ياتري ايه الحل

بسم الله الرحمن الرحيم

انا بعرض مشكله واقعيه المتني كثيرا لما عرفتها ولو حد عنده حل او راي ياريت يشارك بيه

اخت فاضله كانت متزوجه وانفصلت عن زوجها الاول بعد اشهر قليله من الزواج

وبعدها احبت شخص اخر واحبها ولكن ليس كحبها هيه له وده من كلامها هيه فاكيد صادقه في ده

قالت انها السبب في حاجات كتير بينهم لانها احبته وضحت معاه بتضحيات كتير علشانه وهو طبعا مثل عليها الحب لان ده اتعرف ف النهايه

جابت ليه شقه وفرشتها بالكامل وجابت الشبكه كل حاجه عملتها علشان تكون معاه كان تفكيرها كده حتي انا كنت معجبه بالتفكير ده ولما موضوعها تم بنجاح فرحت ليها جدا

وسافرت السعوديه وراجل سعودي هناك عرض عليها شغل مربح اوي تدير مصنع او حاجه كده زوجها لما عرف منها حجز ليها ونزلها فورا

ونزل بعدها علطول بيعها الشقه وطبعا بعدها بيعها دهبها بالكامل وسكنها بفرشها في اوضه في السطوح

طبعا مفرشتش غير غرفه نومها بس حتي المطبخ فيها من بعد شقه كويسه اوي

وربنا رزقها بطفله منه يعني البنت كانت معاهم وهم مسافرين

البنت الصغيره بتنام في نفس المكان انها اوضه وبتشوف امها وهيه بتضرب وبتتهان وهيه شغلها كويس ف مصر بياخد كل مرتبها بالكامل

الاخت دي جميله جدا والله اتبهدلت طبعا ومتعرفش مصير بنتها ايه لكن للااسف هيه لسه بتحبه

لانها حبته اصلا من الاول وهو محبهاش لكن حب حبها ليه ودي تفرق كتير

وضحت واشترته بكل حاجه رغم انف والدها كمان كانت شايفه السعاده بطريقه التفكير دي

ودلوقتي بيشتمها بابوها وامها واهانات كتير

هيه محتاره ومش عارفه تعمل ايه انا نصيحتي ليها وقولتها انها تنفصل وتوافق علي عرض السعودي وتعمل مستقبل لبنتها

لان الانسان ده ظهر انه مريض نفسيا شافها حاجه كويسه حب يمتلكها وبيستمتع ببهدلتها وهو عارف انها بتحبه

بتقتنع كتير بكلامي ومجرد انه ينظرلها نظره كويسه بس بتنسي كل حاجه

اغرب قصه بصراحه انا عرفتها هيه لما حكت تحس ان الدنيا كلها سودا يعني طريقه تفكيرها وتعمل ده كله علشانه ودي تكون النهايه

لو حد عنده حل يتفضل بيه

شكرا يااستاذ رياض علي الاهتمام والنصيحه دي

هو ده فعلا افضل حل هو عمره ما هيتغير ابدا لان اللي يعرفه من زمان يعرف انه فاشل اصلا لكن الحقيقه دي مكنتش واصله الاخت االلي يضحك بئه ف الموضوع انها الايام دي تعبانه نفسيا لان محصلش حمل تاني منه طبعا وانت بتسمع لها ده غير ان ضغطتك يرتفع من غبائها وسلبيتها حاجه تجنن بجد والله

كتير من الاخوات واولهم انا واخواتي نصحنا بالفراق وتفكر في بنتها ولها مطلق الحريه بئه

مره تانيه متشكره علي الاهتمام