شفت بعينى محدش قالى ...............

شوفت بعينى

شوفت بعينى محدش قالى

كارثة كبيــرة حـرقة دمى

واحد واقف وعليه زحمة

آل إيه .. بيفرق لحمــة

قولت دا حلم ولا دا إيه

راجل اتجنن ابن الإيه

قالوا لأ دا إبن البيه

اللى سياده مرشح نفسه

بياخد الصوت بكام قرشين

وكيلو لحمة لكل إتنين

وقفت مكانى وأنا مذهوله

ناس كتيرة مش معقوله

عماله تردد كلام بتقوله

انتخاباتنا نزيهه نظيفه

مش محتاجة صابونه وليفه

زعقت وقلت أمانة صوتك

شاوروا وقالوا أكيد مجنونة

قولت دا صوتك هو ضميرك

ردوا .. قرشك هو كبيرك

يله امشى .. بلاش شعارات

هو ده حالنا هنا بالذات

حقك ضايع

صوتك بايع

يبقى حقيقى ضميرك مـــــــــات

هههههههههههههه
ماهو بيفرق لحمه مقابل لحمه
ايه رايك يا عرايشى
والله تحفه يامشموشى
فقط حجزت لى مكان هنا
الى ان اعود
واسعدنى ا لمرور الاول
تحياتى

تسلمى يا قمراية

وتعالى اللحمة فى انتظاااااااااااااااااارك

هههههههههههههههههههههههه

زائر

هههههههههههه ياجماعه كتر خير الراجل بيفرق لحمه يعمل ايه اكتر من كده
انا بقي ممكن اقف في الطابور بس اخد حقي ناشف يحسب تمن اللحمه بكام ويدينى حقها ههههههه

تسلمي مشموشي والله كلمات جميله
دايما متميزه يا حبيبتي
ربنا يهديهم والله ناس كل اللي همها الفلوس وبس وهو اللي مرشح نفسه انسان غشاش بينجح نفسه بالرشوه
ربنا يعافينا كلنا ويهديهم ياارب

تسلمى ساره

لكن عايزة تخدى حقك ناشف ليه اسمع الكلام وخليكى فى المضمون

ههههههههههههههههههههههههههههه

ربنا يهدينا جميعا

وبعد عننا شرور النفوس

» قالى بحبك اعمل ايه
» محدش يبص على الباس وورد بتاعي ^_^