اسفه يا : أخ رياض ـ برديس ـ مريم الحقيقية ـ العريشى ـ هيما وطبعا يا موندى

صباح الخير
قبل أى حاجه حقيقى بحيكم جميعا على المنتدى الجميل ده وبخص بالذكر اللى حسيت أنهم أخوه لى بجد الأخ رياض والاخت برديس ومريم الحقيقية و العريشى وهيما وطبعا أخى وصديقى موندى ... لكن يا جماعه حقيقى مش هقدر أكمل معاكم لأنى واضح من بعض الاعضاء انى حد غير مرغوب فيه ولقيت نفسى المسيحية الوحيده ( الكافرة ) بينكم طبعا من قبل بعض الاخوه ومع ذلك ربنا يسامحهم .. لذلك قررت الانسحاب بهدوء .. بس كان واجب عليا زى ما عملتم ليا ترحيب جميل مشكورين عليه أول ما سجلت بالمنتدى واجب عليا انى أخبركم بقرارى بالخروج من المنتدى وده أقل واجب أقدر أقدمه ليكم ... وأحب اقول حاجه كمان للأخوه اللى ( كفرونا ) .. موندى ويعتبر أخ وصديق كتب عن المسيحيين وله وجه نظره أنا شخصيا مزعلتش منه لأن ده بعتبره إجتهاد منه بس يكفى انه رد بأدب واحترام واسلوب علمى على الاقل وده من أكتر الحاجات اللى خلت موندى أخويا ..فى فرق بين انسان مجادل بادب واسلوب علمى وتحاور جاد وانسان همجى ومتسرع .. ويا أخوه ياللى طلعتونا ( كفره ) لو حافظين القرآن الكريم صح مش هتقولو كده .. عيب لما مسيحيه تقولكم كده ..
بشكركم .. وتحياتى للجميع

استغفر الله العظيم من كل ذنب عظيم
انا والله مااعرف انها مسيحيه
علشان اقول كافره
مش
ده
كلامك

فى فرق بين انسان مجادل بادب واسلوب علمى وتحاور جاد وانسان همجى ومتسرع .. ويا أخوه ياللى طلعتونا ( كفره ) لو حافظين القرآن الكريم صح مش هتقولو كده .. عيب لما مسيحيه تقولكم

هو ده كلامك

هو كان موضوع اصلا
وبعدين انا مليش دعوه بيكي

مينفعش انك تقولي لنا همجي وعيب ومتسرع ولوحافظين القران

انا بقولها كده بصراحه مش بحب المسيحين من قبل مااعرف انك مسيحيه او لاء
وكويس بالرد بتاعك ده لانه المتوقع واكتر منه كمان
صدقت يا رسول الله والله انك لا تنطق عن الهوي
ان هو الا وحي يوحي
هتمشي انتي واحنا هنزعل من بعض
اخواني سمحوني
انا مش بحبهم دمي بيغلي منهم
اسف ياموندي
اسف يارياض
اسف لكم جميعا
مش اقدر اجامل واقول كلمه غصب عني
اما موضوع كافر ولا مش كافره لنا رب
الحكم العدل يفصل بيننا يوم القيامه

الرجاء من إدارة المنتدى غلق النقاش فى هذا الموضوع
واسف جدا جدا لأى عضو أو عضوه شايف ان كرستين قالت كلمه فى حقه

وعلى فكره يا أخ عمر صدقنى على لسان كرستين لما قرأت ردك وكلمتها قالت انها ما قصدت انسان بعينه هى قرأت فقط بعض الردود وبناء عليه قالت كده فياريت لا تأخده بمحمل شخصى .

انا طبعا بعد اللى قولته انا مش هتكلم

بنتظر من رياض الرد
وبعدين نقفل الموضوع ده
علشان مفيش حد يزعل

السلام عليكم ورحمة الله وبركاتهاولا يا اخت كرستين احنا كلنا اخوات ومفيش حاجه والله ومحدش هيقولك كده بلعكس احنا هنعملك زى اخت لينا واكتر وبجد احنا مش عيزينك نفرقى المنتدى وان شاء الله رب العالمين ربنا هيهديكى الى الايمان ب الله والتوبه وان الله يغفر الذنوب جميعا

بسم الله الرحمن الرحيم

اخوانى جميعا

احب انوه لشىء بسيط

وكلامى ده عموما ومش بسبب موضوع الاخت كريستين

ملاحظة بسيطة جدا
واتمنى تقبلوها

احنا جميعا اخوات

ولاحظت ان فى بعض الاعضاء لايقبلون النقد من الاخرين

والبعض الاخر

ينقد لمجرد النقد

انا ملاحظة ان فى عدم ارتياح من بعض الاعضاء لاعضاء اخرين

وزى ما قلت ان ده مش خاص بموضوع كريستين

اما الاخت كريستين اشكرك لانك خصيتنى بكلامك

وانا موجودة لو تحبى نتواصل مافى مانع

======================

اما الموضوع الخاص بينك وبين الاخ مندى

فلادخل لى فيه لذا لن ارد

===================

بالتوفيق لكم جميعا

أختى مريم الحقيقية انا طلبت من الادراه توقف الرد بهذا الموضوع تماما وبالنسبه للأخت كرستين بصراحه مفيش نصيب تكمل معانا فأصبح النقاش فى الموضوع ملوش اى لزمه .. وهكرر كلامى للإدارة أى موضوع يخص النقاش فيه موضوع كرستين ياريت يتقفل

انا مش عارف اقول ايه يا اخوانى بس بصراحه احنا وصلنا الى مرحله من التعصب لا يحمد الله عليها لان فى الاول والاخر احنا مصرين اذا راى احد منكم ان علشان كرستين مسحية تكون مكروها فده غلط
الرسول محمد عليه السلام عندما كان يلقى احد اليهود عليه القمامه وانقطع زاره فى بيته لانه كان مريض فما بالك وهو افضل شخص على الارض ليواجه اعداء الدين وما قيمتنا نحن بجوا رسولنا الكريم
اختى كرستين انا نادم جدا لانى مقدرتش اشوف الرد الى تم من قبل ولكن اليوم انا اقولها اذا لم يعتذر كل شخص اهانك انا من اول الافراد الى هيكون ليه موقف ضدهم
وارجو ان تعودى الى منتدكى واسرتك
محمد نبى وموسى نبى وعيسى نبى وكل من له نبى يصلى عليه
واشكركم على احترامكم للاديان يا اخوانى

ايه الي بيحصل ده ياجماعه موندي قال الموضوع انتهي

وكريستين بررت كلامها لعمر

خلاص يعني مفيش حاجه

وكريستين معنا

انا خايفه افتح مره القي اسم المنتدي اتغير من وجنه ل---كريستين انا طبعا مش اقصدها في حاجه
الاخت الكريمه متكلمتش عيب علينا كده

وجزاك الله خيرا ياهيما

انا عايز اعرف ايه اللي حول الموضوع
الي مسلمين ومسيحين ايه اللي حوله
راجعو كل الكلام من الاول
واكيد هتعرفو ده كله حصل ليه
ودي اخر مره اكتب في الموضوع ده
علشان يتنسي خالص

اغخى مندى ليس من حقق غلق الموضوع او طلب غلقه انا احب اوضح ان الموضوع مهم ليس هنا مشكلة كرستين فقط هى مشكله هيتحدد عليها مصير المعامله فى المنتدى اذا كان كل عضو هيرد بنفس الاسلوب يبقى ملوش لازمه المنتدى احنا اتفقنا فى البدايه ان المنتدى يكون منتدى اسرى واخوى اذا احبتت احد او لا فلا داعى للمشاركه فى مواضيعه اى لا داعى ان احد يقول انا بحب حد او بكره حد ده غلط
اخى عمر انا اسف على الى هقوله بس انت متعرف الدين كويس ارجع الى كتابنا المقدس القراءن الكريم وانتا تعرف اذا كان لازم نتكلم كده مع حد ولا لا
واعرف اقاويل الرسول وانت تعرف المعامله تكون ازاى
التدين ليس بالكلام ولكن بالمعامله
اعرف ما حدث مع الرسول واعرف ما فعله الرسول وانت تعرف كيف يكون الدين
نحن ديننا يدعو الى المعاملة الحسنه والكلمه الطيبة
انت بطريقتك تذكرنى بالمتشددين المطرفين الذين لا يدرون شياء عن الاسلام
معنى الاسلام هو السلام
وانا اسف واذا كان كلامى ده هيزعل حد انا اسف وهنسحب اذا احببتوا ذللك

كريستين اخت فاضله وصديقه عزيزه ويحز ف فسى اللى احنا وصلناله
ومفيش حد يقدر يكفرك والعياذ بالله لان دى حاجه بتاعه ربنا
احنا كلنا اخوات ف وطن واحد المسلمين والمسيحين جناحى امه واحده
لو جناح منهم انكسر البلد كلها هتقع
وبعدين انا عاشرت مسيحين كتير واتربيت ف بيوتهم وصادقت بناتهم
عمرى حسيت ولو للحظه انهم غرباء عنى
نخرج ونلعب ونذاكر ونتناقش ونتنافس منافسه شريفه
ووقت الصلاه اذهب للجامع وهى للكنيسه
ف النهايه احب اقولك انتى عضو مرحب بيكى هنا ومش مفروض انك تمشى
ومحدش يقدر يمشى حد لمجرد ان رايه مخالف
انتى عارفه ان معظمنا لا يهمه كونك مسيحيه
اما لو هناك قله ترفضك فمن المفروض الا تبالى وتكملى مسيرتك
والى هنا انتهى النقاش وقفل الموضوع

"آمن الرسول بما أنزل إليه من ربه والمؤمنون . كل آمن بالله وملائكته وكتبه ورسله . لا نفرق بين أحد من رسله . وقالوا:سمعنا وأطعنا . غفرانك ربنا وإليك المصير"

شكرا كرستين على اعتذراك
و أنا اعتذر لك و للجميع
قفل النقاش فى الموضوع
ارجو من الجميع قفل المناقشه و لنعد للحوار و المناقشة فى موضوعات المنتدى
و نترك تلك القضية
شكرا لكم