في الدقهلية، لقى صبى مصرعه وأصيب آخر فى حادث مرورى وأعقبه تجمهر بالطريق العام واتلاف سيارة اوتوبيس
تسببت فى الحادث.
كان اللواء محمد طلبة مدير أمن الدقهلية قد تلقى اخطارا الليلة أفاد بوقوع حادث مرورى على الطريق الذى يربط بين
قرية "ميت فارس" و"ميدنة" بنى عبيد شمال شرق المحافظة.وإنتقلت الى الموقع اجهزة الشرطة، وتبين أن سيارة
أتوبيس رحلات قيادة صالح يحيى صالح تحمل رقم 70086
دقهلية صدمت صبيين، هما على مصطفى حامد 13 سنة وعبدالرحمن محمد حامد 10 سنوات، حيث لقى الأول
مصرعه، بينما أصيب الآخر ونقل الى مستشفى دكرنس.
وقد تجمهر أهالى قرية "ميت فارس" وعطلوا مرور السيارات على الطريق، وأشعلوا النيران فى سيارة الأتوبيس،
وألقوا بها فى مياه الترعة أمام القرية.
وتمكنت قوات الشرطة من السيطرة على الموقف، وأعادت حركة السير على الطريق الى طبيعتها بعد ساعة ونصف،
وتم ضبط سائق الأتوبيس، والقت القبض على عدد من مثيرى الشغب، وتولت نيابة دكرنس التحقيق، كما تم انتشال
سيارة الأتوبيس من الترعة .
أنا شوفت بعينى هذه الحادثه كنت رايح مشوار مع زوجتى و شوفنا المنظر و التجمهر و قطع الطريق كمان شوفت
الاتوبيس وهو مولع و بيتحرق و بعدين الناس ألقوا به فى المياة كانت فعلا حادثة فظيعة و سمعت من بعض الناس
الآولاد دول اولاد عم كانوا راكبين دراجة ( عجلة ) و بعدين حاول السائق ان يتفادى الاولاد لكنهم خبطوا فى جانب
الاتوبيس و وقعوا تحت العجل و الاتوبيس خبط فى سيارة واقفه و فى شجرة .. كتير قالوا السائق مظلوم لكن الناس
بقى لان الحادثه قدام البيت و هم من عائلة الشيوخ بميت فارس .. منظر الرجل و حلبابه كله دم رأيته بعينى .. نقول
الاتوبيس يستحق الحرق عشان معظم اتوبيسات الخط دكرنس بنى عبيد نوعيات قديمة و معظم السائقين ممن ليس
معهم
رخصة قيادة و كمان معظمهم صغار السن منحطى الاخلاق ..طبعا بعد قطع الطريق المشوار اللى كنت بروحه فى نصف
ساعة روحتوا فى ساعتين أنا و زوجتى و ركبنا عربيه
أخدت طريق الآراضى الزراعية ( طريق ميت سويد - الديسة )
ربنا يحفظنا شر الطريق و يلهم اسرة الطفل الصبر و السلوان ..
موضوع: حادثة مروعة على طريق ميت فارس .. بنى عبيد 
السبت 9 أكتوبر 2010 - 21:42
