الطِيرْ اِشْتَرَى حُرِيتُه

د.هانى أبو الفتوح يكتب: الطِيرْ اِشْتَرَى حُرِيتُه

[ندعوك للتسجيل في المنتدى أو التعريف بنفسك لمعاينة هذه الصورة]

يناير.. شهر دا؟
ولا فَرْحْ الدنيا هَالِل بالبشاير؟
أنا شُفتُه شفت الخضرا جَاهَا الخير
والمحروسة مِسْتَنية دُورها
واقفة بتغزل فى الضفاير
وعريسها شاب صِغَار
جاى لها من الفرحة طاير
بيقول قوليلى مَهرك إيه
لو حتى عُمْرِى ها أقدمه
دا كفاية عِشتْ العُمر حَايِر

أقول عروستى.... لأ مش عروستى
اللى شايفها كل يوم يبيعوا فيها ويشتروا
ويباركوا دُخْلِتْهَا على وِِلْد الأكابر
سألت روحى لِحَد اِمتى أفضل كده ساكت وصابر
أنا عروستى حرة، لا ظُلم فيها وخيرها ليها
إزاى أسيبها تتغصب على ظلمها
العيب هنا فى العروسة
ولا العريس اللى سَكَتْ ووَقَفْ يِِكَابِر
ولو يطول صبره لبُكرَةْ
بُكرَة الحزينة تِتوِِرِثْ، يِورثها فاسد وألا فَاجر

إزاى يكون وأنا من زمان مستنى فَرَحِك يا حزينة!
ثلاثين سنة إمتى تعودى وترجعى تحيى اللى فينا؟
واللى باعوكى واشتروا.. دول دمهم مش مننا
إحنا عروق الدم تغلى تتنفض إما يبيعوك قدام عنينا
يا أغلى من روحى.. يا روحى إحنا لبعض
أنا اللى ليكى.. إنتى اللى لينا
وإنتى اللى ضى العمر كله
إزاى يضيع الضى ده كده من إيدينا؟

من أول الشهر وبشوف لك كل يوم حلم
ومش عارف أفرق
حلم السعادة دا؟ ولا دا حلم الهموم؟
شايف السما برق ورعد، مليانة غيوم
والسحاب يجرى يقول خلاص.. للظلم يوم
لكل ظالم يوم قيامة.. والقيامة لازم تقوم

ألوان كتير داخلة فى بعض
أحمر فى أسود وسط توب أبيض حزين
اللى شايفه دا لون علم؟ ولا دا ألم السنين؟
والدموع دى دموع فرح؟
ولا دموع قلب فى لحظة للفراق وبينجرح؟

يا ترى إيه اللى شايفه من بعيد
دا بحر دم ده ولا شربات أحمر بيجرى فى الوريد؟
ولا مولود بيتولد هنا من جديد؟
ولا دا فجر بيشق الطريق حالف لَيِمْلَى الدنيا عيد؟

واللى شايفه مستحيل.. دا شعب ده ولا طوفان؟
ويا ترى اللى سامعه دا صوت الملايكة فى السما؟
ولا دا صوت الأدان؟
ولا صرخة واحدة بتهز الميدان؟

ويا ترى الدخان دا نار؟ ولا لوحة فوق جدار؟
ولا شعب بينه وبين الظلم تار؟
حلم دا وألا حقيقة؟
جاية تغسل ألف عار، وأى عار؟

عار السكوت!!
وعمر عدى الكل هُس ما أسمعش صوت
وعار لخوف!!
خللى القلوب جوة الصدور مرعوبة موت
ونفاق وكدب طول السنين
حتى النفس ناخده بشروط

والطبل والزمر لازم كل يوم
عشان المؤامرة تكتمل ييجى بسلامته
فى شهر عشرة وينسجوا كل الخيوط
جاى العريس يغتصب بلدى وعروستى
ويبيع فيها ويشترى
ما شبعش منها المفترى
أنا قلت لأ.. مستحيل دى حتة منى
الشهر لا يُمكن يِعَدِى أو يفوت!!!!

الشهر دا حد فاصل بينى وبينه
صدر القرار من عند ربى
والبطل يا خد الحق بيمينه
قلت خلاص أنا صبرى طال
والليل نهايته أمسكه بإيدى أخنقه
وصُباعِى أحطُه جُوه عِينه
وف آخر الشهر ترجع لى حبيبتى
والجبان يلعن فساده اللى إتزرع
يلعن الظلم وسنينه

قبل نهاية الشهر ده دست الزناد
الكل كبر فى الميعاد
قام وقال الله أكبر
دا الثورة بترج البلاد
الظلم لو هيزيد فى عنده
أنا كمان بزيد عناد
إنت بتخنق فى البلد
بس الجنين ده لا يمكن يتخنق وقت الميلاد
بيقول خلاص إنت انتهيت
لازم هتمشى، خد معاك الحاشية وحشود الفساد
العادلى يمشى وعز يمشى وكل اللى باع واشترى واللى افترى.. وخللى البلد أكبر مزاد

وإنت انتظر فى السن ده يوم الحساب
خللى عمايلك تنفعك وألا الخطط
وألا الجمال ولا الخيول ولا الكلاب
ولو تشوف اللى بأشوفه وأسمعه
واللى مكتوب فى الصحف ولا الكتاب
ساعتها تلعن خلقتك وخلفتك وحاشيتك
وكل سنوات العذاب
كنت فاكر العروسة بتعشقه
الحرة عاشقة الحر ابن البلد
رجع لها بعد الغياب
والطير خلاص اشترى حريته بدم الشباب..
الطير خلاص اشترى حريته بدم الشباب
نقلا عن اليوم السابع

أبدعت اخي الكريم " رياض "

سلمت أناملكـ

ودي

رياض العربى

رائع ما خطه قلمك هنا

مشكوررررررر الى الامام

قمرايه

اشكركم اخوتى الأحبة جميعا علي تعليقكم الكريم علي كلماتى والتي نشرها اخى الفاضل صاحب الموقع جزاه الله خيرا والقصيدة نشرت بالاسم في عدة مواقع عربية وصحفية وبجريدة اليوم السابع علي الرابط التالي

ولكم جميعا منى خالص التحية والتقدير
الشاعر د هاني ابوالفتوحhttp://elyoum7.com/News.asp?NewsID=363693&SecID=190

اهلا بك د هانى فى المنتدى

و نتمنى أن تثرى المنتدى بمزيدا من شعرك الجميل

اهلا بك مرة اخرى

تقبل تحياتى

الأخ الكبير الأستاذ رياض العربي
لك مني خالص المودة والتقدير وأرجو أن يستمر التواصل بيننا دائما وأبدا ولكم مني ولمنتداكم الجميل خالص المودة والمحبة والتقدير
أخوكم د هاني أبوالفتوح

اعواد الحروف تنحنى لبريق سردك احتراما لما واجهته من جميل العبارات
دومت بين اخوتك د هانى متميزا

تقبل مرورى

الاستاذ رياض

د هاني

تقبلو مروري

اشكركم من كل قلبي علي مروركم الكريم الذي اسعدني وأثلج صدري والشكر موصول للاستاذ رياض ولكل الأحبة في المنتدي

اهلا بك دكتور هانى ابو الفتوح

و اتمنى تشارك معنا فى المنتدى

و نحظى منك بالراى و الموضوع

و نتشارك سويا فى تبادل الفكرة و الحوار

تقبل تحياتى

اخى الفاضل الأستاذ رياض حفظه الله
لي الشرف ان يكون التواصل بيننا دائم وان اسعد بتوجيهاتكم واشرف بقراءتكم لكتاباتي المتواضعة وارجو من شخصكم الكريم ان يكون لك بعض المتسع من الوقت لتتصفح بعض كتاباتي بديوان نشيج المحابر ديوان العرب والشعر العربي وبوابة الشعراء ولي الشرف ان تجد كتاباتي نافذة بينكم لأسعد وأشرف بتوجيهاتكم الكريمة
المحب دائما
هاني ابوالفتوح

اهلا بك اخى الدكنور هانى أبو الفتوح بيننا

يشرفنى الاطلاع على كل جديد لديكم

لننهل من الشعر المميز

و نرجو أن يحظى المنتدى ببعض منها

لك منى أرق و أسمى التقدير

و أهلا بك بيننا

اخي الكريم الأستاذ رياض
بل الشرف كل الشرف في تواجدي بينكم ويسرنى ان اختص منتدي وجنة الحبيب بكتاتباتي التي ارجوان اكون اهلا لأان تحظي بقراءة اعضاء المنتدي فقط اخبرنى عن كيفية ارسالها لكم ولكم منى جميعا خالص المحبة والمودة والتقدير

بالتوفيق لمزيد من النجاح د.هانى
تقبل مرورى

الاخ الفاضل د/ هانى أبو الفتوح شرفنا وجودك بيننا

و سعدنا كثيرا بك

تقدر حضرتك تقوم بكتابة الموضوعات فى قسم الشعر

و تكون كل قصيده فى موضوع منفصل كما هنا فى الطير اشترى حريته

و يقوم الاعضاء بالتعليق عليها

لك منى وافر الشكر اخى الفاضل على قبول تلك الدعوة

و سنكون فى غايه السعادة و نحن نطلع على ما تكتبه

و ما تختص به منتدى وجنة

شكرا د / هانى

تقبل تحياتى

الاخ الفاضل الاستاذ رياض الموقر
يسعدنى التواصل الدائم معكم وقد وضعت بالفعل اولي القصائد وهى قطر الثورة وان كان الخك الذي عرضت به يحتاج الي اللمسة الفنية منكم حتى نضع القطر علي قضبانه الصحيح للقراء
ولكم تحياتي وتقديري