قصيدة : يا وطن جنة و نار

قصيدة يا وطن . جنة و نار ... نصيحة وأشعار د . هاني ابوالفتوح

[ندعوك للتسجيل في المنتدى أو التعريف بنفسك لمعاينة هذه الصورة]

من زمان و أنا أحب كلمة وطن
وافتكرها ارض صالحة للعمار
النهارده ... الأرض بور
بركان .. يثور .. يصبح دمار
قمت بَصِيتْ ع الوطن
شفت الوطن جنة ونار
قولي مالك يا وطن . الجنة فين ؟
قول ... الوطن ليه في انحدار ؟
قال الوطن ... من كتر همي
كل حتة فيا نار ....
ليبيا .. سوريا ..عمان
اليمن .. والْعَة .. نار .. !!!!
البحرين .. آيْدة حريقة في اللؤلؤة
والقدس مقسومة بجدار
واللي شعبه نايم وساكت ...
ناس من بعيد بتوَلَعُه .. عاوزاه شرار
..............................................

[ندعوك للتسجيل في المنتدى أو التعريف بنفسك لمعاينة هذه الصورة]

طب يا وطن .. العيب في مين ؟
فكر معايا ... بكفاية انتظار
يا وطن ... وسط الخريطة
اشمعنى إنت اللي حرايقه في كل دار ؟
يمسحوك م الكوره أحسن .. و ينضفوا كل المدار ؟
و ألا تنضف من عمايلك .. تِهْدَي واسمع للي ثار ؟!
شوف إيه اللي الشعب عاوزه ... يبتدي يفُك الحصار
وألا حكامك خلاص ما بيسمعوش وألا شايفين الدمار
كل حتة فيها ولعة .. مين يطفي ؟
من محيطك .. وصلوا لخليجك .. كل شعبك استجار
يا وطن عربي .. قولي .. هي عربي ... يعنى نار ؟
..............................................................

[ندعوك للتسجيل في المنتدى أو التعريف بنفسك لمعاينة هذه الصورة]

إنت مش شايف بعينك ... طماعينك .. الكُتار
نفسهم يقَطَعُوك ... ويقسموك ... ويعصروك
ويمصوا دمك .. في الغدا .. والعشا .. وقبل الفطار
يا أخي .. افهم .. جننتني .. من عمايلك عقلي طار
هي محتاجه ذكاوة ... ولا محتاجه سؤال ...
ولا محتاجه مجلس الأمن الكبار ؟
يا عبيط ... كلهم ... كان همهم ... ييجوا عندك
ياخدو أرضك ... والسما ... ويا البحار
خير وبركة ... تيجى منك ... تقول تعالوا
في ثانية .... واصلين المطار
يوم الهنا ... يوم المنى ... مفيش انتظار
إمتى هتفوق من غباوتك !!!
الطوفان واصل لعندك ... جاية ساعة الانفجار !!
الحل كله بين ايديك ... ارجع لربك
خلي للحرية باب .. قوم افتحوا .. كفاية اللي صار
واللي يحكم مش ضروري للأبد
ومش ضروري امن دولة
ومش ضروري الفساد للركب
آخرتها ... يبقي الحكم عار
عشان بأحبك ... و أعشقك ... قلتها لك
مش شماته .. ومش بطولة .. وكام شعار
خد كلامي بجد مرة ... مش هزار
قوم وفوق زى زمان ... رد بإديك الاعتبار
دي نصيحتي ... و دي مطالبي ...
ربي عالم .... ربي قادر
و انت .. في ايديك القرار

نصيحة وأشعار د . هاني ابوالفتوح
الكويت – 24 مارس 2011

اخي الحبيب الأستاذ رياض العربي الموقر
الوطن امانة بين يديك في القصيدة يارب الجنة تظهر والنار تختفي للابد , القصيدة حصريا لمنتدي وجنة وهذا اقل واجب تجاهكم لانكم شركائي في عرض القصيدة بما تقدمونه من ابداع افضل من كلمات القصيدة ذاتها, تقبل من ابوظبي خالص تحياتي وتقديري

تحت امرك اخ هانى

من عنيا طبعا انت منور المنتدى دايما

كلمات جميلة و رقيقة و معبرة

دائما متميز كالعادة

ننتظر منك كل جديد

تقبل تحياتى

رياض العربى كتب:: تحت امرك اخ هانى

من عنيا طبعا انت منور المنتدى دايما

كلمات جميلة و رقيقة و معبرة

دائما متميز كالعادة

ننتظر منك كل جديد

تقبل تحياتى

الأخ الحبيب الأستاذ رياض العربي
حين تعجزالكلمات عن التعبير فعجزي وتقصيري قد يشفع له صدق مشاعري ودفء مودتي واحترامي لكم , سلمت وسلمت يدك وسلم فكرك وخالص تمنياتي لكم بالرقي والتقدم ولمنتداكم الغالي كل رفعة وازدهار

» قصيدة عمر قطامش هدىء أعضاءك يا فلو - قصيدة عمروقطامش للمجلس العسكري والفلول
» قصيدة أعجبتني جدًّا في مدح الرسول صلَّى الله عليه وسلم, قصيدة رائعة
» قصيدة : كان حلم و تاه
» قصيدة : مصر أهم
» قصيدة : أول عيد