بحبها وعايز ارجعلها ومش عارف

بحبها وعايز ارجعلها ومش عارف

السلام عليكم انا شاب عندى 19 سنه وبحب بنت اصغر منى بسنه بحبها لدرجه لا

توصف وبموووت فيها بس للأسف حصلت مشكله اعز صاحب ليا طلع هو كمان بيحبها

وعشان يبعدنا عن بعض راح قال لمامتها انى انا بقول عليها كلام مش كويس

المهم كلمتها علشان افهمها انى ده عمره مايحصل منى لانى بحبها بجد بس للأسف

هيا مقتنعتش بكلامى وكمان بنتها الى بحبها مكلمتنيش من سعتها والموضوع ده

عدى عليه 5 اشهر وانا مبكلمهاش خالص بس مش قادر واخر مره شفتها رجعت بيا كل

الايام الجميله الى عشناها سوا ومش قادر انساها وانا متأكد انها بتحبنى بس

مش عارف ايه الى حصل بجد مش قادر تعبت من كتر العذاب الى عايشه راح منى

اعز صاحب قصدى الى كان اعز صاحب وراحت منى حبيبتى ونفسى ارجعلها عشان لو

رجعتلها ترجع كل حاجه حلوه تانى مش عارف اروح اوقفها فى الشارع ولا اعمل

ايه بس للأسف مش عارف كرامتى ولا قلبى لانى بجد اتظلمت من ناس كتير.

حول تتكلم معاها وتشوف اية اللى بعدها عنك وصديقك دة مش صديقك يا ريت تبقى تختار اصدقائك

بسم الله الرحمن الرحيم

اولا هي لو كانت فعلا بتحبك كانت صدقتك انت وماصدقتش اي كلام تاني ايا كان الشخص اللي نقلها الكلام ده

لان الحب ثقة ولو اتهزت الثقة دي يبقي مافيش حب

ثانيا والدتها هي كانت تقدر تأثر عليها لو هي مصدقاك .. كانت قالتلها انت عمرك ماتقول كده عني ووكانت هي اللي تقدر تردلك اعتبارك ادام والدتها

وبالنسبة لصاحبك ,, الصاحب عمره مايتمني الشر لصاحبه
حتي وان وجدت الغيرة بين الاصحاب ماتوصلش لدرجة انه يروح يسوأ صورتك ادام حبيبتك كده ,, م الاساس مايصحش

فـ اسمحلي ده ما اسموش اعز صاحب ,, وماتحاولش انك تحتك بيه سيبه وده هيتعمل فيه زي ماعمل فيك " كما تدين تدان "
ثالثا ماتحملش نفسك فوق طاقتها حاول تبعد شوية بشويه نفسك عن التفكير ف البنت دي ,, لانها لو باقية عليك هترجعلك
واحتمال لو عملت محاولة انك توقفها ف الشارع زي مابتقول ممنك جدا انها تكسفك ويطلع انت شكلك اللي وحش ف الاخر

اخي الكريم ارمي تكالك ع الله واعلم ان الله لا يضيع حقا .. ولا يترك انسانا مظلوما

" ربنا يصلح حالك اخي ,, و ينير لك دربك ,, ويهدي قلبك "

تقبل ودي وتقديري