل المنتدى ارتاح قلبى له مش انت طبعا

عمر كتب:

تعالي هنا بقي انتي سعيده انك مصريه واي دوله عربيه تتمني انك تكوني منها واي دوله عربيه حمدتي الله انك مش منها واي دوله في العالم تحبي تاخدي جنسيتها لو عندك بنت تحبي تكون زيك ولو ولد تحبي يكون زي مين مين اتمنيتي تتجوزيه اقصد في الصفات مش الاشخاص مين حمدتي الله ان زوجك مش زيه قبل ماتشوفي الاخبار تتمني تشوفي فيها ايه امتي تخافي من الرجل وعندك ايه تخوفي الرجل به ولو مسكتي الوقت في يدك اي زمن تتمني تعيشي فيه لو سمعتي خبر سعيد تحبي اول واحد تقولي له مين من يعجبك من صحابه النبي عليه الصلاه والسلام حددي اسم من الرجال والنساء لو انتي مصريه احسن محافظه تحبيه في مصر انا سئلت الاسئله دي علشان الاعضاء مخلوش حاجه لي

يا اهلا بالمعارك

ايوه انا كلى فخر انى مصريه ومش معنى ان بلدى ف كبوه انى اكرهها ده بالعكس اتالم ان حضاره من اعرق الحضارات ضيعها ولادها
لا اتمنى اى دوله انتمى اليها او جنسيه غير مصر لو لم اكن مصريا لوودت ان اكون مصريا
لو عندى بنت اتمنى تكون احسن منى ولو ولد اتمنى يكون فيه من خصال سيد البشر صلى الله عليه وسلم ويكون قدوته الحسنه
اللى اتمنيت اتجوزه الحمدلله اتجوزته اما فى الخصال اتمنيت اتجوز نزار قبانى هههههههههههههههه
اللى حمدت الله ان زوجى مش زيه اى راجل سلبى شهوانى بتاع قهاوى ومزاج
اتمنى اشوف ف الاخبار الوحده العربيه قبل ما اموت بس شفت الحرب اللى بين مصر والجزائر فقلت الحمدلله احتمال ابن حفيدى يشوف الوحده العربيه
اخاف من الرجل اذا كذب لان الكذب اكبر الكبائر بالنسبه لى والرجل يخاف من طموحى واحيانا عقلى لو ان ليس لى ان اقول ذلك
لو مسكت الزمن ف يدى اتمنى اعيش الخمسينات والستينات والسبعينات لان كان فيه روح من الوطنيه والحماس والانتماء اختفت الان
اول واحد اقوله الاخبار السعيده دايما زوجى لانه بيفرح معايا ويفرح لفرحى
اللى يعجبنى من صحابه النبى طبعا كلهم بلا استثناء لكن المثل الاعلى فيهم الفاروق عمر رضى الله عنه وارضاه
ومن النساء الخنساء
كل محافظات مصر احبها لكن اتمنى اعيش ف اسكندريه

طيب عضو اول مدخل المنتدى ارتاح قلبك مش انا
دا انتى مقولتيش فيا حاجه حلوه حاضر شكل الاسئله بتاعتي قليله
تحبي اجبلك تانى
انا هسيبك انتى تقولي

يا ابن خالتي برااااااحة عليها شوية لانك هرتها اسئلة ولا عشااااان انت قمت من على كرسي الاعتراااااااااف بتنتقم دي حتى برديسسسسسسسسسس عارفة اني ابن خالتك فممكن ده كله يطلع عليا وتقعدني على كرسي الاعتراف ارووووووووح اضربلي مج نسكافيه تيجي تضرب معايا مج يا حمودي

ربنا يخليك يا روميو
مقولتيش برده اجيبلك اساله ولالا