ياهلا بالمنسف

بسم الله الرحمن الرحيم

المنسف دي اكله مش مصريه لكنها بتتعمل برضو المكونات عاديه موجوده

نجيب الارز الهندي وموجود ف السوبر ماركت هنا ونغلي ميه علي النار ونضع الارز فيها ومعاه قرفه صحيحه مش ناعمه وبرضو التوابل الباكستنيه موجوده هنا لو عندك معلقه صغيره منها ولو مش عندك مش مهم معلقه صغيره كركم ومعلقه بهار عادي

يستوي الارزنص سوي هنكون احنا مجهزين لحم ضأن منقوع في زبادي لمده يومان في التلاجه علشان الزبادي بيعمل علي تفتت خلايا اللحم ونخرجها من التلاجه ونضعها علي النار زي ماهيه

علي نار هاديه هتستوي اصلا بسرعه لانها استوت من الزبادي

لكن لما الزبادي هيتحط علي النار مع اللحم هيعطي طعم مزز شوي مالح وهو ده المطلوب

استوت خلاص

نجيب حله تيفال وده الافضل واللي معندوش خلاص حله عاديه وورق حراري لكن تخلي بالك لان اللحم تحت

بس انا مضمنش حكايه الورق الحراري بصراحه مجربتهاش لكن تجربه بئه

نحط اللحم زي ماهو في الحله من تحت بباقي الزبادي زي ماهو

نضيف عليه الارز نص سوا

نضع مقدار شوربه تكون دسمه شوي ونلاحظ ان الارز نص سوا يعني الشوربه تكون بسيطه

وبعد السوا عادي نقلب الحله كلها في طبق تقديم واسع علشان تكون اللحم فوق الارز

نحمر كوب كبير من الصنوبر في زيت زيتوناو زيت دره براحتك برضو

ونضع الصنوبر علي الوجهه كده بنظام

في تشابهه كبير بين المنسف والكبسه السعودي اعتبريها وحده

وبكده تكون جهزت خالص

معلش لما تحطي بئه جمب الاكله دي فراخ وحمام ومعرفش ايه وتتدبحي عيل من العيال والحاجات اللي بنشوفها دي بلدي شوي

الطبق ده جمبه حاجه وحده بس

أطباق زبادي بارد فقط لاغير

واتمني الاخوات يجربوها ويدعوليودي طريقه بسيطه وسهله في اعقد منها