كرسى الإعتراف مع عمر غرباء

ايه يا رياض هو الكرسي هيفضل كده كتير

ايه رايك نرجعه تاني واللي موجود يسأل أو يتسأل

وأما تبدأ تشغله تاني انا عندي استعداد اكون فيه

أهو نغير شوية فكر انت بس وابقى عرفنا

كل سنة وانت طيب

خلاص يا عمر نشغل الكرسى و اللى موجود يسأل

و انت تكون على الكرسى تجاوب على اسئلة الاعضاء

وانا كمان هجهز لك اسئلة

كل عام و انت بخير

ماشي بس ابقى عرفنا بس في الشريط الاخباري وبرضو اهو الناس تعرف

شكلك بتفطر وتنام

مش تتقل في الفطار كده مش حلو على فكرة

كل سنة وانت طيب

كل سنة وانت طيب يا عمر

اتفضل الاول نشرب حاجة قبل الاسئلة

[ندعوك للتسجيل في المنتدى أو التعريف بنفسك لمعاينة هذه الصورة]

نبدأ بقى الاسئلة

ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))

إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

جاوب يا عمر لما أفكر فى اسئلة تانية

كل عام و انت بخير

رياض العربى كتب:: كل سنة وانت طيب يا عمر

وانت طيب يا رياض ومتشكر على القهوة مع اني كرهتها من كتر ما بشربها من الكويتيين وطعمها وحش

بس منك هشربها ومتشكر اوي
[ندعوك للتسجيل في المنتدى أو التعريف بنفسك لمعاينة هذه الصورة]

نبدأ بقى الاسئلة

وانا موافق ومع اني عارف انه ممكن انا وانت اللي هنسأل بعض مش هكون لوحدي يعني
ماذا ستكتب لنا لتعبر عن حياتك التي عشتها الى الان في كلمات قليله ؟

هقول عليها بكلمات قليلة يا عم رياض ويا رب اعرف

انا من الاشخاص اللي حياتهم تكتظ بالطموحات لأن بالنسبة ليا حياتي ما كانش ينفع فيها أحلام لأنه الحلم كان بالنسبة ليا مصطلح مقابل للضعف

فحياتي كانت اهداف والطموح اللي جواي حرم على عيوني النوم لأنه مالوش حدود ومش بيعرف استسلام ولا ضعف ولا تراجع

مقتنع جدا بنصف المقولة اللي بتقول (( من طلب العلى سهر الليالي)) انا بقول عليها من طلب العلى شاف الويل

بس كده

. اذا اردت ان تبكي الان , فعلى من تبكي؟

من غير زعل يا رياض أنا هبكي على معنى الصداقة لأني بجد عمري ما عشته في الواقع مع أني كنت محتاج أوي لصديق

زي اللي كنت بسمع عنهم في الحكايات واللي بشوفهم في المسلسلات بس الظاهر انه زي حاجات كتير بنسمع عنها وبس وصعب نشوفها

من ستختار ليمسح دموعك ؟

مش عارف يا رياض

لو خيروك بين حبيبك وبين اعز صديق فمن تختار ؟

بما أنه ما فيش صديق ربنا يكرمنا بالحبيب وأكيد هختاره

.من يسكن قلبك؟

القلب أو العقل تسكنهما الطموحات

.هل تعتقد ان حظك سيئ؟

لا أعتقد بمقولة الحظ السيء بأي شكل من الأشكال فلكل مجتهد نصيب

.هل هزمك حزنك في يوما من الايام؟

أكيد يا رياض في أحزان بتقدر تهزمنا إنما الأتزان السريع هو طبع فيا وبقدر أتخطى أي مقدار حزن بسرعة وأكمل المشوار

.((مستحيل انساك)) لمن تقولها ؟

الحب الوحيد في حياتي

.(( اللي راح راح وماتفيد كلمة ياريت ))

إذا أردت ان توجه هذه العباره لنفسك, فماذا تقصد بها ؟

عند فشلي في تحقيق هدف مع أني عمري ما قلتلها بس انا فكرت في مكانها ولقيت انه ده مكانها

.(( انت كل شيء بحياتي )) لمن تقولها ؟

أخواتي البنات

جاوب يا عمر لما أفكر فى اسئلة تانية

كل عام و انت بخير

وأنت بخير يا رياض

وأنت برضو هتجاوب معاي لو الدنيا مش زحمة أنا برضو هسألك

متشكر على مرورك الطيب ومتشكر على اتاحة الفرصة ليا اني اتكلم بصوت عالي معاك ومع باقي الأخوان

احنا اتفقنا أني هسألك يا رياض زي ما انت بتسألني برضو

طبعا انت فاهم انا بسألك ليه

ممكن هي مش أسئلة كتيرة ولا حاجة ولكن مجرد تفكير معك بصوت عالي

لو عاد بك الزمان إلى وقت أنت تعرفه وهو يوم أن سمعت أن أشخاص يقولون عليك ما لم يحدث أو ربما فعل مثلما يفعل العراف والكاهن

بان يضيفوا على كلمة سمعوها من الجان ألف كلمة

لو عاد بك الزمان هي ستدافع عن نفسك في بداية سماعك لهذا ؟

أم ستفضل الصمت ربما يكون الصمت أبلغ من الحديث ؟

ربما ثقتك في من يعرفوك تجعلهم يرفضوا ما سمعوه ؟

أنا بجد اسف لو أنه سؤالي ضايقك

ولكن دعنا نفكر بصوت عالي

تقبل مشاركتي ولك مطلق الحرية في الرد على السؤال أو رفضه

احنا اتفقنا يا عمر انه لا يوجد بيننا من لا خطئية له

نعم اخطأت لكنى وقت الكلام لم اجد من يسمعنى او يناقشنى حوار بحوار و حجة بحجة

كان الصوت العالى دايما ما يقهر امامه الحق و يمكن كان سكوتى خطأ

و البعض قالها لى الان لابد ان تتكلم

سكوتى كان من وجهة نظرى الحفاظ على اشياء لا تخص الجميع

لكن للاسف الجميع فر و هرب بمجرد سماع اشاعات كثيرة ليست كلها صحيحة

و كمان قولت انت الكلمة فوقها ألف بل مليون كلمة غير صحيحة

فهل هم ملائكة و انا شيطان ؟؟ أن كانوا فعلا هكذا لماذا لم يتحاورا معى بالعقل

الغريب ان المنتدى و أنا بالتحديد صرت مسؤلا عن التعارف بين الاعضاء

فلو عضو تعرف على اخر و حصل بينهم مشكلة صارت اللعنات تصب عليا و على المنتدى

كيف اتهم بانى هكر لمجرد عضو اعطى لاخر كلمة سر اميله او كلمة سر عضويته فى المنتدى أو الفيس بوك

و عندما تم سرقة اميلة او حسابه على الفيس أصبحت انا المتهم اليس لديهم عقل

كيف يعقل أن سكوتى حفاظا على سمعة فلان أو فلان اننى المخطىء

كيف عندما اتناقش بالعقل و بالحجة أصبح كاذب و منافق

و الله يا عمر أشياء كثيرة لكنهم طبقوا مثل خدوهم بالصوت

و الاغرب من هذا أن أقرب الناس و البعض ممن كنت أعتقد أنهم يعرفونى جيدا تركونى

وحتى لم يكلفوا أنفسهم عناء سؤالى و الحوار معى

هل كان يصح يا عمر النقاش داخل المنتدى لما للموضوع من حساسية

سكوتى كان خطأ و انا اعترف بهذا

و لو عاد الزمان كنت أكيد ساحكى و اتكلم طالما الصوت العالى هذا الزمن له الصدق

أنا موجود و قولت اللى عنده الشجاعة يتناقش معى بموضوعيه لكن لا يهرب

كلمة كذابة فرقت الكل و عندما أردت الحوار لم أجد احد

قدر الله و ما شاء فعل

شكرا عمر على السؤال

كل عام و انت و الجميع بخير

شكرا رياض على الرد المفصل وسعة الصدر منك

متشكر اوي

وانا منتظر اسألتك

اسف إن كان سؤال سبب ليك ضيق أو ألم نفسي

كل سنة وانت طيب

ماذا تفعل لو كنت مكانى ؟؟؟؟؟

بما انك فتحت الموضوع

فى انتظار ردك يا عمر

لو كنت مكانك يا رياض كنت هسكت

كل واحد يشوف نفسه الاول ويكون عند الشجاعة أنه يبص على عيوبه قبل ما يبص على عيوبي واللي انا عملته

كل سنة وانت طيب يا رياض واسعدني الحديث معاك

بس مش تزعل مني لان الكام يوم اللي جيين دول عندي شغل كتير ومش هعرف ادخل حتى من الشغل

لو قدرت ادخل انشاء الله هدخل وان ما كانش انشاء الله هيكون على العيد

شكرا عمر أسعدنى التواصل معك

فنحن دائما و أبدا على تواصل إن شاء رب العالمين

كل عام و انت بخير

فى إنتظارك دايما فى المنتدى

شكرا لك

الاسم .السن.الوظيفه

ماهو هدفك في الحياه؟

صفه فيك تحبها؟
صفه فيك تكرهها؟
أكثر شيئ يعصبك؟
أكثر شيئ يخوفك؟
من مثلك الاعلي؟
تجربه مريت بيها وودك تكرارها؟

من يطربك؟
من هو اعز شخص عندك؟
باقه ورد لمن تهديها؟
باقه شوك لمن تهديها؟
أعظم شيئ فقدته؟
أسوأخبر سمعته؟
ما هو الموت؟
أكثر شيئ تندمت عليه؟
دعوه صادقه من أعماق قلبك لمن تهديها؟
او صف نفسك كما تراها؟
اوصف نفسك كما يراها الناس؟
ماذا فعلت قبل ساعه من الان؟
اطول مده تجلسها امام الكمبيوتر ؟
كلمه تحب ان تسمعها كل صباح؟
كلمه تكره ان تسمعها في اي وقت؟
هل تجامل احد؟
كيف تعبر عن غضبك؟
كيف تعبر عن فرحتك؟
هل انت صريح ام كتوم؟
كيف تعبر عن رفضك لشيئ ؟
أغلي ماتملك؟
لحظه أبكتك؟
معركه ربحتها؟خسرتها؟
عباره او حكمه تعجبك؟
اخر لحظه انزعجت بها؟
اخر لحظه فرحت بها؟
ماهي نقطه ضعفك؟
ماهي أصعب كلمه ممكن تقولها لااي شخص؟
ماهي مشكله العصر في نظرك؟
ماهو الشيئ الذي يطاردك في كل مكان وانت تهرب منه؟
هل تمنيت الموت يوما ؟ ومتي؟
هل اسمك المستعار قريب من شخصيتك؟
متي تكذب؟
ماذا تفعل لو قال شخص اني أكرهك؟
لو انت مخير ان يكسر احد الامرين (كرامتك)او(قلبك) ماذا تختار؟

لمن تهدي ثقتك؟
هل تغفر لمن كذب عليك؟
ماهو شعارك في الحياه؟
أنت قوي _اذاّ(ما الشخص الذي تضعف امامه)؟؟
من اكثر شخص يخاف عليك_واكثر شخص تخاف منه؟
ما الشيئ الذي يبكيك؟
هل توافق عمل المرأه؟
ماذا علمتك الحياه؟
ماهو افضل مكان تود الذهاب اليه؟
من هو تؤام روحك؟
ماهو اكثر شيئ تخشاه؟
ماالذي يشعرك بقدر من الحرج؟
شخص تحتاج لقربه الان منك؟
ما هي أعظم صفه تفضلها_وصفه تكرهها؟
أعظم جرح دفنته؟
مصائب تمر بها مامدي تأثيرها عليك؟
جرحك شخص هل تبادر بالانتقام منه
من هو الشخص الذي يقال عنه صندوق همومك؟
من ظلمك ولديك الرغبه في اخذ الحق منه ؟وما هو الظلم؟(اختياري)

هل تري نفسك غامض؟
هل لديك صديق فهمك وفهم تفكيرك؟
هل عاشرت احد وفي بمعني الكلمه ولم تلتمس منه الخداع؟
مفهوم الصداقه لديك؟
مفهوم الحب لديك؟
هل تعايشت مع الصمت مره؟

انت زملكاوي ولا اهلاوي؟

هل تعترف بالانانيه في الحب؟

ماهو الامان بين الرجل والمرأه من وجهه نظرك؟

الماده في حياه عمر صلاح؟

اكثر شيئ يقتل الحب في رأيك وأكثر شيئ يبقيه؟
مفهوم الفشل عندك؟

الرجل _الرجوله(وضح)

ما رأيك بكل صراحه في كاتبه الاسئله؟ومش هزعل ان شاء الله

ههههههههههههههه

تحياتي لك

اهلا اهلا يا مية مرحبا

ازيك يا صافي كل سنة وانتي طيبة

اما نشوف بئه كتبتي ايه واحاول ارد على اد ما اقدر وانشاء الله اقدر

صافي كتب:

الاسم

يوسف صلاح يوسف بلومي

.السن. 25 سنة

الوظيفه / طباع ومدخل بيانات (data entry ) في وزارة العدل الكويتية

ماهو هدفك في الحياه؟

الحمد لله كان اني ابني شركة وحصل بس باقي انها تكبر واني اتجوز واتلم بئه

صفه فيك تحبها؟

التسامح وحب الخير للناس

صفه فيك تكرهها؟

ادعاء القوة

أكثر شيئ يعصبك؟

عدم احترام قرار انا اتخذته بعد تفكير كبير

أكثر شيئ يخوفك؟

فراق حبيب

من مثلك الاعلي؟

ما فيش

تجربه مريت بيها وودك تكرارها؟

أول طريقي في الحياة

من يطربك؟

محمد صديق المنشاوي

من هو اعز شخص عندك؟

اخواتي البنات

باقه ورد لمن تهديها؟

صافي

باقه شوك لمن تهديها؟

عمري ما قدمته لحد

أعظم شيئ فقدته؟

الامان

أسوأخبر سمعته؟

زواج انسانة بحبها

ما هو الموت؟

بداية

أكثر شيئ تندمت عليه؟

صعب اقول اني اتندمت بس لو فيه ندم فاكيد على تقصيري في العبادة

دعوه صادقه من أعماق قلبك لمن تهديها؟

لكل احبائي

او صف نفسك كما تراها؟

طموح يتدافع وراء بعضه البعض

اوصف نفسك كما يراها الناس؟

صعبه دي يا صافي

ماذا فعلت قبل ساعه من الان؟

كنت بكلم حبيبي

اطول مده تجلسها امام الكمبيوتر ؟

بما انه شغلي اصلا في مجال الكمبيوتر ممكن تقولي 15 ساعة

كلمه تحب ان تسمعها كل صباح؟

صباح النور

كلمه تكره ان تسمعها في اي وقت؟

المصريين مش بيحبوا الخير لبعض بكرهها اوي

هل تجامل احد؟

مستحيل

كيف تعبر عن غضبك؟

باكتر من حاجة منها النقاش او التحذير او الابتعاد

كيف تعبر عن فرحتك؟

الابتسامة

هل انت صريح ام كتوم؟

كتوم كتر ... انما لما بكون صريح بتقلب دايما دراما

كيف تعبر عن رفضك لشيئ ؟

بكل الطرق المتاحة واهمها المنطق

أغلي ماتملك؟

ثقتي في كرم ربي وثقتي في نفسي وصبري ورضائي المكتوب

لحظه أبكتك؟

فراق الحبيب

معركه ربحتها؟خسرتها؟

المعركة التي ربحتها والتي خسرتها هي فوزي بقدر من الدنيا

عباره او حكمه تعجبك؟

ما اعظم ان تكون غائبا حاضر،، على ان تكون حاضر غائبا

اخر لحظه انزعجت بها؟
امبارح بالليل

اخر لحظه فرحت بها؟

من حوالي نص ساعة لانه حصلي موقف جميل جدا مستنيه بقالي سنين

ماهي نقطه ضعفك؟

الدموع هي نقطة ضعفي وخصوصا من النساء وبالأخص من أحبتي

ماهي أصعب كلمه ممكن تقولها لااي شخص؟

انت ولا حاجة

ماهي مشكله العصر في نظرك؟

حب المال والتفاخر بالمال والولد

ماهو الشيئ الذي يطاردك في كل مكان وانت تهرب منه؟

الدنيا

هل تمنيت الموت يوما ؟ ومتي؟

كتير ... بس اذكر انه في فترة المراهقة تمنيت الموت اكتر من اي شيء

هل اسمك المستعار قريب من شخصيتك؟

انا بحب الاسم ده ونفسي اكون عليه

متي تكذب؟

لو حصل هيكون في الفراش او ساعة الصلح ما بين اتنين او للنجاة بحياتي

ماذا تفعل لو قال شخص اني أكرهك؟

هحتقر نفسي خصوصا لو كان حبيب

لو انت مخير ان يكسر احد الامرين (كرامتك)او(قلبك) ماذا تختار؟

زمان كان يتكسر قلبي الف مرة ولا تتجرح كرامتي باي شكل انما دلوقتي حصل تغير في حياتي واختلف مفهومي للكرامة

لمن تهدي ثقتك؟

حبيبتي واهلي

هل تغفر لمن كذب عليك؟

كنت برفض الكذب باي شكل ومش بقبله من اي حد ولا اغفر لاي احد انه يكذب عليا انما دلوقتي عند استعداد اغفرله واسامح

ماهو شعارك في الحياه؟

لكل مجتهد نصيب

أنت قوي _اذاّ(ما الشخص الذي تضعف امامه)؟؟

اختي الصغيرة وامي وحبيبتي

من اكثر شخص يخاف عليك_واكثر شخص تخاف منه؟

اكتر شخص بيخاف عليا هو والدتي واكثر شخص بخاف منه هو حبيبي !!

ما الشيئ الذي يبكيك؟

دموع طفل

هل توافق عمل المرأه؟

اوافق بشرط يكون فيه ضوابط واحتياج منها ولمن تعول للعمل وكسب الرزق

ماذا علمتك الحياه؟

انها كظلي ان ركضت ورائه سبقني وان تركته يركض ورائي ظل يجري ورائي ولم يلحقني

ماهو افضل مكان تود الذهاب اليه؟

بيت الله الحرام

من هو تؤام روحك؟

My Love

ماهو اكثر شيئ تخشاه؟

الظلم

ماالذي يشعرك بقدر من الحرج؟

عدم استطاعتي مساعدة شخص

شخص تحتاج لقربه الان منك؟

صافي

ما هي أعظم صفه تفضلها_وصفه تكرهها؟

التسامح ... الوقيعة بين الناس

أعظم جرح دفنته؟

عائلتي

مصائب تمر بها مامدي تأثيرها عليك؟

تزيد من قوتي

جرحك شخص هل تبادر بالانتقام منه

عمره ما هيحصل

من هو الشخص الذي يقال عنه صندوق همومك؟

حبيبتي

من ظلمك ولديك الرغبه في اخذ الحق منه ؟وما هو الظلم؟(اختياري)

عمري ما فكرت في الانتقام من حد إلا بالحق ... والظلم هو الجور على حقوق العباد

هل تري نفسك غامض؟

بعض الشيء

هل لديك صديق فهمك وفهم تفكيرك؟

ايو

هل عاشرت احد وفي بمعني الكلمه ولم تلتمس منه الخداع؟

ايو

مفهوم الصداقه لديك؟

ما فيش شيء محدد ولكنه بالنسبة ليا هو كمال تفكيري والضمير الذي يوقظني ساعة نوم مبادئي

مفهوم الحب لديك؟

الحياة

هل تعايشت مع الصمت مره؟

تعايشت معه مرااااااات

انت زملكاوي ولا اهلاوي؟

انا كنت بحب الكوره دلوقتي لا زملكاوي ولا اهلاوي

هل تعترف بالانانيه في الحب؟

جدا

ماهو الامان بين الرجل والمرأه من وجهه نظرك؟

صيانة العهد

الماده في حياه عمر صلاح؟

المادة في حياتي قدر كبير ولكنها دايما مجرد وسيلة وليست غاية

اكثر شيئ يقتل الحب في رأيك وأكثر شيئ يبقيه؟

الشيء الذي يقتل الحب هو الضعف في طلب المحبوب

والشيء الذي يبقيه هو الرحمة والالفة

مفهوم الفشل عندك؟

التوقف عن المحاولة بعد الفشل في اخر مرة

الرجل _الرجوله(وضح)

الرجل هو من يصدق في قوله وفعله ويعامل ربه

والرجولة هي:: إن كنتي قد أردتي أنت تعرفيها فأقرئي في سيرة سيد الخلق والصحب والتابعين الاطهار

ما رأيك بكل صراحه في كاتبه الاسئله؟

انسانة مثقفة وطيبة وعلى خلق ومن بيت طيب وصديق عزيز جدا عليا

تحياتي لك

وتحياتي لكي صافي ومتشكر على الفضفضه دي وكل عام وانتي بخير والى الله اقرب

بانتظار باقي الاسئلة بتاعتك واما نشوف رياض راح فين اصله لسه مش عيد عليا ولا اعطاني العيدية

شكر شكرا علي الاجابه الجميله بتعتك

حوار قصير شيق تسلم ياعمر

وكل عام وانت بخير

كل سنة و انت طيب يا عمر

انا مش ناسى العيدية بتاعتك يا عم و لا هربت هههههه

اتفضل معايا الاول اتسلى كده و انت بتجاوب

[ندعوك للتسجيل في المنتدى أو التعريف بنفسك لمعاينة هذه الصورة]

و العيدية اهى أى خدمة

[ندعوك للتسجيل في المنتدى أو التعريف بنفسك لمعاينة هذه الصورة]

يلا بقى جاوب على الاسئلة

بما انك رومانسى ....ايه هو الحب بالنسبه ليك؟

امنيتك ايه اللى بتنام وتقوم تحلم بيها؟

ممكن تغفر اى حاجه للى بتحبها وايه الحاجه اللى مستحيل تغفرها؟
ايه رايك فى الخيانه ؟
ايهما اجمل المراه فى الواقع ام الخيال؟

ما معني حياة ؟؟ هل انت طموح ؟ ما هى طموحاتك فى الحياه؟

ما هى صفاتك المميزة .. وايه فى عيوبك من وجهة نظرك ومن وجهة نظر الاخرين ؟

من هو مثلك الاعلى ومن هو قدوتك ؟؟

بالصيف بتحب تصيف فين ؟؟

اقرب ثلاث اعضاء ليك فى المنتدي ؟

عضو جاد ؟, عضو مميز ؟ عضو دمه خفيف ؟ عضو محرج ؟ عضو شقي ؟ عضو شخصيته قوية ؟
عضو هام جدا ؟ عضو يتاثر به الاخرون ؟ عضو محبوب ؟ عضو غامض ؟ عضو عصبي ؟ عضو مجامل ؟

هل شاركت فى المظاهرات او كان نفسك تشارك فيها ؟؟

شايف مصر ازاى فى المستقبل ؟

هل ليك هواية معينة ؟ هل انجرح من فتاة يوما ما ؟

موقف مضحك وقعت فيه ؟ وموقف محرج بالنسبالك ؟

يلا كفايا كده منور الكرسي يا غرباء
جاوب يا عم بقى أكلت و اخدت عيدية
كل سنة و انت طيب

ههههههههههههه

انا مش هاخد غير الخمس قروش كفاية عليا مع انها مش هتتصرف بس معلش هخليها ذكرى

متشكر اوي يا رياض على كلامك الجميل وربنا يبارك فيك

ومتشكر على الحاجة الحلوة واعتبرني اكلت منها

وهبدأ ارد على الاسئلة بتاعتك على اد ما اعرف

بما انك رومانسى ....ايه هو الحب بالنسبه ليك؟

انا قولت قبل كده انه الحب حياة وكلمة حياة حاجات كتير اوي
امان وثقة وصيانة عهد واحساس بالشريك ورضا بيه على اي حال يكون عليه وفي اي وقت

امنيتك ايه اللى بتنام وتقوم تحلم بيها؟
رضى ربي وغفرانه لذنوبي وتثبيت قلبي

ممكن تغفر اى حاجه للى بتحبها وايه الحاجه اللى مستحيل تغفرها؟

انا والحبيب ما بينا عهد كبير جدا واقدر اسامح في اي شيء .. اي شيء .. إلا خيانة العهد ده

ايه رايك فى الخيانه ؟

الخيانة شيء مؤلم جدا ربنا ما يكتبها على حد

ايهما اجمل المراه فى الواقع ام الخيال؟

مش فاهم دي بصراحة أوي ازاي في الخيال .. ما انا هيكون الخيال بتاعي مبني على الواقع اللي انا اعرفه عن المرأة يعني هتكون في الوقع زي الخيال

ما معني حياة ؟؟ هل انت طموح ؟ ما هى طموحاتك فى الحياه؟

معنى حياة رضى بما قدره الله والعمل ليوم الحساب والعمل كأن اعيش ابدا والتفكير في الآخرة كأني اموت غدا

وإن كنت طموح: فأنا طموح جدا جدا لدرجة ترهق عقلي وقلبي وجسدي

وطموحي كان أني ابني شركة من وانا صغير واني اكبرها والاقى الانسانة اللي تشاركني الحياة دي وترضى بيا بكل ما فيا من عيوب ومميزات ان كان فيه يعني ... وتكون معين ليا على امر ديني ودنيايا واكون معين ليها على امر دينها ودنياها

ما هى صفاتك المميزة .. وايه فى عيوبك من وجهة نظرك ومن وجهة نظر الاخرين ؟

الطموح والاصرار والصبر وحب الخير للناس وحب كل الناس انا شايف انها صفة كويسة وان كنت اتمتع بقدر قليل منها

وعيبي من وجهة نظري أنه الطموح ده كتير اوي بيغيرني وبيخليني متقلب ما بينا الماده والاحساس

اما عيبي من وجهة نظر الآخرين واللي سمعته كتير انهم فاكرين اني ببيع بسرعة اللي ما بيني وما بينهم

من هو مثلك الاعلى ومن هو قدوتك ؟؟

مثل اعلى ما فيش انما القدوة فخير قدوة للناس جميعا سيد الخلق سيدنا محمد صلى الله عليه وسلم

بالصيف بتحب تصيف فين ؟؟

هههههههههههههههههههه

في الشغل يا عم رياض

انا بحب اسكندرية بس فين النصيب

اقرب ثلاث اعضاء ليك فى المنتدي ؟

صافي ، رياض العربي ، محمود السعيد

عضو جاد ؟,
موندي
عضو مميز ؟
رياض العربي

عضو دمه خفيف ؟
حمودي

عضو محرج ؟
عمر عبد الرحمن

عضو شقي ؟
منونه

عضو شخصيته قوية ؟
احيان كتير عمر صلاح غرباء

عضو هام جدا ؟
صافي

عضو يتاثر به الاخرون ؟
رياض العربي ، العرايشي، غرباء،

عضو محبوب ؟
العرايشي

عضو غامض ؟
برديس

عضو عصبي ؟
موندي

عضو مجامل ؟
العرايشي بس من ذوقه العالي

هل شاركت فى المظاهرات او كان نفسك تشارك فيها ؟؟

لا مش شاركت فيها ،، احيانا بحب اشارك فيها

شايف مصر ازاى فى المستقبل ؟

حمرا

هل ليك هواية معينة ؟ هل انجرح من فتاة يوما ما ؟

الشغل هو اهم هواية عندي

ايو انجرحت بس ربك بيلهم الصبر والرضا

موقف مضحك وقعت فيه ؟ وموقف محرج بالنسبالك ؟

بالله ما في حاجة تضحك يا رياض ولا فاكر

اما بالنسبة للموقف المحرج فحصل في مرة كنت في الشغل فجت زبونه جميله اوي يعني

وبعد ما خلصت الشغل بتاعها وعمال من الصبح بقلها وشوفي وبصي وانتي عارفة والحاجة دي مناسبة ليكي واتفضلي

وكل اللي في الشغل قاعدين ما حدش فيهم راضي يتكلم بس ميتين من الضحك

وفي الاخر تطلع ذات الجمال الحسن راجل يا عم

هنا في الكويت فيه جنس تالت ومش بيستحوا يعملوا في نفسهم البدع علشان يبانوا انهم نساء

ربنا يحفظنا

شاكر ليك يا رياض وكل عام وانت بخير ومتشكر على العيدية اللي باظت اصلا ومش هتتصرف علشان انت شلت شعار البنك المركزي وكتبت الاسم ههههههههههههه

متشكر اوي يا رياض

كل سنة و انت طيب يا عمر

اجابات كالعادة مميزة و جميلة

وقع الاختيار على عضوة مميزة فى المنتدى

معنا بقى الأخت صافى للاسبوع ده

يلا يا صافى استعدى للاجابة

كل عام و انتم بخير

» كرسى الإعتراف مع المراقب العام للمنتدى ( حمودى الروش )
» كرسى الاعتراف مع ( قمراية )
» الجديد فى كرسى الاعتراف
» كرسى الاعتراف مع ( لست قلبى )
» كرسى الاعتراف مع ( عمر )