أنا أكتر واحد اتظلم واتعذب في الدنيا دي واسمعوا حكايتي !

يا ريت تفتحولي صدوركم وعقولكم وتسمعوني زي ما عودتوني دايما

لأني محتاج اتكلم معاكم

***************

صدقوني أنا أكتر واحد أتظلم في الدنيا دي

شوفت كتير وتعبت كتير من كتر ألي شوفته

ياما حزنت في الدنيا وياما شوفت آهات مالهاش آخر

ياما سهرت الليل ودمعي محبوس في عيوني مش قادر ينزل

ياما اتظلمت من كل الي حوليا الي دايما كنت بشتريهم

وكانوا هما دايما بيبيعوا ومن غير أي تمن

ياما ساعدتهم وحاولت أني أساعدهم ومع ذلك طول عمرهم وهما بيحاولوا يدمروني

****************

العالم بقى غريب

زمن غريب زمن الخداع ، زمن الغش ، الكل بقى بيضحك على الكل

زمن مليان هموم، زمن مليان ناس مش بتقدر الي بنعمله ليهم دايما

**********************

ياااااااااااااااااااااااااه

دا انا كنت تعبان أوي أوي من كل الي جوايا

لغاية ما قدرت ادخل الانترنت وأفضفض معاكم علشان تسمعوني

بدأت استريح شوية من لحظة دخولي الانترنت وبقيت اكلم ناس وتسمعني الناس دي وانا بقيت مستريح

بدأت الهموم تقل واعرف منهم اني إنسان كويس أوي وأنا ماغلطتش أبدا في أي شيء عملته

الكل كان بيغلط في حقي وانا الي كنت دايما بسامحهم على ألي بيعملوه معاي

انا طبعا كانت تايهة عني الحقيقة دي لغاية ما دخلت الانترنت واتكلمت مع ناس وحكيت ليهم عن كل حاجة بصدق

وهما الي قالولي اني ما غلطتش واني عملت الي عليا واكتر

ياااااااااااااااااااااااااااااااااااااه

هم وانزاح عن صدري !

لحظة ... لحظة ... لحظة بالله عليك واوعى تصدق او تصدقي اي حجة من الي اتقل ده

لأنه بالفعل كلام وإن كان فيه بعض الصدق إلا أنه مليان كذب

والاصعب في الأمر أنه أول واحد كذبت عليه هو نفسي

انا كنت عايش عادي وما فيش عندي أي مشاكل ولا هموم وما كنتش بدور على الي يهون عليا

لأني ما كانش عندي أي هموم ولا تعبان من حاجة أو على الاقل ده بالنسبة ليا انا

كنت عايش ومش راضي وبس بدوري وسط اهلي وكل الي حوليا

بالعكس أنا كنت سعيد جدا بالدور الي انا فيه وبتمنى دايما انه يكون اكبر من كده

بدأت الهموم من أول ما دخلت الانترنت ولحظة بداية حياتي التانية الي ممكن نسميها (حياة ثلاثية الأبعاد)

زي الألعاب ثلاثية الألعاب الي كنت بلعبها أون لاين وبختار محارب أو مقاتل معين وبطور فيه

ومع الوقت كل شيء بيبقى عادي

هو هو نفس الشيء وكأني كنت بكبر الأمور وبدور على الهموم بأي شكل علشان أقدر أعيش دور الحزين

واظهر أمام الاشخاص الي اعرفهم بدور المقاتل المنكر لذاته والكل مش بيقدر دوره في اللعبة

بجد شيء غريب جدا جدا.

أما نفكر في الهروب من الواقع الجميل علشان نعيش دور مش بتاعنا ،

دور فرضه علينا أشخاص عرفناهم بمحض الصدفة

ويمكن هما أنفسهم عملوا كده من غير قصد لأنهم وقعوا في المصيدة دي من غير ما يعرفوا

بجد اتأخرنا كتير عن الواقع بتاعنا والي المفروض نكون عليه

بقينا اشخاص غير جديرين بالاحترام من انفسنا بقينا بنكذب كتير وأكتر حد بنكذب عليه هو نفسنا

اللوم بقينا نقذف بيه الزمن والظروف والآخرين من غير أي محاولة مننا لتحسين الواقع الي احنا فيه

الأغاني والأشعار والمواقف الحزينة أصبحت شيء جميل في حياتنا بتاخدنا في عالم تاني غير الي احنا فيه

المسلسل الفلاني الرومنسي وازاي البطل ماقدرش يتجوز البطلة الي كانت ما بينهم قصة حب كبيرة أوي

هو ده العالم بتاعنا ؟! هي دينا حياتنا ؟! هي دي الحياة الي احنا بنسموا إليها ؟!

الموضوع أكبر من أني اشمله في كتابة واحدة ومع ذلك أما كنت في الدوامة الي اسمها الهموم والحزن

والفراق وفقدان الحبيب ماكنتش بقدر استوعب الكلام ده حتى لو قريته ، ما كنتش بصدقه ولا برضى اقراه

وعارف انه كتير وكتير الكلام ده ممكن يكون غير ذات قيمة عندهم زي ما كان بالنسبة ليا نفس الشيء

ولكن بما أننا قادرين نتكلم وفينا صوت لازم نقول الحقيقة والصدق .

الصدق الي أصبح مجرد أننا نذكر شيء من الاحداث من غير ما نذكر باقي الاحداث

عموما كل انسان فينا فيه عقل واكيد هيعرف يميز ما بين الصح والخطأ وإن كان ده مع الوقت

شيل الغمامة من على عينيك وعنيكي قبل ما يفوت الأوان وتبقى حياتنا حياة دوت كوت فارغة من العمل

فارغة من الصدق الحقيقي الي غيبناه في عالم الانترنت

شكرا ليكم ومش هقدر اقول اسف على الاطالة لاني ما كتبتش إلى عناوين من الموضوع

في حفظ الله ورعايته

((يوسف))

زائر

بجد ربنا يبارك فيك
موضوع اكثر من رائع
والعنوان شدينى جدا واستغربت ان حضرتك تقول حاجه زى كده
ربنا يبعد عنك الظلم يارب
وعن كل المسلمين
جزاك الله خيرا

آمين والمسلمين أجمعين انشاء الله

شكرا ليكي اخت ساره

ولكن العنوان في بعض الاحيان لازم يكون فيه شيء من الإثارة علشان يجذب اهتمام القارئ

في حفظ الله ورعايته

بجد موضوع رااااائع جداااااااااااااا وجميل جدا جدا

وربنا يجزى حضرتك عليه كل خير ويجعله ف ميزان حسناتك

لان بجد مع حضرتك حق ف كل كلمة قولتها

شكرا ليكي وربنا يبارك فيكي ويكرمك

موضع جميل جدا جدا جدا جدا
وكلام حقيقى انت صح وكلامك كله صح
وانا بشكرك جدا جدا على الموضوع دا بجد رووووعه

بارك الله فيك وربنا يبعد عنك الهم والحزن والظلم واى شى ووحش او اى شىء يضرك

شكرا ليكي وربنا يبارك فيكي ويكرمك

ربنا يبعد عننا الظلم ويفرج كرب الجميع

» صور عجائب الدنيا السبعة القديمة و الحديثة - عجائب الدنيا السبع القديمه والحديثه
» حكايتي والبرتقاله
» في أول الحكايات حكايتي♥♥♥
» برنامج بره الدنيا حلقة الجن - نيره ممسوسه من الجن برنامج بره الدنيا
» برنامج العلم و الايمان دكتور مصطفي محمود حلقة عن عظماء الدنيا وعظماء الاخرة - عظماء الدنيا وعظماء الاخرة برنامج العلم و الإيمان