حوار مع مذيعه بعد 50 سنة

المذيعة: اسم حضرتك

المواطن: وائل هيثم

المذيعة: احكي لنا شوية عن أيام زمان

المواطن: أحكى إيه ولا إيه ولا إيه عن زمان ....

والنبي متفكرنيش بأيام العز....أيام الرخص...أيام الاحترام....

طب ده انا مثلا فاكر من حوالى 45 - 50 سنة كدة

كان الواحد مننا يا خد من ايوة المصروف 10 او 15 جنيه في اليوم

وكانوا بيكفوا...ومابيفتحش بقه...مش زى دلوقتى....الله يكون في عوننا...

.ده انا فاكر إن عمري ما ناقشت بابى هيثم الله يرحمه ف المصروف....

زمان الواحد كان محترم في لبسه كان الولد لابس البادي الكات

والبنطلون النجر أو البنطلون الجينز الديرتى المقطع و خلاص.....

والبنت تلاقيها ماشية باحترامها لابسة المينى جيب والاستوماك

أو البنطلون الاستريتش و خلاص...لكن لبس اليومين دول....

مايتوصفش....أجارك الله

زمان المصاريف كانت محدودة ...فين أيام ما كيلو اللحمة كان بـ 50 جنية بس...

.. كانت أيام ..

وبعدين زمان كانت أبواب البيوت تتقفل من بدري يعنى الساعة 4 الفجر كدة...

وكان الابهات ليهم شنة و رنة....يعنى ماتلاقيش واحد بيعلى صوته على أبوه

و لا بيمد أيده على أمه....غير لو زعقوا له أو ابتدوا معاه بالصوت العالي....

زمان كنا بنذاكر على الاغانى الطربية الأصيلة....فين أيام الاغانى الأصيلة

زى بحبك يا حمار و العنب العنب العنب....لكن اغانى اليومين دول

لا ليها طعم ولا لون و الكلمات بقت مبتذلة ومالهاش معنى....

طب بذمتك كدة قارنى بين مطربات زمان زى الست روبى

و الست دانا و الست هيفا....لكن مغنيات اليومين دول

بيعتمدوا على جسمهم و على المسخرة....فين أيام الفن الأصيل

وبعدين زمان بصراحة بقى كانت المذيعة تقعد قدام الضيف أو جنبه

مش على رجله زي ما انتى عاملة كدة....

ههههههههههههههه
علي رجله

جامده
ممكن اهمل حوار معا المذيعه دى

شكرا حمودي

شكرا هيما

شكرا علي مروركم الكريم