نكتة جامدة اخر حاجة

صعيدى اشترى بى ام دبليو بمواصفات خاصه فيها الكمبيوتر بيصلح كل شىء من غير م.يروح التوكيل ! حب الصعيدى يجربها فكسر الباب اللى ع.اليمين فرد الكمبيوتر: يا ايها الباب ارجع كما كنت . فرجع الباب وكسر الباب اللى ع.الشمال فرد الكمبيوتر : يا ايها الباب ارجع كما كنت !!! عجبته الحكايه .... قام جربها وطار من فوق الكوبرى !! فرد الكمبيوتر : { يا أيتها النفس المطمئنه ارجعى الى ربك راضية مرضيه }

نكته جامده اخر حاجه



هيه فعلا اخر الاخر كمان



احنا بنضحك وكل شيئ نقول راجل فلان ست صفه معينه بخيل او غيره



لكن نتكلم علي ناس معينه بلد معينه يعني ده حراااااااام ولايجوز شرعا والكلام ده علي لسان فضيله الشيخ محمد حسان



انك تقول واحد صعيدي او واحد منوفي اوغيره كلهم هياخدوا حقهم يوم القيامه منك



انا اعرف انك متقصدش لكن انا وضحت شيئ انا اعرفه من المشايخ وده راي الدين في النكته الجامده بتعتك



ومفيش بعده راي



اضيف حاجه بسيطه ياحبرا باشا الصعايده مالهم أحسن ناس والله والنكته بتعتك رخمه ومتزعلش مني



ومعذره علي الاسلوب

شكرا علي المرور صافي



بس بيتهيالي ان الموضوع كلة تهريج وكل واحد حر

انت حرة في رايك سواء كانت حلوة او وحشة

بس انا شفتها حلوة وانا حر انا كمان



وان كان علي الصعايدة او غيرهم انا مش بعيب في فئة معينة

الصعايدة طبعا كويسين جدا وكتير منهم اصحابي من ايام ما كنت شغال بالغردقة ولسة اصحاب الي الان















ملحوظة تانية



واحد صعيدي اللي قالي النكتة دي علي فكرة واحنا بنهرج سوا

منا عارفه ان الموضوع كله تهريج



وانا في راي قولت ان انت متقصدش



لكن الشيخ برضو كان بيتكلم علي النكت وعارف انها تهريج



عموما انا بلغت حاجه اعرفها



لكن لما نقول الدين مينفعش نقول احنا احرار



وكل عام وانت بخير

انا لما تكلمت علي الحرية اننا احرار كنت بتكلم علي رايك في النكتة انها حلوة او وحشة مبقولش احرار علي الدين





ومرة تانية شكرا علي المرور والحمد لله انا اعرف ديني كويس واعرف الحلال والحرام واعتقد

ان لا انا ولا انت ملتزمين اوي لدرجة الصوفية او السلفية

انت شكرتني علي المرور وانتهينا



عجبك طريقه ردي او معجبتكش برضو براحتك



مسأله التزامي دي متخصش حد



اتكلم علي نفسك انت



وياريت الحوار ينتهي بانك متتكلمش عني لاالتزام ولا حاجه تانيه

مش بمزاجك انت ان الحوار ينتهي او يكمل زي ما انت بتتكلمي وبتقولي رايك من حقي انا كمان اقول رايي

وزي ما سمحت لنفسك في البداية تتكلمي معايا بالطريقة دي يبقي بردو تسمحي لنفسك ان تسمعي للاخر

اتفضل ياحبرا قول اللي انت عايزه



هسمعك طبعا



وكل عام وانتم بخير

معلش ان كنت عدائي شوية في ردي بس انا مقصدش اساءة ليكي ولا لاي حد بموضوع الالتزام انا كنت واخد الموضوع تهريج لاخر لحظة

بس جيت في الاخر وعصبت شوية

معلش مرة تانية علي سوء التفاهم واحنا في الاول والاخر اخوات ولا يسعني الا شكرك وتقبلي تحياتي

وكل عام وانت بخير