قليل البخت

قليل البخت يلاقي الجرح قدامه

ومهما يحايل الدنيا دموعه مصاحبه ايامه

وانا اللي تملي بختي مايل ديما فوق كتافي شايل

يسيب الحزن كل الناس ويختار قلبي دون الناس كانه عايزني وحدي وبس

طب اعمل ايه انا فيا وفي البخت اللي مال بيا وامته زماني بيا يحس

جرحي تملي عايش ويايا همي كانه ضلي جوايا

ولاهتضحك الدنيا دي مره علطول حزني ساكن جوايا

نفسي يادنيا اعمل حاجه ومفيش بايديا ياناس حاجه

ببني الحلم واجري وراه واخدع نفسي بكل سزاجه

كل طريق امشي الاقيه اخرته سد ومر ليه

مش عارف ايه اللي عملته

حاجه غريبه بتحصلي خوف كده جوايا واصلي

ولما بحاول اطمن نفسي مبلقاش غير الجرح قدامي

ايامي بتعدي كده عليا ودموعي مبتسبش عنيا

وافضل اقول لزماني ارحمني خدبالك بئه مني شويه

ليه الفرح مخاصم قلبي حد يقولي انا ايه زنبي

كتر الحزن ياناس علمني ابكي ودموعي اخبي

عمري ماكنت قليل الحيله بس انا بحلم ارتاح ليله

قلبي اتملي علي اخره هموم بئه جواه احزان بالكوم

عايز اصرخ وابكي واقول لا انا كده مظلوم

رغم جراحي اللي بيعيش بيها برضو بكمل وبقضيها

نفسي حبايبي يتباهو بيا واحقق احلامي باديا

واشوف مره نجاحي يادنيا ده انا والله صافي النيه

ليه الدنيا معانده معايا انا من الظلم تعبت كفايا

عايش جوا عذاب ودموع امته يابختي تكون ويايا

انا مش رافض امر الله ده انا بتمني ياخلق رضاه

لكني بفضفض مع روحي احسن مااكتم فيا الاه

قليل البخت يلاقي الجرح قدامه ومهما يحايل الدنيا دموعه مصاحبه ايامه


انا