انا حضرت جنازتى ,,,, وبكيت على نفسى!!!!!!

السلام عليكم ورحمة الله وبركاته

كل سنه وانتوا بألف خير يارب
انا النهارده جايه احكيلكوا على حلم حلمته بس صعب اوووى غيّر فى حياتى كتير
وأُثّر عليا جدا لانى اللى شوفته صعب اوووى
واول ما صحيت حسيت ان ربنا بيدينى فرصه تانيه علشان اراجع نفسى تانى
اللى حصل ان تانى يوم العيد كنت سهرانه مع بنات خالتى عند امى وقعدنا نضحك ونهزر ونتكلم فى كل حاجه
ونتريق على كل حاجه وجينا قبل الفجر كده وقولنا نصلى وننام شويه لاننا صاحيين من بدرى
انا بنتى كانت نامت على رجلى وانا قاعده وخدتها احطها فى السرير صحيت تانى خدتها فى حضنى
وقولت انيمها واقوم اتوضأ واصلى وارجع انام تانى وقولت ما هو موش معقول اسهر كل ده وانام قبل الصلاة
اللى حصل ان راحت عليا نومه والشيطان غلبنى وما صليتش الفجر
وما حسيتش بحاجه الا الساعه 9 صباحا
لكن اللى شوفتوا كان صعب اووووووى هحكيلكوا وعاوزه رأيكوا
انا حلمت انى موتت وشوفت جنازتى وشوفت ولادى واهلى وهما بيبكوا عليا
انا كنت شايفه كل حاجه ولفيت البيت كله لكن فى الوقت نفسه انا ميته
والله شئ صعب عليا اووووى موش علشان الموت نفسه كلنا هنموت لكن انا كنت ببكى مع الناس كلها
ببكى على نفسى!!!!!!!
كان كل اللى شاغلنى حاجتين اولهم عملى وصلاتى...يااااااااااااااا ده انا سيبت الفجر ونمت
سمعت المؤذن بينده ويقول الصلاة خيرا من النوم ومع ذلك نمت
وتانى حاجه ولادى...دول اطفال صغيرين وما يعرفوش الا انا ولا يعرفوا يعتمدوا على نفسهم اسيبهم لمين
لو قالوا ماما هيقولولهم انا فيييييييييييين ..لو عيطوا مين هيسكتهم لو عاوزين حاجه هيطلبوها من مين
وانا كل حاجه بالنسبالهم .. ايوه ربنا ارحم منى عليهم لكن قلبى كان بيتقطع والله
كل اللى أثر فيا انى موتت وانا موش مؤديه صلاتى سيبتها ونمت وطول اليوم صاحيه واضحك واهزر وجيت عند الصلاة
وخلاص موش قارده استنى دقايق صغيره والشيطان يغلبنى كده!!!!
كنت خايفه اقابله طيب هقولوا ايه... وكمان موش كده وبس
لا
ده انا كمان قبل ما انام قعدت اهزر مع قرايبى واخواتى ونتريق على كل حاجه
كنت خايفه اووى من الحساب ونسيت ان الميت لما بيموت بيتمنى يرجع الدنيا علشان يسبح ويهلل ويستغفر
انا ساعات بعمل كده لكن موش هكدب عليكوا موش دايماااااا
موقف صعب وماحدش يستحملوا حسيت انى ضيعت نفسى وده جزاء اللى يسيب نفسه للشيطان يغلبه
انا شوفت نفسى وهما شايلينى وانا رايحه اتدفن والله انا بكتبلكوا وانا بتقطع وابكى
وقلبى فيه نااااااار من جوا ..موش خايفه من الموت ..خايفه فيما بعد الموت
بيقولوا اللى بيموت بيستريح لكن والله ابدا
الحساب....هعمل فيه ايه وهتحاسب ازاااااااااااااى وانا ضيعت كتير فى الفارغ
جوزى بقى اللى مايعرفش انى بدخل المنتدى ووالله ما بدخل غيره ووالله هيه دى الحاجه الوحيده
اللى بعملها من وراه لانه رافض كل ده افتكرتوا فى حلمى ان ربنا هيحاسبنى عليه لانى خونت ثقته فيا
ومن جوايا اقول لنفسى انا موش بعمل حاجه غلط انا بتكلم مع ستات بس نسيت اسأل نفسى
يا ترى عقابى ايه عند ربنا وجزائى ايه
كل ده يا اخواتى والله افتكرتوا فى حلمى وما افتكرتش اى حاجه انا عملتها حلوه ابدا علشان اصبر نفسى انها هتشفعلى
كل اللى كنت ببكى عليه هو اللى نمت عليه واخر اللى عملته!!!!
انا خايفه من ربنا اوووى وضيعت كتير اوووى وعارفه ان الموت موجود ولا مفر
لكن ما عملتش حسابه ومن دلوقتى انا هعمل حسابه واللى يدخل ياريت يقولى دخولى المنتدى من ورا جوزى
يبقى فيه حرمانيه عليا ولا لا؟؟؟؟
وكمان عاوزه اقولكوا لو حد غلط زيى ونام ونسى الصلاة وغلبه الشيطان
يراجع نفسه ويتوب اللى الله والحمد لله على اى حال
انا بس حبيت احكيلكوا علشان تستفيدوا وتفيدونى وتخففوا عنى لان اللى شوفتوا صعب عليا
كل ما اشوف ولادى افتكر اللى حصل واحضنهم اوووى
حسيت ان ربنا بيدينى فرصه تانيه علشان ما اعملش كده تانى واستعد للقاءه فى اى وقت
ربنا يسامحنى

هذه ليست قصتى ولكن قصه اعجبتنى

زائر

بجد قصه مؤثره جدااااااااااااااااا
والله خضيتينى يا احزان افتكرت انها قصتك بجد
ياااااااااااااارب احسن خاتمتنا ونموت واحنا على عمل صالح يشفع لنا

جزاك الله خيرا يا حبيبتى
جعله ربى فى ميزان حسناتك

شكرا ساره لمرورك الكريم

والله ده حلم فعلا مرعب
ربنا يكفينا من شرور انفسنا وسيئات اعمالنا
شكرا يا احزان فكرتينا بالتوبة والاستغفار

يارب يتوب علينا ويغفرلنا جميعا

امين يارب العالمين

نورتينى واسعدنى ردك

شكرا بنت مصريه

اللهم احسن ختامنا
اللهم اجعل مثوانا الجنه
فعلا حلم مرعب
شكرا احزان
قصه راائعه

امين امين يارب العالمين

تسلمى ياهاجر على مرورك الكريم