هل ممكن انك تحب شخص عمرك ما شفته

الحمد لله رب العالمين اللهم صلي علي سيدنا محمد

طبعا انت بتسال السؤال وكل واحد يجاوب بطريقته او علي وضعه هو

انا شخصيا مش لاقيه فرق بين الحب عبر النت او بمعني اخر ان عمري مشوفته او علي الواقع وليه نظريه غريبه شويه ممكن تقول مجنونه الله اعلم لكن واحد عارف نفسه
انا ممكن احب واحد من النت بكلمه واعرف هو ازاي وشخصيته والي اخره بئه اللي كلنا نعرفه وهو احبني خلاص واقتنع بيا ولكن زي ماالحب ف الواقع المفروض اخره الزواج برضو يكون كده ع النت يكون ليه هدف معين مش حب وخلاص

وبعدين انا هكلمه وهشوفه ده جزء والجزء التاني حسن نيته بئه باني اعرف اهله ويعرف اهلي كده في مصدقيه

وعلي فكره يااستاذي الحب من النوع ده عادي جدا ممكن يقابله مشاكل الفرق هنا بئه لانه ع النت حله مشكلته بس بيكون اصعب شويه في كل حاجه في الوقت وطريقه الاقناع او الحل والنتيجه غير مرئيه كمان او ملموسه هنا الصعوبه بتعته

طيب منا ممكن احب واحد ف الواقع ووحده تقولي انه بيكلم وحده تانيه او حد يقولي انه عمل الحاجه كذا او هو يتنرفز عليا بالفعل او لااي سبب ما الحب ده بينتهي والموضوع كله بيخلص ده بيحصل في الواقع وبنحاول نصلح وبعد كده بنتقبل الوضع ايان كان
لكن لو حصل نفس المشاكل دي او اقل منها ع النت هو ده عيبنا بئه بس

خلاص ده خاين وغدار وكذاب وكان بيغشني وبيضحك عليا طيب مهو انتي اللي حبيتي مش الجهاز فاهمني

ده حتي مش بنحاول نحل اي عقبه لاء اسرع حاجه سوء الظن ونشوف البديل بسرعه ونقول اصلنا علي النت

صدقني اللي يعرف الحقيقه هيرتاح مفيش فرق بين الاتنين خالص وزي ما بنحل المشاكل ف الواقع علشان صورتنا قدام الناس الاهم الف مره نحلها حفاظ علي حب نهايته الزواج انا اخترته ومقتنعه بيه لاني انا اللي هعيش والاولي اني احل مشاكله واحافظ عليه

ولكن ده كله بيعتمد علي الاختيار برضو بتكون واضحه ومعروفه يعني مش اروح احب ميدو او توتو وانا عارفه المجتمع اللي هو اتربي فيه وعارفه كلامه ع النت ازاي وهو كمان عايزني اعيش علي وضعه ويقولي هم حاجه وانتي حاجه هو ده التسالي بعينها

انت حبيت وحده ماشي تجردت ليها مش يهمك وحده تانيه وانت عايز ايه تاني مش اقل وحده تحاول تكلمك تجري وراها وتكون دي حياتك علطول ده مثال

السكينه اللي بتدبح لوحدها ولا انا اللي بدبح بيها اكيد انا النت زي اي حاجه حتي في العلاقات والمشاعر ولكن زي مبنعيش في الواقع زي النت

انت لو حبيت حد ف الواقع هتعمل معاه ايه ده هو ده لكن الضمييييير بئه يااستاذي

وهل احببت شخصا لم تراه في حياتك؟

انت سالت وانا هجاوبك عن نفسي ايو

ده حصل معايا وخايفه اقول كلام يكون فتنه لغيري لكن انا غير اي حد واي حد غيري واللي انا حبيته غير اي حد وهكذا يعني الامور مش بتتاخد كده مش بنحكي حواديت يعني

بالنسبه ليا اجمل حب في حياتي وانا مش بركب جمله مفيده ولا بقول قصه فيها عنصر التشويق للقراءه ابدا والله

انا هسيب المنتدي في يوم من الايام وعارفه انا بقول ايه ولو حكيت بالتفصيل وتركت الحكم ليكم مش هكون غلطانه ولا نزوه ولامراهقه ولا تضيع وقت ولا لعب عيال ولا حاجه بدون هدف وفي الاخر ولا مربطوش بالواقع

ابدا من اول لحظه ارتبطت عندي بالواقع باي شكل كان

انسان عادي جدا مكافح وخلوق وابن ناس محترمين وبحبي ليه شوفته احسن الناس واكبرهم لقيت فيه الاب والاخ والحبيب والله

وهو اصدق الناس مش علشان انا حبيت فبقول كده لالا والدليل انه بعيد ومش موجود في حياتي من سنه تقريبا من اول مدخلت النت كده وبرضو جوايا ليه كل احترام وتقدير ربنا يرزقه باافضل مني الف الف مره هو يستاهل كده

وكفايه انه ليه فضل في تغيير الواقع بتاعي واني احس بثقه في نفسي واني مش عاجزه

ومن موضوعك ده ياعلم هو بيدخل وجنه ولا ايه لانه كان يعرف اني فيه

بقوله انت غالي اوي عندي وان شاء الله هنتجمع في الواقع اخ كريم اوي ولازم ادور عليه علشان اقوله شكرااااااااااااااااااا

في النهايه ياستاذي ده راي خاص بيا انا مليش دعوه بحد

متشكره ليك اوي اتحت ليا الفرصه اني اقوله الكلام ده لان مبيربطنيش بيه الا المنتدي من زمان والعنوان فقط

تقبل مشاركتي


SAFE AAASA

السلام عليكم من الصعب جدا تلاقى الحب عالنت بس مش مستحيل وصعب لآنك بتحب شخص من نسيج خيالك انت والحقيقه اما يحصل مقابله بيبقى فيه اختلاف فى الشكل او الشخصيه او طريقه الكلام وبعد كده الموضوع ينتهى مش دايما احد الطريفين بياخد الموضوع جد وبيعلب بمشاعر التانى وانا اتمنى يكون فى دايما مصداقيه فى الكلام وده رأيى

تحيه للجميع
عجبني الموضوع حبيت اقول راييي
انا بقول انوو ممكن تعشق شخص من كلامو من غير ما تشوفو لهيك افضل
تضلك
تعشقو بلا متشوفو
ادا كان في مسافات بينكم
ويمكن تلاقي صوره غير الي بخيالك
ويخف العشق
لهيك الافضل ان تعشقو بلا ما تشوفو

سامعين يا حلوين

تحياتى للجميع بمنتدنا المحترم وجنة ومنتدايا الشخصى الاقرب لقلبى " وجنة " وبعد
بخصوص هذا الموضوع الجميل .. أرى انه من الممكن أن يحث ذلك وذلك بسبب تعريفى لمعنى الحب سابقا فى أكثر من موضوع ويتضمن .. الحب عبارة عن " موقف " يحدث بين شخصين فيعطى لهما الاحساس بالراحة والهدوء والاحترام لبعضهما مما يحدث بعد ذلك نوع من الاعجاب بشخصية كل منهما الاخر ... وهذا التعريف لم اقصد به الحب بين شاب وفتاه وانما لكل الفئات ..

أما عن حكايه انه حب حقيقى ولا مش حقيقى فالأعمال بالنيات ولكل إمرىء ما نوى
يعنى مثلا على سبيل المثال والله على ما اقول شهيد كان يوجد بيننا فى وجنة انسانه قالت كلمة بحبك لأكتر من 5 اعضاء بالمنتدى وفى وقت واحد ههههههههههههههههههههه وطبعا لم تعرف انهم جميعا اصدقاء .. فهل هذا اسمه حب ... هذا اسمه قلة أدب



تقبلوا تحياتى واحترامى

ههههههههههههههههههههههههههههههههههههههه

ههههههههههههههههههههههههههههههههههههههههه والله والله

انا كنت زائر لاني مكسله اكتب الباسورد الاستاذ رياض عاملي رقم بيطفشني بيه فظيع

لكن ردك مكنش ينفع مدخلش يموت من الضحك اقصد الكلمه الاخيره دي

لااكثر من 5 لاحول ولاقوه الا بالله مش نقدر ياموندي نقول انها غلطانه لانها مش حاسه بنفسها بتعمل ايه اصلا يعني عندها خلل

لكن الاكثر من 5 الاصدقاء دول مش حرام عليهم يعملو كده هيستفادوا ايه طيب لان البنت ومن غير معرفها ولا عايزه اعرفها

اكيد تعبانه نفسيا فالمسؤليه مشتركه بين الاتنين

معلش بئه مكنتش اقدر اسكت قدام الرد لانه انا اتخيلته فضحكت عليه

بص يا رياض
بالنسبه للموضوع ده
انا عن نفسي غير مقتنعه بيه
ومع اني اعلم ان الكلام مفعوله زي السحر
بس في مبادئ وعادات وتقاليد بتحكمنا في حياتنا
وفي حاجه تانيه انا مقتنه بيها
ان الحاجه اللي اعملها وانا خايفه حد يشوفي
تبقي غلط
وبعدين ده وهم بيعيشو كتير من الناس علي النت
وفي الاخر ولا حاجه
باااااااااااااااي
game over

ممكن احبه كصديق او اعبره كاخ او اخت اذا وثق به مش مهم اني اشوفه لانو الي بهمني شخصيته مش شكله

اعتقد انه كل واحد زي ما الاخوة الاعضاء ردو ليه وجهة نظر معينة مقتنع بيها

واكيد ما حدش فينا يقدر يحجر على وجهة النظر دي او يقلل منها ولا ليه الحق في كده

احيانا بيحصل ونحب شخص عمرنا ما شوفناه زي ما بيحصل ونتجاهل شخص قريب مننا اوي ونفسه ينال جزء من اهتمامنا

الموضوع مش اكبر من وجهة نظر في المقتنع فيها وفي الي شايف انها مش صحيحة

وفي النهاية وبالنسبة ليا اعتقد انه شيء خاطئ أنه الواحد يحب واحد عمره ما شافه

زي ما كل واحد قال وجهة نظره انا برضو قلتها

شاكر ليك رياض على الموضوع وتقبل مروري