بسم الله الرحمن الرحيم
الشعب المصري كله عارف المومبار واكله مفيهاش مكونات ولا شيئ ناس بتحبها وناس لاء
لكن ده مومبار وفوقه بوسه ياجماعه علشان ناس غالين عندي بيحبوه
بنشتري المومبار نضيف
نضيف ايه ياعم نضف تاني وتالت نغسله عادي مره واتنين وبعد كده نضعه في حله وعليه كوب خل كبير كوب ملح ناعم نص كوب دقيق ليمون زي ماانتي عايزه قولي نص كوب عصير ليمون
ويترك اقل حاجه ساعه مع نفسه كده
بعد كده نفرد كل واحد وبالسكنينه ننضفها كويس هنلاقي التنضيف سهل جدا ومن اول مره
نغسله بئه ازاي نجيب بدايه المومبار ونحطها في حنفيه المطبخ ونملها ميه ونقلب علطول كده هتغسليها كويس واسرع وتقلبيها بسرعه
والحشو بتاعها بسيط جدا شويه ارز بقدونس شبت كزبره فلفل اخضر وتوم كوب صلصه وبصله وبهار وهتكوني قطعتي المومبار قطع صغيره وتحشيها عادي
تكوني جهزتي ميه مغليه وفيها بصل وبهار وكتييييييييييييييييييييييييييييير من الهيل او الحبهان
وخلي بالك من كتير وتستوي عادي وتتحمر
وبالف هنا للناس اللي بتحبها
حاجه بسيطه عايزه اقولها المطبخ ده عالم كبير اوي والعلم فيه لاينتهي ابدا مهما عملتي
وعلشان تكوني شيف صح تتعلمي من ازاي تعملي البيض لحد مالا نهايه
والاكلات الشعبيه كمان هيه اللي بتظهرك اذا كنتي طهايه ام لاء
لنفترض الحبايب عايزين ياكلو اكله انتي مش حباها ولكن لازم تتعلميها علشان اولا ده شغلك انتي وعلشان ترضي حبايبك
ههههههههههههههههههههه
شيئ للاامانه
المومبار لو متعملش بدقه وبنضافه كبييييييره اوي
احذر البرورسلا
ده نوع من انواع الحمي عند الماشيه بتنتقل عن طريق اللحم واللبن مثلا لحم مريض بيها او لبن فيه الميكروب ده
وطبعا بطن الماشيه المريضه فيها الميكروب ده
والجزار عديم الضمير مش هيقولك ده من ماشيه مريضه انا مش عايزه اقول بلاش الاكل ده
النضافه الشديده طبعا كل شيئ بيكون تمام
اي خدمه
موضوع: مومبار وفوقه بوسه 
الأربعاء 27 يوليو 2011 - 14:30
