مخطوبة و لسه متعلقة بالحب الاول

مخطوبة و لسه متعلقة بالحب الاول

السلامة عليكم انا مشكلتي بصراحة محتارة فيها جدا اولا انا مخطوبة من حوالي
شهرين وخطيبي دا بيحبني جدا فوق ماتتخيلوا مع العلم ان خطيبي دة كان رافض
فكرة الجواز خالص وسبحان الله لما شفني غير الفكرة دي خالص انا ساعت بصراحة
بستهتر بمشاعرة واقعد اقولة ياحرام وكدة انا عارفة ان كدة بجرحة وع فكرة
خطيبي دة مستواة كويس وتعليمة عالي وانا تعليمي متوسط بس انا قبل مااتخطب
لية كنت بحب واحد اتعرفت علية من النت من حوالي سنة ونص وبحبة جدا وهو كمان
بيحبني بس مقدرش يجي يتقدم ليا لان ظروفة وحشة ووالدتي كانت عارفة
بالموضوع دة مكنتش حابة الحكاية دي اصلا وكانت تكرهني فية وهو كلمها مرة
وقلها انا بحب بنتك وهجي اتقدم وحصلت ظروف ومجاش ومع العلم ان حبيبي دة
ظروفة مش قد كدة يعني بس والله دي حاجة مش بفر فيها خالص لكن والدتي تقعد
تقولي الحب بيروح مع الظروف الوحشة دي وفكري في مستفبلك وكدةوهي كانت كرهتة
اكتر مع العلم ان في نفس محافظتي بس بعيد شوية عن بلدي وكانت والدتي تقعد
تقولي حتي لو جة مش هنوافق دا حد منعرفش عنة حاجة وحتي لو سئلنا محدش هيقول
الحقيقة وكدة وانا الوقتي اتخطبت بس لسة بكلمة فون وكل مرة اقول معتش
هكلمة لان حرام وحاسة بالذمب جدا ارجع احن لية مع العلم بردو ان كلمنا لبعض
باحترام عمرة ماتعدا حدودة معايا بحس ع طول انة محتاجلي يتكلم معايا
بيفضفض معايا بس وانا بكلمة بفكر في ربنا وخطيبي عارفة ان كدة حرام وخطيبي
ملهوش زمب بس والله غصب عني كل مرة اقول لا معتش هكلمة خلاص اخر مرة
وقولتلو فعلا معتش تكلمني لان انا الوقتي مخطوبة قالي حاضر وقعد اسبوع
ولقيتة بيرن عليا بيقول انة بيطمن عليا وبيقولي الله يخليكي اعتبرني حتي
صديقك اعتبرني اي حاجة في حياتي المهم ابقي اطمن عليكي بس انا ع طول حزينة
بسبب الذمب دة وضميري ع طول بيوجعني وخطيبي فاكرني ملاك ودة اللي مزعلني
اكتر انا الحمدلله كويسة ومودبة والناس كلها تشهد بكدة بس خطيبي بيقولي بحس
فيكي براءة الاطفال وانا من جوا نفسي زعلانة اقولة مش لدجدي انا بردو بشر
وبغلط محدش كامل يقولي واخر كلام بيبني وبين حبيبي الاولني لما قولتلة
هتجوز راح اقسملي بالله لو حصل كدة لا يخطفني وخطيبي ع طول يئسلني بتحبني
بس انا مبكبش علية واقولة لا عاوزني انفقك واقولك اة ابقي كدابة بس كل حاجة
بتحتاج فترة انا صريحة معاة ومع نفسي بس حكاية حبيبي دي محيرني ومعذبني
نفسي انام مرتاحة البال انا مشكلتي ان لما بعمل اي حاجة غلط بحس بذمبها ع
طول واحس بضيق في نفسي والله وزعلانة ع اللي انا بعملة بس غصب عني بحبة ومش
شايفة حد غيرة هتقوليلي كنتي استنية هقولك استنية كتير لكن اهلي زهقوا
ومكنش ينفع اقولك سبب الرفض لان مفيش حاجة نفسي تقولولي حل يريحني ويريح

ضميري لان والله والله نفسي ارتاح وربنا يكرم اي حد يرد عليا يارب

حبيبتى اخلصى لخطيبك ومفيش حب على النت خليكى مع خطيبك واكيد مع الوقت هتحبية

بصي حبيبيتي ربنا قال بسم الله الرحمن الرحيم
" وعسي ان تحبوا شيئآ وهو شر لكم وعسي ان تكرهوا شيئآ وهو خير لكم "

اولا هو لو فعلا كان بيحبك كان عمل خطوة لأدام وماكنش سابك تروحي منه
وكون ان ع حسب كلامك انك استنيتي كتير ده بيبين انه مستهتر .. ومعلقلك جنبه وخلاص

طب ده مافكرش ف ان لازم هييجي وقت هتتحطي ادام الامر الواقع وهيجيلك عرسان
مافكرش فيكي ابدا .. وفكر ف نفسه

بصي حبيبتي هو مش خسران حاجه .. لو فكرتي فيها بعقلك كويس هتلاقي ان هو ماعملش اي حاجه عشانك .. وانتي عملتي معاه كل حاجه

وبتقولي قعدتي سنة ونص دي فترة كافية لانه كان ع الاقل يقوم بخطوة ايجابية .. وبما ان بتقولي ظروفه صعبة ,, طب هو مستني ايه ماعملش حاجه لنفسه ليه .. عشانك انتي ف الاوزل وف الاخر

انما هو مافكرش .. اهو بيقول انتي موجوده وهتستنيه وجنبه ف كده كده هيتقدم ويعمل حاجه لادام ليه

ثاني حاجه .. محدش عارف نصيبه فين ف الاول وف الاخر " وبيده مقادير كل شئ "

ممكن مايطلعش نصيبك مع اللي بتحبيه ولا خطيبك ولا ده ولا ده
ويطلع نصيبك مع واحد ولا تعرفيه خالص ولا ف بالك

حبيبتي كل شئ متقدر ..

ثالث حاجه .. راعي ربنا ف خطيبك .. ع حسب كلامك انه بيحبك .. واقولك نصيحه مني فعلا ,, اجري ورا اللي بيحبك مش اللي بتحبيه

ده ع الاقل قام بخطوه ايجابية ,, عاوزك بجد ويتمنا رضاكي
اما التاني عمل عشانك ايه عشان تتمسكي بيه كده .. بصي حبيبتي بصي لأدام حبيبك ده حتي لو حصل نصيب هتتعبي معاه جدا

سيبك م الكلام المعسول اللي بيزن بيه ع ودانك واللي قافل قلبك ناحية خطيبك

ادي لخطيبك فرصة يبينلك مدي احساسه بيكي ,, اودي لنفسك فرصة تحسي بيه

واوعي تعملي حاجه تشعري منها بالندم بعد كده .. وماتحسيش انك هتظلمي حبيبك ده ببعادك عنه ,, لانه هو اللي ظلمك بقعادك جنبه طول الفترة دي

فكري ف نفسك شوية .. شغلي عقلك وادي راحة لقلبك .. ماتشغليش بالك باللي جاي لانه نصيب

امنعي كلامك مع حبيبك الاولاني لانه يعتبر خيانة ,, ولو حطيتي نفسك مكان خطيبك هتلاقيه وحشة جدا ف حقه
غيري الخط خالص عشان كل ما هيتصل بيكي هتحنيله وتحسي انك ظالماه

وقضي اكبر وقت مع خطيبك .. وراعي ربنا فيه .. واعرفي ان ربنا متطلع ع افعالك

اتقربي من ربنا صلي كتير وادعيه يفك عنك .. صلي استخارة ربنا هيقدملك الخير

اقفلي صفحتك القديمة وقولي بسم الله الرحمن الرحيم وصفحة جديدة مع خطيبك

والموضوع هييجي بالتدريج مش فجأة

(( ربنا يهدي سرك حبيبتي ويصلح حالك ويريح بالك ويهدي قلبك ))

دمتي بخير ,, تقبلي خالص ودي وتقديري ..

» فتاوى متعلقة بيوم عاشوراء
» التربية بالحب
» من جن بالحب فهو عاقل
» نصيحة الى كل من يفكر بالحب....
» محتارة بين الحب الاول و العريس