قصيدة : الأمر لله

قصيدة الأمرْ لله .... شعر د / هانى أبو الفتوح

[ندعوك للتسجيل في المنتدى أو التعريف بنفسك لمعاينة هذه الصورة]

الأمرْ لله
العمر مكتوب
والقدر مكتوب
ومهما يكون النصيب
غالب وللا مغلوب
.................
كتير حاجات بتحيرنا
وكتير حاجات بتغيرنا
بس الزمان لو صبرنا
هنلاقي كله
عند القدر محسوب
....................
حكمة الله في الدنيا
إن الحياة دايما فانية
وينتهي العمر في ثانية
مين فينا عاش
ومالهش ذنوب ؟
.......................
لو تسألوني عن رأيي
من غير سؤال أنا مش وياه
ظالم أكيد
وظلمه واقف يستناه
زي العمل الإسود أُدامه
مكتوب على وشه وقفاه
يوم القيامة مفيش مهرب
ولا فيه هناك ريس ولا جاه
لا هتنفعه فلوس الدنيا
ولا العذاب له حبل نجاة
كافي عليه حساب الآخرة
كافي إللي راح وقتها يلقاه
....................
أول سؤال
قول إيه دينك ؟
جبت منين قول ملايينك ؟
عملت إيه قول في الدنيا ؟
وعملت إيه قولي لدينك ؟
يقول ساعتها أنا كنت رئيس
وحاكمها بالعادلي وببوليس
تلاتين سنة .. يا كتر الفقرا
تلاتين سنة .. يا كتر المحابيس
....................

[ندعوك للتسجيل في المنتدى أو التعريف بنفسك لمعاينة هذه الصورة]

بالله قبل ما تحاكموني
هاتوه كمان حاكموه .. إبليس !
كان ليل نهار بيوسوس لي
وساعات كتير بيحذرني
وقبل الفطار بيفطرني
وبعدها أتربس ترابيس
......................
تقولوا .... شمال
وتَعَبْ العِيشَة .. وتَعَبْ عُمَال
وكلام في فلوس وكلام في المال
والشكوى نازلة ليل ونهار
من غلب الحال
..........................
أقول أنا .... يمين
دا كلام خايبين
ناس عطلانة وناس كسلانة
ناس نايمين
ناس عالة .. وناس حاقدة
ناس حاسده
كل إللي عنده يدوب ملايين
.....................
الناس على إيه حاسدينك
وقت الحساب تطلع عينك
لا هتنفعك هنا ملايينك
ولا البطانة إللي تعينك
وحدك هنا من غير حراس
وكلهم مش نافعينك
......................
حساب الآخرة عسير وأَحَدْ
ربك عمره ما سابه لحد
بيحكم بين الناس بالعدل
وياخد حق الناس من بعض
أصعب حاجة حساب الحكم
وسؤال الحاكم وقت الجد
ولو فكرنا نقيم الحد
حساب الله أصعب وأشد
........................

[ندعوك للتسجيل في المنتدى أو التعريف بنفسك لمعاينة هذه الصورة]

الدنيا ياما نشوف فيها
وكل يوم بنشوف عجب
قبل ما تنتهي القصة
اسمعوا كل حكاياته
هاتوا لنا أستاذ فى الأدب
يكتب لنا قصة حياته
منين بدأ و أما انتهى بخيبة وتعب
ويقول لنا عن ذكرياته
وأوامره بالظلم والذل لما تتكتب
ورأيه في كل اللي ماتوا
و مين إللي كان السبب
ربك لوحده المنتقم
جبار على من ظلم
ولكل غالب يوم ولازم ينغلب
العدل ... إسمه
وعدله بميزان من دهب
واللي هيزعل م اللي أقوله
وللا يملاه الغضب
قبل الغضب اصبر واستنى
كل اللي مات له شهيد
في الجنة
فكر وقول .. كلنا هنموت
بس الموته دي
لو ليا أنا ... أنا كنت أتمنى
خلوا الرسول قدوتنا معاه
وإللي جرى يوم فتح مكة
إحنا بشر ما احنا ملايكة
جينا الحياة علشان سبب
ومشينا منها بردو لسبب
ربك قدر .. ربك كتب
ربك عطا .. ربك أخد
ربك يعز .. ربك يذل
سبحانه وحده إللي وهب
سبحانه وحده إللي وهب

شعر د هاني ابوالفتوح
دبي الخميس – 5 مايو 2011

كم هى رائعة كلماتك يا دكتور هانى

الامر لله من قبل و من بعد

لكن ماذا نفعل فى طبيعة البشر الطامعة فى كل شىء

شكرا لك على تلك القصائد الرائعة التى تؤرخ للثورة العظيمة

ننتظر جديدك بكل شغف

و التمس لى العذر فقد كنت مشغولا

لكن ابدا و لن انسى دوما انك مننا و بيننا

لكن منى كل تقدير و تحيه

و سماحا لتأخرى عنك

دومت دوما بخير و صحة

تقبل تحياتى

الامر لله بل الامر كله لله

قصيده جميله جدا دكتور هاني تسلم ايدك

تقبل مروري

صافي كتب:: الامر لله بل الامر كله لله

قصيده جميله جدا دكتور هاني تسلم ايدك

تقبل مروري

أختي الفاضلة شرفني مرورك وأسعدني جزاك الله كل خير وبركة ولله الأمر من قبل ومن بعد سبحانة وتعالى

رياض العربى كتب:: كم هى رائعة كلماتك يا دكتور هانى

الامر لله من قبل و من بعد

لكن ماذا نفعل فى طبيعة البشر الطامعة فى كل شىء

شكرا لك على تلك القصائد الرائعة التى تؤرخ للثورة العظيمة

ننتظر جديدك بكل شغف

و التمس لى العذر فقد كنت مشغولا

لكن ابدا و لن انسى دوما انك مننا و بيننا

لكن منى كل تقدير و تحيه

و سماحا لتأخرى عنك

دومت دوما بخير و صحة

تقبل تحياتى

أعان الله أخي الحبيب وأسعدتني كلماتك الطيبة وحقا الروعة كل الروعة هي إبداعكم أنتم ولمستكم أعانك الله في عملك ويسر لك كل ماتحب وترضى تقبل خالص مودتى وتقديري وإحترامي

» قصيدة عمر قطامش هدىء أعضاءك يا فلو - قصيدة عمروقطامش للمجلس العسكري والفلول
» قصيدة أعجبتني جدًّا في مدح الرسول صلَّى الله عليه وسلم, قصيدة رائعة
» اللهم ياذا الأمر الرشيد
» الأمر بالمعروف والنهي عن المنكر شعيرة غائبة
» "النور" ينفى صلته بـ"الأمر بالمعروف والنهى عن المنكر"