فاكر اخر واحد باعك ؟
----
أيون فاكر ولسه اهو شايل .
----
طيب فاكر الحلم بتاعك ؟
... ---
حلم ايه ده البخت اهو مايل .
---
يعنى فاكر الى يضايقك .
ونسيت الى هايحيك .
لحد امتى هاتحبس نفسك
ولا حاجة قادرة تنسيك . ؟
---
اسكت انت .. زهقت كلامك
مش حاسس بالى جوايا
---
لكن انا لو كنت مكانك .
كنت هارمى ده كله ورايا . !!
---
كدب وكله ياسيدى كلام
ولا حاجة بتحصل قدام .
الماضى بيتعاد كربونة .
والدنيا مفيهاش احلام .
---
انت مصدق نفسك يابنى ؟
ما تبُص للناس حواليك .
شوف كام واحد حقق حلمه
دى بُكرة الدُنيا تاخد بـ ايديك .
---
يعنى انت تضمنلى اعيش .
واحلم حلم مايسبنيش ..
و ولا مرة الدنيا هاتعند .
والفرحة تبعد ماتجييش !! .
---
الدُنيا مش حلوة تملى .
ولازم تعند مرة معاك .
شوية حلوة . شوية مرة .
شوية بتضحك كدة وياك .
بس لازم تنسى همومك .
قبل الفرحة مايوم تنساك . !!
موضوع: فاكر اخر واحد باعك ؟ 
السبت 23 فبراير 2013 - 19:52
