موش بايدي...
تسكني
قلبي ووريدي...
تقدري تقولي عليه
احتلال...
وان حبك اقوي
من اي احتمال...
وان كل ثوره
جوايا
تحت رجليكي
رمال...
وان عمري
ماهيكونلي
مطالب عندك
ياكل الجمال...
موش بايدي
اني اكونلك
اسير...
واوعدك هفضل
في اسري
وموش هفكر
ابدآ اطير...
متقلقيش
حتي
لو مشيت جيوشك...
هتلاقيني قاعد
بين رموشك...
غمضي
فتحي
عمري ماهفكر احوشك...
حتي
لو تالميني...
موش بايدي
اني حابب
توجعيني...
بس اللي لازم تعرفيه
انك في يوم
هتسمعيني...
ساعتها هتندمي
انك رفضتي
ترجعيني...
وهتعرفي انك
علي قلبي قسيتي...
وانك في لحظه
نسيتي...
اني حبيتك
بكل لحظه عيشتها
وانك النني اللي جوه عيني...
ايه رايك
لو تشتريني...
حتي لو بأبخس
تمن...
وبلاش منه احتلالك
وهكونلك
علي طول الزمن...
اعرضي فيا سعر
حتي ولو كانت
قروش...
واوعدك افضل احبك
ومشاعري عنك موش هااحوش...
بس
اشتريني وجربي...
واوعاكي بيا
تلعبي...
او من مشاعري مره تانيه
تهربي...
هتلاقيني
دوبت فيكي
واوعدك
عمرك معايا
ماهتتعبي...
بس اشتري
وهردلك في يوم من الايام
اللي دفعتيه فيا
من تمن...
من دم قلبي
ومن اللي عندي
من شجن...
صدقيني
انا عندي سلع كتير...
عندي حب...
عندي قلب...
عندي م الاحساس
مخزون وفير...
عندي دموع
تغرقك
انتي وجيوشك...
عندي قلب
يحتويكي انتي وعروشك...
عندي مداين جوه قلبي
انتي لسه محلميتهاش...
بصي بعينيكي
عليها...
او خديها...
موش
هعارضك...
موش هقولك
اني رافضك...
موش هطلب
مساعده...
من دول ليا معاها
معاهده...
عشان تشاركني
الدفاع...
او ترجعلي
اللي ضاع...
وموش هقول
انك ظلمتي...
او حتي
ليا خونتي...
اصلي بحبك
وان قلبك اسرني...
رغم انه
ف يوم هجرني...
واوعي تاخدي كلامي ده
علي انه عتاب...
انا راضي تقفلي عليا
ميت الف باب...
بس
افتح عليا
كل يوم
اشوف عينيكي...
وابوس ايديكي...
واشكرك
انك قدرتي تسجنيني...
بس لو سمحتي
ابقي حطي بوسه
من شفايفك
كل يوم
فوق جبيني...........................
...هذه القصيده من ديواني الثاني والذي يحمل اسم " مع السلامه "
موضوع: احتلال................. 
الأربعاء 9 مارس 2011 - 22:54
