يا ريت التفكير في الموضوع يكون بتعمق ومن غير سطحية

السلام عليكم ورحمة الله وبركاته

لي سؤال وبعده اطرح الموضوع

هل يمنعنا الحياء من محاولة أن نعيش الفطرة بالشكل الصحيح؟

أخوتي في الله من الملاحظ في المنتدى أنه ينقصه قسم مهم جدا والجميع يخاف من التطرق إلى فكرة هذا القسم أو

يجدون في التطرق إليه حياء أو خجل من أن يكون مكان لعرض أشياء خارجة عن الدين أو الحياء

ولكني والله لم أجد للحياء والخجل من مكان في هذا الأمر حيث أنه ينقصنا وبشدة قسم يختص بطرح المشاكل

المتعلقة بالحياة الجنسية في الإسلام

أنا عارف انه قيه قسم للزواج والعلاقات الزوجية ولكنه قسم فقير بالموضوعات الي تهم كتير من النساء والرجال

ومن المعروف أنه في البداية فإن الجميع أو الغالبية العظمى سوف ترفض هذا الطلب وتنظر إليه بنظرة سطحية من

باب أنه سوف يفتح مجال لنقاشات خارجة عن الدين أو مواضيع الهدف منها إثارة ليس لها من أي فائدة

ولكني أؤكد لكم ومن غير جدال أن هذا لن يحدث وأن جميع المعارضين عندما يرون الموضوعات التي سوف يتم

طرحها في هذا المنتدى سوف يعرفون حقيقة أن المنتدى ينقصه هذا القسم وأنه وسيلة علمية جديدة لطرح هذه

المشكلات وطرق حلها والضابط لنا في هذا القسم هو الشرع والضوابط الإسلامية

وسوف تكون القوانين في هذا القسم قوانين صارمة جدا ولا تسمح بأي تجاوز

ولابد أن يتحلى المشرف على هذا القسم بالشجاعة في اتخاذ القرارات وعدم غلق أي موضوع إلا إذا وجد ان الهدف

المرجو من الموضوع خرج عن نطاق السيطرة ولم يعد موجوداً

أحبتي في الله لماذا نترك أنفسنا لأشخاص غير موثوق بهم ليطلعونا على هذه الأمور التي تعتبر من أخطر الأمور في

حياتنا الزوجية لما نترك انفسنا للجهل والانغلاق في التفكير وعدم الطرح الصحيح للموضوعات بشكل يجعلنا نمتلك

ثقافة نستطيع أن نبدأ بها حياتنا وكذلك تساعد من هم لهم حياة قائمة بالفعل على التثقف في هذه الأمور

أكيد في موضوعات من الحين للاخر تُطرح في المنتدى ولكنها على حياء وتتطرق من بعيد لهذا الامر ولكن احنا محتاجين نكون متفتحين بشكل اكبر

والله اني ما ادعوا إلى رفع حجاب الحياء ولكني أعرف ان الموضوع في غاية الاهمية وضروري جدا

رجاء أرجوا الرد العاجل وطرح وجهات النظر حول هذا القسم من المنتدى وأعدكم بأن يكون أول موضوع مني

وسوف ترون ما هي الضوابط التي سيكون عليها فكرة طرح المواضيع

وشكرا لكم وارجوا الرد بشكل عملي ولا يخرج عن سياق الفكرة

شكرا اخ عمر على الفكرة
و كمان ذكرت فى كلامك الخوف أن يفهم المعنى بغرض أخر .. ليس عندى مانع تنفيذ فكرتك
لكنى أفضل أخذ جميع الأراء لانى لسيت صاحب المنتدى أو المسيطر عليه بل الجميعا هنا
له الحق فى المنتدى مثلى تمام أنا فقط انفذ ما نتفق عليه بحكم صلاحياتى
لك منى جزيل الشكر
اسمح لى فتح التصويت على تنفيذ المطلوب
و لكنى و اسمح لى سأحذف أى موضوع يخالف فكرتك .. و سأمنع اى نقاش أو رد يخدش حياء أى بنت معنا فى المنتدى
و انت اكيد تتفق معى فى الرأى
جزاك الله خيرا أخ عمر

في الأول شكرا ليك اخ رياض

ثانياً انا قلت في الأول أنه المشرف على القسم ده عند قيامه لازم يتصف بالحزم والقطع في أي موضوع أو اي رد يُطرح ومن غير تنبه ولا تحذيرعليه أن يحذف اي موضوع أو رد في غير محله والمقصود منه الخروج عن النص

وانا متهيقلي انهم قليل في المنتدى معانا الي بيتصفوا بالصفات دي لاني شايف انه الجميع

بيتصف الثقافة كلً على حسب القدر الذي يمتلكه وانا معاك طبعا اننا نطرحه للتصويت وانا

برضوا ما عنديش اي مشكلة في رفض الفكرة انا كل قصدي اننا نتعمق في أمور مهمة قليل المرور عليها بسبب الجهل أو الحياء أو الخوف

وبعدين سامحني يا اخي رياض بس حتى احنا والله عندنا حياء يُخدش عند الخروج عن النص في هذه الفكرة

جزاك الله خير اخي

الاخ الفاضل عمر مع احترامى الشديد لوجهه نظرك وطلبك
لكن مش معنى ان فيه حد معترض يبقى سطحى
ولو كان الاعتراض يوازى السطحيه
فانا اول السطحيين وتفكيرى سطحى جدا واسفه انا برفض الفكره
اللى عاوز يتكلم ف علاقات زوجيه عنده القسم بتاعه لكن مانعملش قسم مخصوص لغير كده
الحياء شعبه من شعب الايمان
واللى قال لا حياء ف العلم او الدين بيتعدى الخطوط الحمراء الموضوعه فى الجمله ويتناسى ان لكل حاجه حدود
اظن انت ملاحظ انى بعرض مواضيع قد تكون حساسه ف القسم النفسى مغلفه باطار علمى مهذب
وانا لا اضمن واضع الموضوع او المشارك بالرد
فليس كل الاعضاء عمر او رياض
هناك الكثير من النفوس السويه والغير سويه
لذلك فلنتجنب الشبهات ووجع الدماغ
سامحنى على اعتراضى
ولكنى اول المعترضين

اخي عمر
انت تعلم معزتك داخل قلبي
فانى احبك في الله
لكن اخى موضوع مثل هذا سيخدتش حياء الكثيرون منا
وصدقني الموضوع ده هيجلب الفتن والمشاكل
صدقني انا عارف ومجرب
اقولك شئ بجد
في منتدي الازواج
في حاجات جنسيه وكدا هي طبعا للشرع بس برده تختش الحياء طبعا انا بكلم عن نفسي هى بتختش حيائي
انت ممكن لو عاوز تتكلم علي حاجات زى كدا يبقي في منتدى الازواج عادي
وبعدين انا شايف ان الكلام في حاجه زى كدا
من وجهت نظري للمتزوجون فقط

متزعلشي منى في ردي عمر
بس ديه وجهت نظري
تقبل مروري

بصراحه ممكن اكون متعاطف معاك بقلبى لكن بعقلى لالالالالالا مش موافق على الفكره من وجهه نظرى الموضوع ملهوش اى اهميه هنا ومحدش فى الزمن ده بقا جاهل فى النقاش ده يعنى ازاى نبقا جاهلين للدرجه دى واحنا داخلين نت ومنتديات يعنى من وجهه نظرى برده ان المفروض عقولنا تبقا اكبر من كده بكتيييييييييييييييييييييييييييييييييييييييييييييييييييييييييييييييييييييييير

انا هقول كلمتين مختصرين جدا .. أولا برفض الفكره نهااائى .. ثانيا بقول حاجه المواضيع دى هتوضع على المنتدى يعنى على النت .. جميل من هى الفئه أو أغلبيه الناس اللى بيدخلوا نت .. هل هم الغير متعلمين ؟؟؟ افتكر اللى يوصل أنه يكون مسجل على منتدى وبيعمل مواضيع ده انسان متعلم كويس وفاهم الحياه يعنى مش محتاج القسم ده خالص وبعدين عيب قوى لما الحيوانات بتعرف يعنى ايه جنس بالفطره .. واحنا البنى آدمين هنقول اننا مش فاهمين ؟؟؟ مين اللى مش فاهم ؟؟؟؟؟
أخ عمر صلاح طبعا انت عارف انى بحترمك جدا .. ولكن طلبت استفتاء وانا برفض تماما الموضوع ده .. وفى كمان مواضيع فى المنتدى تستاهل الحذف تماما اتمنى تتحذف .

برفض تمااااااما

السلام عليكم ورحمة الله وبركاته

في البداية انا قلت أنه رفض الفكرة شيء عمره ما هيزعلني ولا هزعل من اي حد رفض الفكرة

لاني ببساطة مش عايز حاجة من وراء الفكرة لنفسي

وطبعا مادام ما احنا كلنا عندنا ثقافة تخلينا ندخل المنتديات يبقى مش محتاجين للحاجات دي بجد

والله انا ما زعلان من اي حاجة يا جماعة بس للاسف ردود كتير انا ما اقتنعتش بأي رد

مدام ما احنا دخلنا المنتديات واحنا مثققين يبقى مش محتاجين نتكلم في اي حاجة ولا نقول اي

حاجة مش شرط الموضوع ده بس

ما احنا مثقفين ودخلنا منتديات

وبعدين متهيقلي انا ما قلتش العبارة بتاعة لا حياء في الدين ولا حياء في العلم

لاني اصلا مش مقتنع بيها ومش عارف الي فكر في الموضوع فكر اننا هنقول ايه

اصلا في مواضيع في المنتدى انا بخجل امر عليها من الكلام الي فيها واما نتكلم في موضوع

بإطار معين ومحدد من البداية تحصل كل اللخبطة دي

على العموم بارك الله فيكم واعتبروني ما قلتش حاجة وأنا آسف أني أكون الوحيد قليل الحياء

الي في المنتدى وانشاء الله ما يحصلش حاجة مني تخدش حياء أي شخص في وجنة

اخى مع احترامى الشديد انا برفض لعدة اسباب
لايمكن التحدث فى تلك المواضيع لان الحياء يمنعنا من ذلك
من منا فى تلك الايام لا يدرس ما ترغب فى عرضه فى المنتدى
الطالب فى الصف الاول الاعدادى والسادس الابتدائى يدرس تلك الاشياء وغير ذلك يتوسع محتوى الدراسة حتى الثانوية والكليات
يعنى مافيش حد محتاج القسم ده
تقبل احترامى

الحمد لله رب العالمين اللهم صلي علي سيدنا محمد

اسمحلي ياعمر انا برفض الموضوع ده تماما

معذره انا اعرف جيدا مده نقائك واخلائك ولكن ممكن تضر وانت تريد النفع

وليست كل العقول بتفكير واحد

انت لاتعلم اي موضوع سيكتب مدي تاثيره ليه ياعمر تفكر في موضوع ولو حتي فيه شبهه انك تاخد زنوب دي نقطه

النقطه التانيه مين الي يخرج يكتب عن الجنس وعم مشاكله
انا عن نفسي بحتقر اي شخص يحكي مشكله عائليه بسيطه لان مش كل شيئ نتكلم فيه

وبعدين المنتدي بيحتوي بداخله حلول لكثير من المشكلات لو قرات كل موضوع او بعض المواضيع ستعرف ذلك

انا اخاطبك ياعمر لاني اعرف انك تريد النفع ولكن معذره الموضوع صعب هنا

السلام عليكم ورحمة الله وبركاته

فعلاً فعلاً اسرة واحدة والحمد لله

بس كده يا جماعة فكرة طرحناها لا كنا عايزين ردود ولا كلام يزعل حد

هو كان رد واحد كفيل باننا نقفل الموضوع وخصوصا اني واقسم بالله اكره الجدال
اكرهه حتى لو كنت انا على حق وتركي لحقي مش هيضر حد تاني وراي فانا بتركه

شكرا ليكم اخوتي في وجنة فأنا على القدر البسيط لثقافتي فكرت في الموضوع ده وانا اسف اذا

كان كلامي ضايق اي حد فيكم وسامحوني انتوا فيكم اخواتي الصغيرين واخواتي الكبار

جزاكم الله خيرا جميعا

علي فكره عمر انت زعلتني
بتقول
واعتبروني ما قلتش حاجة وأنا آسف أني أكون الوحيد قليل الحياء

الي في المنتدى وانشاء الله ما يحصلش حاجة مني تخدش حياء أي شخص في وجنة

لا طبعا انت اخ فاضل
متقولش قليل الحياء

جزاك الله خير يا حمودي وانا ما اقدرش على زعلك وانا اسف يا صاحبي

ومتهيقلي اخر رد انا وضحت فيه والمشكلة الحمد لله خلصت لانه اصلا ما كانش فيه مشكلة

شكرا يا حمودي على زوقك وجزاك الله خير

اولا : عمر انا بحترمك جدااااا و بحترم عقليتك و تفكيرك

ثانيا : مش عاوزاك تزعل من الردود او الجدال علشان ده استفتاءالكل في المنتدى
لازم يقول رئيه
ثالثا : الخلاف في الموضوع انه صعب يطرح مش اكثر في المنتدى .... مش قولنا انك هتخدش حياء اى حد في المنتدى لالالالا احنا بنقول اى كلام من اى نوع هيتحرج اى حد يرد و غير ان العقليات مختلفه و ده امر طبيعي علشان كده الموضوع مرفوض .
شكرا عمر .... و اتمنى كلامي مش يكون فيه حاجة ضيقتك

انا متشكر جدا نوجا انا والله الي بحترمك وانا والله ما كان في بالي اي زعل

لاني بكل بساطة قلت من الاول لو الفكرة مش كويسة كأننا ما سمعناش حاجة واخوات مع بعض

وانا الي ايدت رياض في الاستفتاء

وانتي كلامك كله زوق بارك الله فيكي وجزاكي كل خير

ويعلم الله اني ما طرحت فكرة علشان يكون فيه ردود على قد ما طرحتها علشان يكون في حوارات جادة ومناقشات بنائة تساعد كل واحد فينا في حياته الشخصية

انا شايف يا عمر ان مفيش حد وافق على الموضوع بتاعك

وعلى فكرة يا عمر انا معرفكشى شخصيا بس من ردودك

واراءك فى كل المواضيع الى بترد عليها او بتشارك فيها

بتقول انك انسان محترم لذلك انا متاكد من حسن نيتك وانتا

بتقترح فكرة الموضوع ممكن كتير من الاعضاء يفهموا وجهه

نظرك بطريقه خطأ وعلى فكرة يا عمر انا مؤيد جدا مش عشان

اكون مختلف عن الاعضاء الى كتبوا وقالوا وجهه نظرهم بس

يا عم انا متفق تماما تماما مع راى نوجا ان العقليات هنا

اكيد مش زى بعض يعنى يا عمر انا ممكن اكتب موضوع

مثلا انا شايفه من وجهه نظرى انه ينفع اطرحه فى المنتدى

وممكن اعضاء اخرين يعاركونى ويفهموا وجهه نظرى خطأ

يا عمر لذلك يا عمر الباب الى يجيلك منه الريح رده واستريح

على فكرة انا مرتدشى استعجل وارد على موضوعك لحاد

ماعرف كل الاراء يا عمر وزى ما اتفقنا وقولنا العقليات

مختلفه لذلك يا عمور اقفل الباب احسن

وتقبل تحياتى ومرورى

ولا تقلق يا محمود الباب اصلا ما كانش مفتوح احنا كنا عايزين نفتحه صح يا صاحبي

ده كل الي في الموضوع وبعدين بالله عليك ما تخلينيش اتكلم اكتر من كده احنا قلنا مش عايزين جدال ممكن يزعل حد مننا

طبعا مرورك اسعدني يا محمود وانت عارف رايي فيك من الاول وجزاك الله خير

وانشاء الله نستريح يا محمود

يا عمر انتا شكلك زعلت من راى ومن راى بعض اعضاء المنتدى

بس اؤكدلك يا عمر ان احنا كلنا بنكن ليك كل احترام وحب متبادل

صح ولا ايه يا عمور وانا مصمم اقولك يا عمور

أنا بشكر الجميع على الردود و الآراء المثقفة و الواعية و أنا حبيت
أعمل استفتاء على الفكرة عشان محدش يفكر أن محتكر رأى معين او سياسة معينة .. كان
ممكن أوافق أو ارفض من البداية لكن بما أننا أسرة واحدة كان يحتم الآمر أن أستطلع
جميع الآراء و الحمد لله على هذه الروح الطيبة
فى المناقشة

و بكده الموضوع يقفل برفض الفكرة بناءا على رأى الأغلبية و شكرا
لاجتهاد الاخ عمر و ان أشهد الله أنى أحبه فى الله

و فى النهاية لى كلمة بسيطة تعقيبا على رأى موندى و رأى عمر صلاح

موندى قال :

وفى كمان مواضيع فى المنتدى تستاهل الحذف تماما اتمنى
تتحذف

و عمرصلاح قال
:

اصلا في مواضيع في المنتدى انا بخجل امر عليها من الكلام الي فيها
واما نتكلم في موضوع
بإطار
معين ومحدد من البداية تحصل كل اللخبطة دي .

أنا لما قولت لان اسمح لموضوع بأنه يخدش حياء أي بنت معنا كنت واهم
و بعتذر للجميع لانى لم أرى الموضوع المقصود فى كلام موندى و عمر صلاح و ان كنت
أتمنى منهم ذكر أسم الموضوع أو الموضوعات حتى أستطيع الرد

عتابى على الجميع لانى و الله يشهد على كلامى لم أرى هذا الموضوع حتى لم يبلغنى أحد من
الاعضاء أو المشرفين فبتعذر للجميع عن الخطأ الغير مقصود منى و تم بالفعل حذف
الموضوع تقريبا كان اسمه ( ما يجب أن
تفعله الزوجة )

رجاء لاى أخ يقرأ أى موضوع لا يعجبه أو يكون فيه شىء سييء رجاء أن
يرسل لى رسالة خاصة

جزاكم الله جميعا خيرا

تقبلوا اعتذاري على الخطأ غير المقصود

شكرا لكم و أسف على الإطالة

و يقفل النقاش فى الموضوع