ماهى مواصفات فارس - فارسه احلامك؟

قال تعالى(ومن آياته أن جعل لكم من أنفسكم إزواجاً لتسكنوا إليها وجعل بينكم مودة ورحمــة ))

صدق الله العظيم

الزواج في الشريعة الإسلامية: عقد يجمع بين الرجل والمرأة، يفيد إباحة العشرة بينهما، وتعاونهما في مودة ورحمة، ويبين ما لكليهما من حقوق وما عليهما من واجبات

وهو الحصن المنيع الذي لا غنى عنه و السكن كما وصفه الله عزّ وجل الذي يسعى إليه كل من الرجل والمرأة

و هذا السكن بحاجــة إلى أستعداد نفسي وروحي وتهيئــة سليمــة

وبما أن كثير من الشباب والفتيات يجهلون الكثير من الامور عن العلاقات الزوجيـــــة

احببت أن يتناقش كل شاب وفتاة مقبل على الزواج
من خلال هذا الموضوع عن كل مايهمهم
وفي جميع خطوات ومراحل الزواج..

ولدينا خطة في هذا الموضوع نضعها معاً في عدة نقاط ..
النقطة الاولى ..سيتم طرح موضوع ويسمح للأعضاء بمناقشة الموضوع بحوار هادئ ومفيد ..
النقطة الثانية ..هذا
الموضوع لة تفرعات كثيره ففي كل فتره سيتم طرح مشكلة جديده تناسب المقبلين
على الزواج ومؤهلاتهم ..وبعد أن نكتفي منها سيتم أغلاق الموضوع وفتح موضوع
آخر لنقاش آخر وهكذا ..
النقطة الثالثة ..على الجميع الالتزام بالالفاظ المهذبة التي تنم عن شخصك الكريم ..بعيدا عن التشات وسيتم استبعاد كل ماله علاقة بصلب الموضوع ..

أتمنى أن يشاركني الأخوة والأخوات برأيهم
ولنبدأ موضوعنا هذا بالحوار حول

ماهي مواصفات الشاب لفتاة أحلامه ؟
وماهي مواصفات الفتاة لفارس احلامها ؟

موضوع جميل وشائق يامحمود
انا طبعا مواصفاتى كانت زمان لانى اتجوزت الحمدلله
لكن لو عدنا الى الوراء فكانت مواصفاتى غريبه شويه
كان نفسى يكون طبعى ف كل حاجه متشابه معايا ف كل حاجه اللى احبه واللى اكرهه
وف نفس الوقت يدينى الامان والحنان اللى بابا مديهوملى
وفوق كل ده يكون متدين وعلى خلق
يراعى ربنا فيا ويعرف حقوقى زى ما انا عارفه حقوقه
اما الشكل والكلام ده
طبيعى كنت بتمنى شاب وسيم لكن مكنش هدف يعنى لو كنت لقيت كل ده ف واحد شبه القصرى كنت هرضى
والحمدلله كتير من مواصفاتى لقيتها ف زوجى والحمدلله طلع وسيم برده

انا اتمني بنت بعد الدين والاخلاق
تكون عاقله عاقله
بس كده

موضوع جميل أخ محمود وبما أنك طرحت السؤال انا هقلك على المواصفات الي عايزها في بنت الحلال
شوف يا أخي هي مواصفات كتيرة قوي قوي قوي فوق ما تتخيل بس بسيطة جدا وما فيهاش اي تعقيد.
انا من الآخر عايز الي اربط مصيري بمصيرها تكون بنت على الفطرة وعفوية في التعامل بتاعها.
لا أنا عايز شكل ولا فلوس ولا جاه ولا نسب كبير تكون على الفطرة الي خلقها ربنا عليها.... بس كده.... صعب مش كده؟؟!!
تقبل مروري يا أخي
أخيك عمر صلاح بلوم

انتا عارف يا اخ عمر المواصفات دى انقرضت تماما زى الديناصورات دور عليها فى زمن تانى
غير الزمن ده

يا صاحبي انا كنت شوية متفائل اني ممكن الاقي بس كلامك يعني هزني شوية بس مش لدرجة أني ما ادورش عليها لغاية ما الاقيها ومش لدرجة أني ارجع لزمن تاني علشان اتجوزها يعني
لاني لو رجعت لورا وجبت واحده منه ممكن لو شافت الموابيل ولا اللابت توب تقول أني مخاوي جن ولا حاجة تانية وانتي عارف الباقي
ادعيلي يا محمود واسمحلي اقلك يا محمود ويا ريت نكون اصحاب واخوات وربنا يسهل ونلاقيها يا عم محمود انت ليه بتقفلها في وشي
تقبل مروري
أخيك عمر صلاح بلوم

احنا طبعا يا عمر اخوات بس انا مش قصدى والله اهزك بس انا زيك انا نفسى برده الاقى البنت بنفس مواصفاتك بس الى انا شايفه انى مش لاقى بجد وانا برده يا عمر مش بعمم الكلام على كل البنات لسه فى بنات على فطرتهم بس دول واحد من الميه وانتا عارف كدا ويارب تلاقى بنت الحلال
ومتقلقشى هاتلاقيها بس متستعجلشى ونصيبك انتا هاتخده وهاجيلك

بجد بجد يا محمود انت انسان رقيق ومهذب وانا حبيتك ويا رب يا صاحبي نلاقي البنت الي في خيالنا واكيد هي موجودة انشاء الله وبجد موضوعك انا حبيته لانه طالع من انسان رائع وكلامه كله حكم وصفاء
تقبل مروري يا صاحبي
وعايزين مواضيع جميل زي كده دايما

جزاكم الله خيرا والدنيا لسه بخير ياجماعه

فعلا يا اخت حبيبه الدنيا لسه بخير ويارب يهدى الجميع الى الصواب

» فاكهه فى احلامك
» ماهى اجمل دمعه؟؟؟؟؟؟؟؟؟؟
» ماهى فوائد العسل
» هل تعلم ماهى المراه
» مواصفات الجنه