حدوتة سندريلا للاطفال

حدوتة سندريلا للاطفال

[ندعوك للتسجيل في المنتدى أو التعريف بنفسك لمعاينة هذه الصورة]

كان ياما كاااان
كان في بنوتة رقيقة وقمورة اسمها سندريلا الحبوبة
[ندعوك للتسجيل في المنتدى أو التعريف بنفسك لمعاينة هذه الصورة]
ورثت طباع جميلة
من ام نادرة في الطيبة والاخلاق
واتنقل جمال روح مامتها اللي اتوفت
لجمال ااااااالشكل كمان
[ندعوك للتسجيل في المنتدى أو التعريف بنفسك لمعاينة هذه الصورة]

كان ليها اب طيب حنون اتجوز مرة تانية من ست يا ساتر
علي طباعها متعجرفة مسيطرة ومعاها بنتين
نسخة كربونة منها [ندعوك للتسجيل في المنتدى أو التعريف بنفسك لمعاينة هذه الصورة]

طبعا مع طباعهم الشرسة حصلهم غيرة من جمال السندريلا
وابتدت الام وبناتها يستغلوها في تنضيف البيت
وخدمة البنات
لكن البنوتة كانت ودودة ومن كل كائنات ااااااالكون محبوبة
[ندعوك للتسجيل في المنتدى أو التعريف بنفسك لمعاينة هذه الصورة]
لكن المسكينة حتي باباها مقدرش يعارض مراته
لانها كانت غنية
وهي اللي بتصرف علي البيت فكان بيشترك معاهم
ويقسو علي بنته سندريلا
[ندعوك للتسجيل في المنتدى أو التعريف بنفسك لمعاينة هذه الصورة]

وفي يوم خبط الباب وجه مرسال وفي ايده رسالة
دعوة من الامير مكتوب فيها انه عامل حفلة كبيرة
وان سعيدة الحظ اللي هتخطف الفؤاد هتصبح هي الاميرة
[ندعوك للتسجيل في المنتدى أو التعريف بنفسك لمعاينة هذه الصورة]

طبعا الدعوة جت عل هوي الاختين وابتدوا يفكروا
ويحكموا علي المسكينة انها تختار بذوقها الرفيع ليهم
اللي يليق عليهم ويحليهم
[ندعوك للتسجيل في المنتدى أو التعريف بنفسك لمعاينة هذه الصورة]

وبطيب خاطر اختارت بحب اجمل حاجة يلبسوها
وكمان عرضت عليهم تعملهم احلي تسريحة
وهي بتوضب فيهم سالوها بخبث ومكر

-ايه رايك يا سندريلا تيجي الحفلة معانا
ردت المسكينة: انتوا بتتريقوا عليا هو انا اقدر اروح حفلة زي دية
مسكتها مرات ابوها الشريرة وقالت
هو معقول تروح حفل كبيرة بهدومها القديمة
[ندعوك للتسجيل في المنتدى أو التعريف بنفسك لمعاينة هذه الصورة]

بعد مالبستهم ووضبتهم [ندعوك للتسجيل في المنتدى أو التعريف بنفسك لمعاينة هذه الصورة]
وودعتهم بدموع في عينها
واحلام القصر جواها بتنده عليها
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

دموع السندريلا اثرت في الساحرة الطيوبة
وطبطبت عليها بحنان وقالت لها
نفسك تحضري الحفلة
ردت سندريلا من بين دموعها
نفسي.. نفسي
[ندعوك للتسجيل في المنتدى أو التعريف بنفسك لمعاينة هذه الصورة]

قالتها الساحرة طيب روح هاتيلي من الجنينة حباية قرع
وفعلا سمعت سندريلا الكلام
وجابت احلي حباية قرع
وحولتها الساحرة لعربية بديعة
وحولت عدد من الفيران والسحالي بعصاها السحرية
لخدم وحشم وخيول يجروها باجمل جميلة

[ندعوك للتسجيل في المنتدى أو التعريف بنفسك لمعاينة هذه الصورة]
وبضربة بعصاها السحرية
[ندعوك للتسجيل في المنتدى أو التعريف بنفسك لمعاينة هذه الصورة]
حولت الساحرة سندريلا لاجمل حورية
[ندعوك للتسجيل في المنتدى أو التعريف بنفسك لمعاينة هذه الصورة]

واشترطت علي السندريلا مع دقات منتصف الليل
لازم تسيب الحفلة وترجع في غمضة عين
لانها لو قعدت دقيقة زيادة كل حاجة هتعود لاصلها
هترجع لفستانها البسيط والعربية لحبة القرع والخيل للفيران
والخدم للساحالي
ووعدتها سندريلا انها هتسيب الحفلة وقت الميعاد تمام
وركبت الاميرة اللي سحرها تعشقه العين

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]

لمحها الامير
واتخطف قلبه معاها بسحرها
وهوكمان خلي اوتار قلبها
تتاثر بسحر نظرته لها

[ندعوك للتسجيل في المنتدى أو التعريف بنفسك لمعاينة هذه الصورة]

وطبعا الكل بقي يقول مين تطلع الجميلة
[ندعوك للتسجيل في المنتدى أو التعريف بنفسك لمعاينة هذه الصورة]

والغيرة اكلت الاختين اللي قلوبهم شريرة

[ندعوك للتسجيل في المنتدى أو التعريف بنفسك لمعاينة هذه الصورة]

واتقدم الامير وانحني بهيام ومسك ايد الجميلة

[ندعوك للتسجيل في المنتدى أو التعريف بنفسك لمعاينة هذه الصورة]
ورقص معاها علي نغم الالحان

[ندعوك للتسجيل في المنتدى أو التعريف بنفسك لمعاينة هذه الصورة]

واخدها معاه لعالم كله سحر وخيال

[ندعوك للتسجيل في المنتدى أو التعريف بنفسك لمعاينة هذه الصورة]

وسمعت سندريلا وهي في دنيا الخيال دقات الساعة 12
وجريت من الامير ومع لخبطتها وقعت منها فردة جزمتها

[ندعوك للتسجيل في المنتدى أو التعريف بنفسك لمعاينة هذه الصورة]

وحزن الاميروفضل يدور علي الاميرة

[ندعوك للتسجيل في المنتدى أو التعريف بنفسك لمعاينة هذه الصورة]
وامر الحراس بالبحث عن صاحبة الحذاء
لف الحراس علي بنات البلد لكن الحذاء كان اصغر من اي مقاس
ووصل الحارس لبيت ست الحسن والجمال
استقبلوه الثلاثي المرح وطبعا مكانش ينفع تكون الرجل علي اد المقاس

[ندعوك للتسجيل في المنتدى أو التعريف بنفسك لمعاينة هذه الصورة]
وسال الحارس لو فيه حد تاني موجود معاهم
قالولوا فيه بنت غلبانة مش ممكن يكون ملكها
اصر الحارس لانها اوامر من الامير ان الكل لازم يجرب المقاس
وندهوا عليها بلهجة فيها ضحك وهمز وتريقة
[ندعوك للتسجيل في المنتدى أو التعريف بنفسك لمعاينة هذه الصورة]
وجرب الحارس الحذاء اللي كان علي مقاس السندريلا تمام

[ندعوك للتسجيل في المنتدى أو التعريف بنفسك لمعاينة هذه الصورة]

وراحت لبست الفردة التانية كمان
وبضربة سحرية من الساحرة الطيوبة اتحولت البنوتة الخنوعة
لاجمل عروسة

[ندعوك للتسجيل في المنتدى أو التعريف بنفسك لمعاينة هذه الصورة]
واتعرفوا عليها الاختين وطلبوا منها السماح
قربت منهم السندريلا وقالتلهم انها بتحبهم ومن جوة القلب مسامحاهم
واتقابلت السندريلا مع الامير وكانت في عنيه اجمل الجميلات
وخطفها لبدء حياة تجمع بينهم وتكون سعيدة

[ندعوك للتسجيل في المنتدى أو التعريف بنفسك لمعاينة هذه الصورة]

دي يا حبايبي الحلوين قصة جميلة من ايام الزمن الجميل
اتعلمنا منها ازاي الرضا والتواضع والخدمة بمحبة
بتحول الالم لفرح وازاي ربنا بيكافيء في النهاية كل مظلوم

وتوته توته خلصت الحدوته

» حدوتة قبل النوم .... تصبحون على خير ....
» قصة صديقان ,,,, حدوتة قبل النوم
» عزيزتى سندريلا
» قصص قبل النوم للاطفال
» في النت لا تترك سندريلا حذاءها للأمير