حبك ...كلام

حبك كلام..

هوه انت ليه.. حبك كلام..

حلو وهوا.. بيطير قوام..

تقوله.. يسحربالغرام..

وفى الحقيقه.. حلم ف منام..

يبهر كلامك ..زى شاعر..

وتصحى بيه.. كل المشاعر..

القلب يخضعلك ياساحر..

اتاريك خيال ومالكش آخر..

توصف وماتريحش حد..

تتعب مشاعر اى حد..

وتلاقى ناس تعشق بجد..

يطلع غرامك.. كله صد..

حبك غرام.. يدوب قصاده قلب الحجر..

بيقول كلام.. تغريد بلابل ع الشجر..

يروى العطش..زى المطر.

كأنه شوق.. غربة سفر..

ينطق معاه حتى الصخر..

كنت اعمل ايه.. وانا بشر..

من كلمتين..بقيت خبر..

وانت قادر..لك فى اى شعور جواب..

انت شاطر.. ف الهوى.. انت الكتاب..

عارف كل نقاط الضعف..

امتى تكون حنيه وعطف..

امتى تسهى وتخطف خطف..

وتهدد ماتقول ولا حرف..

واما تحب ذليل يهواك..

كلمة احبك تطلع الف..

استاذ غرام..

عاشق مادام..

آخرك.. سلام..

وحبك كلام

» كلام فى كلام
» مجرد كلام
» كلام في الحب
» كلام ممنوع ..... لكن من ذهب
» كلام من دهب لكن بالصور