كرسى الاعتراف مع ( صافى )

اهلا بك صافى على كرسى الاعتراف و كل عام و انتى بخير

بعيد عن الاسئلة التقليدية ممكن تجاوبى معنا على الاسئلة دى

توكلنا على الله
1-صف لنـا نفسـك فى سطريـن ...يعنى بلاش 3 عشان الصفحه تكفى
2-حكمتك فى الحـياه ..؟
3-قرار أتخذته وندمت عليه فيما بعد .. ماهو .. ومتقولش مندمتش؟
4-ماهى التجربه التى تتمنى أن تكررها ...؟
5-أهم 5 أعضاء تتابعهم وبصرااااحه ...
6-ماشعورك عندما تواجه شخص لا يستطيع فهمك وبتتصرف معاه ازاي؟
7-ماهى أصعب اللحظات التى تحس فيها بالعجز عن التعبير ..
8-ماهو مبدأك فى الحياه ..
9-أيه هو الحلم اللى تتمناه وانته على يقين أنـه لن يتحقق ..
10-حاسس بأيه وانته على كرسى الأعتراف؟؟
11-ازاى تعرفت على المنتدى,,
12-ايه اكتر حاجه بتحبها فى المنتدى,,
13-وايه اكتر حاجة مش بتحبها فى المنتدى,,
14-ايه النصيحه الى بتقدمها لمنتدانا بشكل عام ؟
15-لما بتكون حزين جداً بتحكى لمين ولا بتفضل الكتمان او الوحده؟
16-امته بتسمع العباره دى(بالرغم ان ضحكتك مش بتفارق عيونك بس بحس ان جواك حزن عميق يا ترى ليه,,؟
17-ساعطيك ورقه وقلم مع القليل من الالوان الخافته واريد منك ان ترسم لوحه معبره عن حال العالم العربى ؟ ماذا سترسم ؟
18-اذكر تاريخ يوم مش هتنسيه طول عمرك؟؟ وليه ؟؟
19-لو انته عاوز تبكى .. ( ربنا يبعد عنا الحزن ) مين أول شخص بتفكر فيه ..؟؟
20-في وسط فوضى الحياه ما الذى يرسم لـك البسمه ..؟؟
21-لو صادف وروحت حفله تنكريه ... هتلبس أيه ..؟؟
22-لو صحيت من النوم فى يوم عادى كده وفجأه عرفت ان انته بقيت رئيس للبلد بتاعتك هتعمل أيه؟ ..

ندخل على المنتدى شويه بقى

1-ايه اكتر الاقسام اللى بتعشقها ..؟؟

2-وايه برضه اكتر الاقسام اللى انته مش عاوزاها فى المنتدى اصـلا ..؟؟

3-في رأيك ايه اللى ناقص للمنتدى علشان يبقى 100 فل و 14 ...؟؟؟
نخرج بقى من المنتدى وندخل فى باقى الاسئله
1-لو خيروك بين المووت وبين فراق أغلى انسان عندك فى الدنيا هتختارى ايه ... وليه ..؟؟
2-امتى بتحس ان بالك مرتحااح ورااايق ..؟؟
3-يعني أيه حريه شخصيه .. من وجهة نظرك ..؟؟
4-أيه اكتر موقف بيضحكك .. وكل لما تفتكره تفضل تضحك موووت ....

4-لو لقيت مصباح علاء الدين دلوقتى ... ايه الطلب اللى هتطلبه؟
عتاب لشخص قدملك الاسيه ؟
5-نظرة جميله لمن تعطيها؟
6-نظرة ضيق لمن تعطيها ؟
7-هل الفرحه تدوم اكثر من الحزن عندك؟
8-ما الشىء الذى تعطى له اكثر اهتمام فى حياتك؟
ايه رأيك فى المصطلحات دى . وماذا تمثل فى حياتك

التصالح مع النفس .
النفس الامارة بالسوء.
صلة الرحم .
الصلاة .
البعد عن الله .
الاجتماعيه .
الوحده .
الضيق .
الفرحه .
,,,,
رأيك ايه فى ؟
الحب .
الصداقه .
البنت .
الولد.
الطموح.
الانسان .
الحيوان .
الغربة .
الفقر .
الصحه .
الغنى .

الاسئلة يمكن كثيرة شوية ما انتى عارفه ممكن مش حد يسأل غيرى

بالتوفيق لك فى الاجابة و نحن فى الانتظار

كل عام و انتى بخير

يااااااااااااااااااه كل دى اسئله معلشى ياصافى امرك لله وقعتى فى ايد اللى مبيرحمش

انا عارفه انك قدها ولو عايزه اى مساعده انا مش موجوده ههههههههههههههه

ربنا يوفقك وورينا شطرتك

الحمد لله ر ب العالمين اللهم صلي علي سيدنا محمد

ازيك يااستاذ رياض وشكلك داخل جامد أوي ليه بس كده

لكن ولا يهمك خالص ابدأبالاجابه

صف لنا نفسك في سطرين؟
انسانه عاديه خالص وبحلم زي كل الناس عصبيه هاديه متسرعه جدا ولكن اللهم لك الحمد متواضعه
حكمتك في الحياه؟
يسخر من الجروح كل من لايعرف الالم
قرار اتخذته وندمت عليه فيما بعد؟
زواجي
ما التجربه التي تتمني ان تكررها؟
مفيش
أهم 5 أعضاء في المنتدي بصراحه؟
انت قولت بصراحه
عمرصلاح(غرباء)لموضوعاته المفيده

عمر عبد الرحمن للردود اللي بضحكني
رياض العربي لمجهوده الكبير في المنتدي
قمرايه ل اسلوبها الشيق الراقي
احزان زمان بصراحه انا بحس انها بتعطي رونق خاص للمنتدي بس هيه فين

ما هو شعورك عندما تواجهه شخص لايستطيع فهمك وبتتصرف معاه ازاي؟
لو كان الشخص ده يهمني وانا حابه اقرب منه بحاول افهمه لكن لو انا فشلت بحزن بجد
ولو كان الشخص ده اتفرض عليا القرب منه بصراحه مش بحاول وبفضل ساكته
ولو الشخص ده انا قريبه منه لكن ميهمنيش اوي مش بتفرق معايا يفهمني ولا لاء

ما هي أصعب اللحظات التي تحس فيها بالعجز عن التعبير؟
لحظات الحب

ما هو مبدأك في الحياه؟
لا مساواه بين الرجل والمرأه اصلا

ايه هو الحلم اللي تتمناه وانت علي يقين انه لن يتحقق؟
اني ارجع للدراسه مره تانيه واحقق اللي كنت بتمناه ولكن بنفس الهمه والنشاط

حاسس بايه علي كرسي الاعتراف؟
حاسه اني بفضفض بجد وبقول الصراحه والله
وحاسس بمصيبه جيالي
ههههههههههه

ازاي تعرفت علي المنتدي؟
اللي عرفني عليه ودخلني عمر عبد الرحمن
الغالي أبو مياده
بس لو يقصر لسانه شوي

ايه اكتر حاجه بتحبها في المنتدي؟
زمان كنت بحب فيه الاخوه والصداقه بجد
دلوقتي بحبه لانه وسيله مش أكتر

ايه اكتر حاجه مش بتحبها في المنتدي؟
المشاحنات الاخيره

ايه النصيحه اللي بتقدميها للمنتدانا بشكل عام؟
ياريت نرجع كلنا زي زمان وبنفس الروح

ومينفعش واحد لوحده يرجع

لما تكون حزين جدا بتحكي لمين ولا بتفضل الكتمان والوحده؟
في الواقع بصراحه الكتمان والوحده لاني ملقتش اللي يسمع او يصدق
وفي عالم النت لقيت
عمرصلاح وعمر عبد الرحمن ورياض
وست الكل (حياه القلوب)

امته بتسمع العباره دي(بالرغم ان ضحكتك مش بتفارق عيونك بس بحس ان جواك حزن عميق ياتري ليه)؟
العباره دي صدي صوتي انا في كل وقت تقريبا

سأعطيك ورقه وقلم مع القليل من الالوان الخافته واريد منك ان ترسم لوحه معبره عن حال العالم العربي ماذا سترسم؟
هرسم فراغ باللون الرمادي
لان فعلا مفيش حاجه واضحه
مين المخلص ومين العميل

اذكر تاريخ مش هتنساه طول عمرك ؟ وليه؟

22|11|1988
ليه؟
لانه تاريخ ميلادي وده كافي أوي
وان كان ليا تاريخ تاني لكن متفرقش

لو انت عاوز تبكي مين اول شخص بتفكر فيه؟
انا

في وسط فوضي الحياه ما الذي يرسم لك البسمه؟

احيانا ماما والعضو(عمر صلاح)

لو صادفت وروحت حفله تنكريه هتلبس ايه؟
هلبس هنقابي عادي لكن انا نفسي البس نضاره سحريه اشوف الناس اللي موجودين حولي بجد علي حقيقتهم

لو صحيت من النوم عادي كده وفجأه عرفت انه انت بقيت رئيس البلد بتعتك هتعمل ايه؟
اول حاجه هعملها هطهر البلد من الظلم والفسادوبعد كده كله هيكون علي اساس سليم

ايه اكثر الاقسام اللي بتعشقها؟
اي قسم ادخله واستمتع واستفيد منه لكن مفيش قسم محدد

ايه اكثر الاقسام اللي انت مش عاوزها اصلا في المنتدي؟
حاليا مفيش

ولا اقولك

كرسي الاعتراف

ههههههههههه

في رأيك ايه اللي ناقص للمنتدي علشان يكون 100 فل و 14؟
يكون فيه قسم للفتاوي وبس بحيث اي سؤال فتاوي في اي امر هيكون موجود وبكده اكتمل

لو خيروك بين الموت وبين فراق اعز انسان عندك في الدنيا هتختار ايه؟

مش تفرق هيه هيه
لكن انا شايفه انه سؤال غريب شوي
طبيعي هنختار الفراق
ليه؟

لان بالموت خلاص انتقلنا من الدنيا الي الاخره
لكن بالفراق ممكن نطمن عليهم ويكون بين كل طيب

امته بتحسي ان بالك مرتاح ورايق؟
لما بستشعر أمل لحلم جوايا بكون سعيده اوي ورايقه كمان

يعني ايه الحريه الشخصيه من وجهه نظرك؟
الحريه الشخصيه لحد الان كلام وبس بيتكتب ويتقرا
مش بيطبق خالص
اقولك
انا معرفهاش اصلا ولا اعرف ايه معناها

ايه اكتر موقف بيضحكك وكل لما بتفتكره تضحك موووووت؟

بصراحه قليل لما افتكر كده
لكن فعلا في موقف كل لما افتكره اموت من الضحك بجد
وايه كمان
اوكر . اوكر

لو لقيت مصباح علاء الدين دلوقتي ايه الطلب اللي هتطلبه؟
اه والعفريت وكده
هطلب اني اطير لمكان بعيد انا عايزه اروحه وارجع تاني

عتاب لشخص قدملك الاسيه؟
اقوله انا مستاهلش منك كده

نظره جميله لمن تعطيها؟
لكل الناس والله

نظره ضيق لمن تعطيها؟
لكل ظالم ومستقوي علي الضيف

هل الفرح يدوم اكثر من الحزن عندك؟
لا بالعكس

ما االشيئ الذي تعطي له اكثر من اهتمام في حياتك؟
مشكله لحد من اخواتي
ايه رأيك في

التصالح مع النفس(ياريت)
النفس الاماره بالسوء(يارب مانكون منهم)
صله الرحم(هو سبب سترتنا في الدنيا )
الصلاه(عماد الدين)
البعد عن الله(احيانا)
الاجتماعيه(فشلت)
الوحده(أعشقها)
الضيق(كتيير)
الفرح(يارب)

الحب
متنفعش الحياه بدونه

الصداقه
شيئ جميل لو صادق

البنت
كائن رقيق بس يعمل بكده

الولد

المفروض رجوله

الطموح
مات

الانسان
ضعيف

الحيوان
له حق علينا

الغربه
البعد عن الله

الفقر
احيانا نعمه

الصحه

حجه علينا امام الله

الغني

احيانا نقمه

شكرا رياض باشا علي الاسئله اللي وجعت ايدي دي

وانتي ياحياه هيه دي الصداقه بتهربي من المساعده
ماشي ماشي
ليكي يوم
نزلها يارياض علي الكرسي بعدي علشان اتفرج
هههههههههههههههههههههه

اهلا ياصافى... كيف حالك.... يارب تكون اسئلتى خفيفه ومحببه الى قلبك

جاوبى عليها برحتك والسؤال لو حرج جوابى عليه بذكاء او كلمه عروستى

الاسئله حلوه ومختلفه وغير تقليديه

... .......
.
1-احلى ذكرى ؟

3-اسوأ خبر سمعته ؟

4-شخص لاترفض له طلبا ؟

5-من مطربك المفضل ؟

6-ماهي التجربه التي تتمنى تكرارها ؟

7-باقة ورد بتهديها لمين؟

8-ماهو اكثر شئ تخشاه ؟

9-مالذي يشعرك بأكثر قدر من الحرج ؟

10-رسالة وصلتك من مجهول فممن تتمنى ان تكون ؟

11- ايه اكلتك المفضلة ؟

12-من هو توأم روحك ؟
ا
هل يوجد حبيب فى حياتك

هل تحبى التغير ام الروتين

هلى انتى تحبى الجلوس فى المنزل ام من هواه الخروج

هل انتى مبزره ام معتدله ام حريصه

هل تتقنى الطبخ ام انتى فى مرحله التعليم

هل فكرتى كيف تربين اولادك

هل انتى تابع ام متبوع

هل انتى انسانه متفاهمه

كيف تعالجى الزوج العصبى

ماهى الكلمه التى تستفزك

لمن تقولى لن انساك ابدا

لمن تقولى ارجع بقى

ابنك على ماتربيه وزوجك على ما تعوديعه

هل انتى قادره على ذالك

عقلك ام عاطفتك هى الاغلب

اذا زوجك منع مصروف البيت لمجرد عقابك كيف تتصرفى

اذا كان زوجك بخيل ماذا تفعلين معه

ماهو الصفات التى تفضليها فى الرجل والتى تكراهيها فيه

لكل فتاه فتى احلام فى الشكل وطبعا بتختلف فى الواقع ماهى

هل تفضلى الزواج التقليدى ام الزواج عن حب وايهما الافضل فى نظرك ولماذا

هل تفضلى معاونه الرجل فى المنزل ومشاركته فى كل شىء

ام ان لكل منكم تخصصه

كيف تعالج المراه الزوج الخائن الذى ينظر الى النساء على انهم ساقطات

فى نظره وهو لا يرى ذاتـــــــــــه ......

خيانه الزوج لزوجته بماذا تفسريها هل طبع فيه ام هى مراهقه متاخره

امنيه خاصه تتمنى ان تحقق.... وامنيه عامه تتمنى ان تحقق

قصيده شعر لمن تهديها وما هى مع ذكر اجمل بيتين

احلى كتاب قرتيه وعملتى به

والسؤال الاخير هل دكاكين الجزاره بتبيع لحمه ههههههههههه

كل سنه وانتى طيبه

اهلا اهلا بحيات القلوب بنعرف نسأل اهو

مفيش مشكله هجاوب معني لسه جيه من عند الدكتور

احلي ذكري؟
هي احلي حاجه في حياتي ومقدرش اسميها ذكري

اسوأخبر سمعته؟
لما عرفت ان بابا مصمم يخرجني من المدرسه

من مطربك المفضل؟
مبحبش حد معين خالص لكن ممكن كلمات احبها وتشدني

ما هي التجربه التي تتمني تكررها؟
مفيش

باقه ورد لمن تهديها؟

هدي
اختي الغاليه
عمر صلاح

ما هو أكثر شيئ تخشاه؟
بكره

ما الذي يشعرك باكبر قدر من الحرج؟
لما ارفض طلب لناس غاليه عندي

رساله وصلتك من مجهول فممن تتمني ان تكون؟
اي حد غزيز عليا

ايه أكلتك المفضله؟
كل حاجه بحبها

من هو تؤام روحك؟

احتفظ بالاجابه

هل يوجد حبيب في حياتك؟
ايو

هل تحب التغير ام الروتينه؟

الروتينه بس اقدر احبب فيها اي حد

هل انتي تحبي الجلوس ف المنزل ام هواه الخروج؟

لا انا مش من هواه الخروج خالص لكن مضطره انزل

هل انتي مبذره ام معتدله ام حريصه؟

معتدله والله

هل تتقني المطبخ ام انتي في مرحله التعليم؟
لاء الحمد لله كويسه فيه

هل فكرتي كيف تربين اولادك؟
علي الكتاب والسنه ده اول شيئ
يكون عندهم شخصيه قويه وميخافوش من حد مهما كان
اعطيلهم الحريه انهم يختاروا حياتهم بالطريقه اللي تناسبهم

هل انتي تابع ام متبوع؟
لاء تابع وأهطل كمان

هل انتي انسانه متفاهمه؟
لاء

كيف تعالجي الزوج العصبي؟
لو انا بحبه مش مهم غير كده معنديش القدره اعالج اصلا

ماهي الكلمه التي تستفزك؟
خلاص خلصنا

لمن تقولي لن انساك ابدا؟
عمري ماانسي الطيبين المخلصين ليا ابدا ابدا

لمن تقولي ارجع بقي؟
مفيش حد بعيد اصلا

ابنك علي ماتربيه وزوجك علي ماتعوديه هل انتي قادره علي ذلك؟
لاء

عقلك ام عاطفتك هي الاغلب؟
عاطفتي

اذا زوجك منع مصروف البيت لمجرد عقابك كيف تتصرفي؟
يعاقبني بمنع المصروف......والله اسيب البيت خالص

اذا كان زوجك بخيل ماذا تفعلين؟
حلال ان انا اخد من وراه بقدر الحاجه ده حكم الشرع

لكن انا لو اكتشفت مثلا كده انفصل منه

ماهي الصفات التي تفضليها ف الرجل والتي تكرهيها فيه؟
افضل صفه يكون راجل بمعني الكلمه وتحسي معاه بالامان في كل شيئ
واكتر حاجه اكرهها اني ميكونش راجل...............

لكل فتاه فتي احلام في الشكل وطبعا بتختلف في الواقع ماهي؟

وتختلف ليه
فتي الاحلام(علي خلق ومثقف)

هل تفضلي الزواج التقليدي ام زواج الحب وايهما الافضل في رايك ولماذا؟
افضل يكون في حب طبعا
وهو ده الافضل لتجنب حاجاااااااااااااااات كتير اوي
لماذا؟
عمره طويل مهما كانت الخلافات

هل تفضلي معاونه الرجل في المنزل ومشاركته في كل شيئ ام لكل منكم تخصصه؟
لا مش تفرق معايا

كيف تعالج المرأه الزوج الخائن الذي ينظر الي النساء علي انهم ساقطات في نظره وهو لايري نفسه؟
لاء ده يروح مصحه نفسيه افضل

خيانه الزوج لزوجته تفسريها هل طبع فيه اه هيه مراهقه متاخره؟

لاء ندور علي السبب الاول وبعدين نحكم

أمنيه خاصه تتمني ان تتحقق؟احتفظ بالاجابه

امنيه عامه تتمني ان تتحقق؟ احوال البلاد تتصلح والانفس من جوا تنضف شوي

قصيده شعر لمن تهديها وماهي مع ذكر اجمل بيتين؟
اهديتها من زمان وشكله راحت سله المهملات

احلي كتاب قرتيه وعملتي بيه؟
لاتحزن للدكتور عائض القرني

اسؤال الاخير هل دكاكين الجزاره بتبيع لحمه؟

لا والف لا

بتبيع شبسي

ههههههههههههههههه

اي خدمه وهنتحاسب بعدين _

اولا منوره الكرسىى يا صافى وانا مش هطول عليكى عشان كفايه اللى عملوه فيكى
ههههههههه

ماهو اجمل اسم لولد واجمل اسم لبنت من وجهة نظرك؟

.ماذا تفعلى اول شيء اذا ربحت مليون ؟

.هل انتى من لديهم رغبة حب التملك واذا تملك الشيء اصابه الملل منه ؟

.ماالذي يلفت انتباهك بسرعه في الشخص لكي تعجب به ؟

.هل ملابس الشخص امامك تؤثر فيك لتأخذ عنه انطباع ؟؟

.عاده تفعلها دائما تتمنى ان تتركها ؟

اهلا اهلا منونه انتي اللي منوراني ياجميله

واسئلتك كمان جميله خالص نبدأ بالاجابه عليها

ما هو أجمل اسم ولد وأجمل اسم بنت من وجهه نظرك؟
اجمل اسم ولد......البراء
اجمل اسم بنت......عائشه

ماذا تفعلي اول شيئ اذا ربحت المليون؟
اول شيئ هتصدق صدقه كبيره من المبلغ للفقراء
ثانيا هعمل لنفسي صدقه جاريه تنفعي بعد كده
وبس
بعد كده بئه واما بنعمه ربك فحدث

هل انتي من لديهم رغبه حب التملك واذا تملك الشيئ اصابه الملل منه؟
سبحان الملك
انا اعرف ناس كتير كده ومش هقولك ده ممكن يكون طبيعي لكن انا بكره كده
وبالعكس ممكن الشيئ ده او الحاجه او الحد ده بعد مااملكه او اتملكه يمتلكني
ده عيبي

ماالذي يلفت انتباهك بسرعه في الشخص لكي تعجب بيه؟
طريقه تفكيره احس مثلا انه مثقف
اي حد مثقف منكرش بيلفت انتباهي وبعجب بيه

هل ملابس الشخص امامك تؤثر فيك لتأخذ عنه انطباع؟؟
خالص
ولا تهمني المظاهر في شيئ
لكن تهمني النظافه والنظام
لكن لابسه او لابس بكام دي ولا بتفرق خالص

عاده تفعلها دائما تتمني ان تتركها؟
بصراحه ربنا انا بضحك ديما بايدي
يعني لو قعدتي معايا عشر دقايق وضحكنا صدفه هتحسي انك ف القهوه وهلم عليكي الناس
بايدي مش بصوتي كمان
ونفسي ابطل ده خالص
وغير كده هتاخدي ضرب يامنونه هتحرمي تتضحكي معايا
ههههههههههههههه

شكرا شكرا منونه علي حضورك المميز ده
وليكي يوم برضو

ههههههههههههههههه

غيرى اللون انا اصلا عندى حول وضحى اللون طبعا انتى فاهمه

هههههههههههههههههه هحرم اضحك تانى ههههههههههههههه

عمرى ما شوفت حد بيضحك بايده

بس اجباتك كله جميله

حاولى متضحكيش بايدك والا كل الناس هتضرب هههههه