السلام عليكم ورحمة الله وبركاته
اخواني الاعزاء واخواتي الافاضل اعضاء المنتدى المحترمين
في البداية احب اوجه نصيحة لاي حد عايز يتطلع على النصائح انه التعقيب والملاحظات والاسئلة انشاء الله هتاخذ بعين الاعتبار واكيد زي ما بيقول المثل المصري كل شيخ وليه طريقة وعلشان كده انا عارف ومتوقع انه الطريقة او النصائح الي هكتبها اكيد هتفيد ناس وفي نفس الوقت ممكن مش تلاقي استحسان بعض الاخوة وعلشان كده انا حبيتا قول اني مش هزعل ولا اتضايق من أي تعقيب كان فيه نقض للنصائح او الطرق الي هقولها
وعايز انبه انه في المقام الاول الكلام والنصائح والارشادات الي هقولها هي عبارة عن خبرة عملية لمدة سنين مش مجرد كلام نقلته من منتدى تاني مبني على ارشادات نظرية وبس
الطريقة الي هقوم بشرحها هي عبارة عن بعض الخطوات الي من الممكن انها مع الوقت انشاء الله وبسرعة كبيرة مع شيء من الصبر والمحاولة الدائمة وعدم اليأس توصلنا بسرعة للهدف الي احنا عايزينه باذان الله
في البداية عايزكم تطلقوا العنان لأصابعكم على لوحة المفاتيح وما تخافوش من الخطأ في كتابة الأحرف او الكلمات
أولا وقبل كل شيء عايز كل واحد فيكم يعرف انه بيتعامل مع شيء من صنع البشر مش سحر او شيء خارق للطبيعة
وعايزكم تنسوا الطريقة الي بتكتبوا بيها سواء في المنتدى او الشات او أي برنامج محادثة معلش لانه معظم الطرق دي انا عارف انها خاطئة وقائمة على الكتابة بصباع من كل ايد يعني صباعين بس هما الي بيشتغلوا ومستحيل هنوصل للسرعة الي احنا عايزينها غير على الاقل بتمن صوابع من الايدين يعني اربع صوابع من كل ايد
خلاص ماشي اتفقنا ولا في حد عنده اعتراض
وزي ما قلت في البداية انه الطريقة هتعجب ناس وناس مش هيرتاحوا ليها بس صدقوني وبكل صدق الطريقة دي في البداية هتحسوا انها مش عملية او انها مش هي الي بتضوروا عليه ولكن مع الممارسة لمدة ساعة يوميا انشاء الله هيحصل اكتر من حاجة معاكم
اولا الايد او الصبا عالي بنستخدمه في كتابة حرف معين مرة واتين وتلاته وعشرة مع الوقت هيعرف طريق الحرف ده بطريقة لاإرادية واول ما تحب تكتب الحرف ده هتلاقي الصباع بيتوجه لوحده علشان يضغط عليه
ثانيا هتلاقي انه مع الوقت سرعة وصولك للحرف ده بتزيد اكتر واكتر وممكن عادي نبص مرة او اكتر على الحرف الي هندوس عليه علشان نعرف نكتبه لغاية ما نبدأ في الطريقة الصحيحة وهي كتابة الحرف من غير ما نبص ليه
ثالثا وده الاهم لازم تتاكد انك مع الممارسة الصحيحة للطريقة هتوصل باذن الله لسرعة انت كنت بتتمنى انك توصلها
ولازم يكون عندنا هدف قدامنا دايما ونحط هدف اكبر من الي احنا عايزينه
يعني الي عايز يكتب تلاتين كلمة في الدقيقة لازم هدفه يكون اربعين كلمة والي عايز اربعين كلمة هدفه يكون خمسين كلمة ... كده يعني علشان ما يرضاش عن سرعته
ومع عدم الرضا عن السرعة الي انت عليها هتلاقي انه عندك الحافز الاكيد في الوصول لسرعة اعلى من الي انتب تكتب بيها
واكيد الموضوع او قراءتك ليه دلوقتي دليل على انك مش راضي عن السرعة الي انت بتشتغل بيها وعايز تزودها اكتر واكتر
اذن احنا امام اكتر من حاجة اولا التطبيق الصحيح والمثابرة والصبر وثانيا عدم الرضا عن المستوى الحالي أو الي هتوصله فيما بعد
ثالثا التطلع الدائم لزيادة السرعة والثقة بالنفس في انك مع الوقت والتطبيق الصحيح هتقدر توصل انشاء الله للطريقة الي ترضيك وتخليك واثق جدا في امكانياتك الي هتأهلك للعمل انشاء الله في أي مكان تقدم فيه
واشوف السي في (C.v) بتاعكم منور فيه السطر بتاع سرعة الطباعة عالية جدا تصل الى ستين كلمة في الدقيقة
لانه لا هو ده حلم ولا وهم ولا شيء مستحيل
العامل النفسي مهم جدا جدا في الدورة دي وعلشان كده انا بتعمد اني اكتب بعض العبارات المحفزة وسط المعلومات علشان نعرف انه شيء مهم اوي بالنسبة ليا العامل النفسي في استخدام الطريقة الي هنقوم بسردها
وكمان السؤال او الاستفسار منكم اولا ده شيء يسعدني وثانيا هيخليك تتعامل مع البرنامج من غير خوف انشاء الله وتلاقي الي يعطيك نصيحة عملية
مش مجرد كلام تقراه من غير تعقيب وانشاء الله اي استفسار او اي رد هيلاقي الاهتمام الي يوصلنا انشاء الله اننا نقدر نوصل للهدف الرئيسي من الدورة وهو زيادة سرعة الطباعة بشكل سريع وسهل وبخطوات ثابتة
وانشاء الله معاكم لغاية ما تزهقوا مني
اخوكم المتخصص
موضوع: مقدمة وشرح بعض الاساسيات في سرعة الطباعة 
الجمعة 15 أبريل 2011 - 23:04
