اتمني المشاركه

الحمد لله رب العالمين اللهم صلي علي سيدنا محمد

كلنا مررنا بتجارب عده

وربما تتختلط المشاعر او تكون زائفه ونحن لانشعر

ماالفرق بين الحب والعطف؟

تحياتي

علية أفضل الصلاة والسلام

خير ما نبدأ به ,, هو
بسم الله الرحمن الرحيم ,, والصلاة والسلام علي أشرف المرسلين

أختي الكريمة " أم مالك "

هناك خيط رفيع بين " الحب ,, والعطف "

هل تعلمين أن الانسان قد يكون شعورة ناحية انسان " عطفاً عليه ,, ثم يتحول هذا العطف الي حب "

ولكن الاختلاف هنا ,, أن الحب لا يمكن أن يتحول الي عطف
مهما صار ومهما كان ,, فـ من يحب انسان لا يمكن ان يكرهه في يوم من الايام

ولأبعد الظروف ,, عندما يتحول الحب احيانا الي عطف ,, لا يقل هنا مقدار الحب

,, دعيني أكلمك بالعامية ,,

ايه المشكلة فـ ان الحبيب يكون عطوف علي حبيبه
شعور جميل اما يكون الحب مع عطف وحنية

ومش العطف بمعني الاشفاق

لو اشفاق يبقي الحبيب هنا اتحول ,, يعني انه يشوف حبيبه بنظره انه صعبان عليه

بس هنا بيكون الاشفاق صعب ف الحب ولا يمكن انه يستمر

نرجع للعطف ,, مثلا لو حصلت بينهم مشكلة ,, وفرد منهم متمسك بالتاني ,, ممكن ان الفرد اللي عاوز يبعد يصعب عليه حبيبه ,, ويقول لأ مش هسيبه دة صعبان عليا

لكن هنا ,, لو شوفتيها بنظرة تانية ,, هتلاقي ان حتي لو انه صعب عليه ,, دة معناه انه بيحبه ,, ومش قادر يسيبه ف حزنه لوحده

ودة عمره ماكان مشكلة ف الحب ,, لأنه لو كان فيه شوية عطف ,, العطف دة مسيرة هيرجع لحب واكبر م اللي كان

ولكن نبعد عنّا وساوس الشيطان اللي بتخلينا نقعد نفكر ونفهم الكلام وتفكير اللي ادامنا بطريقة تانية

اللي عاوزة أوصلهولك " ام مالك " ان الحب لا يخلي من العطف ,,
وان العطف مسيرة يتحول لحب

ويارب أكون أفدتك ,,

تمنياتي ودعواتي لكـِ بحب صافي ,, هادئ ,, خالي من العقبات
وبارك الله لكي

ودي

أختك : ديمو

ديمو

متشكره اوي علي الرد المثمر ده

مشاء الله مااجمله اسلوب

ولو سمحتي ديمو هل الحب انواع

يعني للحل ده قاعده معينه الناس كلها عارفاها وتمشي عليها كلهم زي بعض

الاهتمام بالطرف الاخر والخوف عليه والاشتياق اليه وتمني اللقاء

ولا بيختلف من فرد لااخر وتفكير لااخر

انا اعرف ان ممكن حد يحب واحد جداجدا مثلا لكن ممكن يبعد عنه ويقسو عليه كتير باحترام طبعا

ويكون ده عنده بدافع الحب انه يبعد عنه لكن بيستعد انه يكون معاه طول العمر

وبرضو افهمك اكتر انه بيبعد لان كل المشاعر والاحساسيس الي جواه مش كفايه عنده وعايزها اكبر من كده باللقاء الطبيعي

نرجع لااول السطر تفتكري ده يكون حب حقيقي

او الحب فعلا بيختلف من شخص لا اخر ومن تفكير لاخر

وطبعا التفكير بالطريقه دي احيانا بيولد الخوف دي من وجهه نظري

سعدت بردك الجميل واسردي في هذا الموضوع ان استطعتي

تحياتي

عزيزتي " ام مالك " حيرتيني هنا شوية

ازاي ان واحد بيحب التاني جدا جدا جدا زي ماقولتي ,, ويبعد عنه بدافع الحب ؟؟

ودة اللي قولتيه : انا اعرف ان ممكن حد يحب واحد جداجدا مثلا لكن ممكن يبعد عنه ويقسو عليه كتير باحترام طبعا

ويكون ده عنده بدافع الحب انه يبعد عنه لكن بيستعد انه يكون معاه طول العمر

وبرضو افهمك اكتر انه بيبعد لان كل المشاعر والاحساسيس الي جواه مش كفايه عنده وعايزها اكبر من كده باللقاء الطبيعي

ايه الدافع ف انه يبعد عن اللي بيحبه ,, بحجة انه شايف ان مشاعره واحاسيسه مش كفاية عنده وعايزها اكبر ؟؟

وايه قصدك " بـ اللقاء الطبيعي " ؟؟

ازاي يخلي مشاعره واحاسيسه تكبر ف البُعد عن اللي بيحبه ,, بحجة انه بيبعد عشان مثلاً خايف عليه لا مايقدرش يسعده ,, أو انه مش بيحبه أد ما الطرف التاني مابيحبه ؟؟

(( ودة الطبيعي اللي بنسمعه ,, اما يكون واحد عاوز يبعد عن حبيبه بس بطريقة كويسة ,,

ع اساس انه يريّح ضميره من ناحيته ,, ويقول لأ انا كده ماظلمتوش ,, دنا بعدت عشانه ,, ويفتكر انه بـ كدة سابه بطريقة كويسه ماجرحتوش ,,
وعلي العكس من كده بيبقي سببله جرح اكبر من اللي بيسيب حبيبه بمشكلة مثلا أو بسبب معقول ,,

لكن يقوله انا هبعد عشان بحبك ,, لأ جملة قاسية أوي ,, وفيها أنانية ,,
كدة الانسان دة يقعد يفكر فـ انه ايه اللي عمله عشان حبيبه يفكر بالاسلوب دة ))

المهم هنا " ام مالك " الحديث يطول

لكن الاول ,, احب انك تشرحيلي اكتر عشان اقدر اوصلك المعلومة بالظبط ع حسب سؤالك ,, وماتوهش بعيد عن الموضوع ؟؟

هرجع اقولك تاني ؟؟

ايه قصدك " بـ اللقاء الطبيعي " ؟؟
و ايه الدافع ف انه يبعد عن اللي بيحبه ,, بحجة انه شايف ان مشاعره واحاسيسه مش كفاية عنده وعايزها اكبر ؟؟

وليا عودة بإذن الله ,, واكمل كلامي عن سؤالك علي أنواع الحب ؟؟ وهل انه بيختلف من شخص لآخر ؟؟

ودي

» اتمني
» هل الغايه تبرر الوسيله(اريد المشاركه )
» من فضلكم جميعا اريد المشاركه( اختكم فى الله)
» ازاي تتصرف و انت في الموقف دا؟ارجوا المشاركه من جميع الاعضاء