يسقط يسقط حبك و أكتر

....................................

يسقط يسقط حبك و أكتر
عشقت وقتى معاك متحير
حتى مزاجى معاك اتعكر
حتى الحلم فى حبك أدبر
و أنت لا حاسس و لا دارى
شاطر بس فى كلامى تجارى

يسقط يسقط فى قلبى خيالك
كنت الحلم و قلبى ندالك
فاكر لما تعيد حساباتك
ههرب و أجرى من قدامك
لا و حياتك عيش اوهامك
قلبى فى حبك عاش أوهام
و استخسرت حتى الاحلام

أنت بتهرب و بتعاند و أنا بتواصل
حبك كله يا حياتى فواصل

يسقط يسقط حبك و أكتر
أسهر ليلى و أنت تفكر
لا بتتكلم معايا ولا بتعبر
كله عندك اسكت هس
لو حجر كان يا حبى حس

كل كلامك يا حبيبى رخامة
زهقت طهقت مليت ملامة
يسقط يسقط حبك و أكتر

فجرك مظلم ليلك قاسى
اشرح اشرح قلبك ناسى
جوه القلب حبك جانى
أنت المذنب أنت الجانى
لوم عليا قول و قول مجنون
صدك ليا و لا مرة يهون
عقلت جنونى دمعت جفونى
ولا فرق معاك كل ظنونى

أحبك أحبك تقول أحلام
فوق و أصحى من الأوهام
يعنى مفيش فى قلبك رحمة
يعنى الحب فى نظرك وصمة

ينفع ينفع و ما ينفعش
قولى نصايح قول ما تخافش
قولى خلاص قلبك شاب
قولى خلاص قفلت الباب
لا أنت بتفهم ولا بتقدر
ظلمك كسر قلبى الأخضر
يسقط يسقط حبك و أكتر
.................................
بقلمى : رياض العربى