أحنا كده بأرخص تمن ممكن نبيع
مبنعرفش قيمة حد غير لما يضيع
بنفضل ندوس على كل أحلام الليالى
و بعدين نقول أرجع بقى أرجع يا غالى
مانا كنت بين أيدك
لا عبدك و سيدك
كان حبك مالينى
كام أملى بسيط جدا
انى افضل شاريك جدا و تفضل شارينى
فى اول عتاب بينا نسيت اللى كان بينا
نسيت كل حاجة
نديت لك بعلو الصوت
و انا بين الحياة و الموت
حلفتك بحاجة
بعمرى اللى عشته معاك
و القلب اللى عاش وياك
على حلو السنين و المر
كان ردك خلاص أنا بعت
اشمعنى النهاردة رجعت
خلاص الأسير بقى حر
ما أنا زى ما أنا يا زمان
القلب اللى عمره ما خان
فى عز القساوة
الأيد اللى قادت شمع
القلب اللى مسح الدمع
الحضن اللى داوى
يا ريت الندم هيفيد
هيجيب اللى راح لبعيد
لسه الجرح واااجع
خلاص العتاب دى الوقت
وجع قلب و ضياع للوقت
هيقلب مواااجع
هتعصب عليا سنين
كان جرحك ولا السكاكين
فى القلب اللى شارى و حب
مقلتش هخلص تار
ولا أرد العذاب و النار
انا سبتك و قولت يا رب
يا ريت الندم هيفيد
فى حاجات لو تضيع من الايد
من الصعب تلاقيها
مانا كنت بين أيدك
لا عبدك و سيدك
كان حبك مالينى
كام أملى بسيط جدا
ان افضل شاريك جدا و تفضل شارينى
أحنا كده بأرخص تمن ممكن نبيع
مبنعرفش قيمة حد غير لما يضيع
بنفضل ندوس على كل أحلام الليالى
و بعدين نقول أرجع بقى أرجع يا غالى
موضوع: إرجع يا غااااااااااااااالى 
الخميس 21 أكتوبر 2010 - 1:16
