كرسى الاعتراف مع عمر عبد الرحمن

وانت طيب يارياض وكل الاعضاء بخير وسعاده


نورت يا عمر كرسى الاعتراف

وحمد لله على سلمتك

مصر نورت

ربنا يسلمكم يارب وتحت امركم
ومستعد لاي اسئله مهما كانت
من خطوط حمر
ومن غير اي زعل

اي سؤال هجاوب عليه بكل صراحه

كل عام وانتم بخير

السلام عليكم ورحمه الله وبركاته
اهلا بيك يا عمر نورت كرسي الاعتراف
كل سنه وانت طيب والى الله اقرب يارب
اتمنى مش اتقل عليك باسئلتي
بس حابه اعرف واتعمق اكتر فى شخصيه عمر عبد الرحمن ومش انا لوحدى اكيد كل الاعضاء حابيبن يعرفوك اكتر واكتر
بس اتمنى بكل صرااااااااحه ووضوح زي ما انت متعوده على رد ورائ عمر
وليك الحق فى عدم الرد والاجابه على اى سؤال
بسم الله نبدا الاسئله
اولا
من انت؟؟؟؟؟؟؟؟؟؟
او
من هو عمر عبد الرحمن؟؟؟؟؟؟؟؟؟؟؟
بمعنى
اسمك
سنك
مؤهلك
هواياتك؟

شخصيتك(عنيد.طيب.حنون.متسرع.غيور.صريح.فضولي.شرس فى بعض الاحيان.متناقض)اختار بقي ولو في حاجه مش فيهم ياريت نعرفها
ياريت تقولنا ولو بملخص سريع حياتك
ايام الطفوله
و
وايام المراهقه
ايام الشباب؟
ما احب ايام عشتها؟
ما اصعب ايام مرت عليك؟
ماذا يعنى لك
الحب؟
الرومانسيه؟
الهدوء؟
الجمال؟
القمر؟
الشمس؟
الصدق؟
الحريه؟
الكذب؟
ولماذا الكذب بقي السلعه الساااااااااائده فى مجتمعنا؟
وما رايك فى الديمقراطيه ؟
وهل فعلا لكل مصري له الحق فى رائيه بصراحه وشجاعه؟
ايهما تحب الشروق ام الغروب؟ ولماذا؟
شئ فعلته وندمت عليه؟
اكتر يوم بكيت فيه بشده؟
اسعد لحظه فى حياتك؟
ما هى احب واقوى شخصيه ليك؟
ما رايك فى شباب وبنات هذا الجيل؟؟؟؟
ما رايك فى الحياه؟
ما هى احلامك الشخصيه؟
وما هى احلامك تجاه بلدك؟
واحلامك تجاه دينك؟
ما هى نقظه ضعفك؟
لمن تعطي نفسك؟
منى تشعر بالحزن ؟
متى تشعر بالسعاده؟
من وجهه نظرك فيما تحب المراءه فى الرجل؟
وفيما يحب الرجل فى المرءاه؟
ومن وجهه نظرك الخيانه فى الرجل ام المراءه؟
صفه فيك وكنت تتمنى ان لا تكون فيك؟
صفه ليست بك وكنت تتمنى ان تكون فيك؟
ما رايك فى الصداقه؟
ما رايك فى النت ؟
هل منافعه اكتر من اضراره ام العكس ام مااااااااااذا؟
هل دخولك عالم النت والفيس بوك غير من عمر عبد الرحمن ؟
وماذا اعطاك عالم النت؟
وهل لو رجعك بك الزمان كنت تفضل انت تقود هذا التجربه بدخولك عالم ملئ بالاشخاص والمنتديات والمواقع والافكار الله اعلم خاطئه ام صحيحه
ام كنت تفضل عدم الدخول فى هذا العالم نهائيا؟
وما رايك فى منتدى وجنه؟
ما رايك فى رياض العربي؟
العرايشي؟
حمودي؟
عمر صلاح؟
احزان؟
قمرايه؟
الامير؟
بطوطه؟
مشموشي؟
الااااااااااااء؟
وجنه؟
موندي؟
منونه؟
ساره؟
قول بصراااااحه مش هزعل ههههه
البرنسيسه؟
برديس؟
مش عايزه انسي حد لو نسيت حد انا اسفه بجد دول اللى فى دماغي دلوقتى
واخيراااا وليس اخرا
ما رايك فى عمر عبد الرحمن؟
قول بصراحه هل انت راضي عن نفسك؟؟
مين الشخص اللى تحب تقدمه برقيه اعتذار عن اى شئ يزعل صدر منك؟
مين هنا من المنتدى تعرفه شخصيا بره المنتدى؟
ما رايك فى الحب من خلال الانترنت؟
وما رايك فى الصداقه بين الشاب والبنت سواء علىالنت او الجامعه او فى العمل؟
وما رايك فى عمل المرءاه بما اننا فى زمن البنت زى الولد زي ما بيقولوا ؟
ايهما تفضل العمل داخل مصر ولو بمرتب متوسط مع ابقائك مع اهلك وعائلتك واصحابك وبلدك والشعور بالامان ام العمل خارج مصر بمرتب كويس جدا والشغور بالوحده والغربه؟
متى تشعر برضا الله عليك؟
من خلال سفرك وتعايشك مع دول الغرب
ماذا تعلمت منهم؟
انا عارفه طبعا انهم متقدمين علينا احنا كشعب مصري افتصاديا وعلميا بس اعتقد اننا باسلامنا وعلمنا وتفوقنا فى تعليمنا وحياتنا الاسلاميه وباننا بنتقي الله فى كل شئ اكيد هنقدر نتفوق عليهم بمراحل ؟
انت ايه اريك؟؟؟؟؟

انتهت الاسئله يا عمر
انا عارفه ومتاكده انى زهقتك وطوووووولت عليك جدا بس بجد انا والله مش كان فى دماغي كل الاسئله دى قبل ما اكتب بس لاقيت نفسي السؤال بيجر التانى وهكذا
طبعا ليك الحق انك مش ترد على اى سؤال
كل سنه وانت طيب اخى الكريم

بسم الله ما شاء الله
دول بس ياساره
تحت امرك هجاوب والله بكل صراحه علي مااعلم
بسم الله نبدا الاسئله
اولا

من انت؟؟؟؟؟؟؟؟؟؟
او
من هو عمر عبد الرحمن؟؟؟؟؟؟؟؟؟؟
اولا انا بكل بساطه انسان كان عندي احلام كتير جدااااااااااااااااا
وطموحات ملهاش نهايه
عملت كتير وتعبت كتير وضحيت كتيررررر وياما جيت علي نفسي
وفي النهايه مش حققت اي حاجه والحمدلله
من ايام الدرسه وتحكم المدرسين فينا وانا مش راضي علي كده
كنت اقول لنفسي اتحمل بس اخلص الدراسه واكون حر نفسي ومش هكون مغصوب علي حاجه
دخلت الجيش لقيت نفس التحكم والاستبداد وانا مش راضي علي كده
برضو قولت لنفسي اتحمل هي فتره الجيش وبعد كده هكون حر نفسي ومش هسمح لحد يتحكم فيا
خرجت للدنبا والشغل لقيته هو هو تحكم في النفس ومش راضي برضو علي نفسي
برضو بقول اتحمل علشان عايز اتجوز وبعد كده مش هسمح لحد يتحكم فيا
واتجوزت وربنا رزقنا بالبنات
خلتني اتحمل اكتر واكتر حاجات مش راضي عنها
واقول علشان اكل العيش
يعني حياتي كلها ماشيه في اتجاه انا مش راضي عنه خالص
انا مش حاجه ولا عمري هكون حاجه
زي الغريق في بحر والامواج هي اللي بتحركه
وربنا يرسينا ان شاء الله في جنه النعيم
ا
سمك
عمر سعد صالح عبدالرحمن
سنك
35
مؤهلك
دبلوم صناعي
هواياتك؟
الجري صباحا


شخصيتك(عنيد.طيب.حنون.متسرع.غيور.صريح.فضولي.شرس فى بعض الاحيان.متناقض)اختار بقي ولو في حاجه مش فيهم ياريت نعرفها
ياريت تقولنا ولو بملخص سريع حياتك

متناقض جدااااااااااااااااااااااا
ومنافق لاني بعمل حاجات كتير مش راضي عنها ولا هي اللي في قلبي
ايام الطفوله
اخواتي قال اني اكتر واحد ادلعت فيهم
وكانت طلباتي اوامر لهم والله اعلم
و
وايام المراهقه

كنت بحب بنت من ابتدائي لحد الثانوي ولسه لحد النهارده مش قولت لها ولا كلمتها اصلا
ايام الشباب؟
كنت لاعب كره كويس جدااااااااا
وعندي صور وجوايز كتير من دورات كتير احسن لاعب

ما احب ايام عشتها

بعد نزولي من اليونان اول اجازه بعد غياب سنتين ونص مره واحده
كنت راجع واشتريت بيت وارض

ما اصعب ايام مرت عليك؟
اول سنه بعد الزواج
كنت مش لاقي اكل شوفت ايام سوده

ماذا يعنى لك

الحب؟
مش موجود اليومين دول علي الاقل معايا
الرومانسيه؟
مش اعرفها
الهدوء؟
بحبه جدااا
الجمال؟
اعشقه
القمر؟
لي زكريات معاه شافني كتير وانا ببكي
الشمس؟
صديقتي طول النهار في الشغل
الصدق؟
بيزعل مني كتير
الحريه؟
مش اعرفها
الكذب؟
بحتاجه كتير علشان اكل العيش برضو

ولماذا الكذب بقي السلعه الساااااااااائده فى مجتمعنا؟
لان فيه ناس كتير مش بتصدق الصراحه ويصدقو الكدب

وما رايك فى الديمقراطيه ؟
احنا العرب مش هنشوفها في حياتنا
بس انا عشت فيها كتير في اليونان وفرنسا
وكنت انا غريب واخد حقي زي ابن البلد مفيش تفرقه ولاكوسه

وهل فعلا لكل مصري له الحق فى رائيه بصراحه وشجاعه؟
هههههههههه
فكرتني باللمبي
بيقول عند امك ياادهم
او عند ام ترتر
وام الللي
حق ايه وراي ايه ياختي

ايهما تحب الشروق ام الغروب؟ ولماذا

الشروق طبعا بكون رايح الشغل نشيط ومبتسم للحياه
الغروب بكون مش قادر اتحرك

شئ فعلته وندمت عليه؟
سفري فرنسا
اكتر يوم بكيت فيه بشده؟
وفاه صديقي خالد

اسعد لحظه فى حياتك؟
الصراحه كتير طول ماانا قريب لاهلي بكون سعيد جداااااااا

ما هى احب واقوى شخصيه ليك؟
ابويا ربنا يخليه لنا يارب

ما رايك فى شباب وبنات هذا الجيل؟؟؟؟

مش عارف؟

ما هى احلامك الشخصيه؟

اكون ديما صمام الامان لاخواتي واهلي
واقدر اساعدهم لو احتاجو لي
واني اجوز بناتي وبنات اخواتي عندنا تسع بنات
ههههههههههههههه

وما هى احلامك تجاه بلدك؟
اولا انها تكون بلد الاول
وتكون مستقله من الاستعمار

واحلامك تجاه دينك؟
بحلم بالخلافه الاسلاميه

ما هى نقظه ضعفك؟
مش عارف
لمن تعطي نفسك؟
لابويا

منى تشعر بالحزن ؟

لما اسمع الاخبار
متى تشعر بالسعاده؟
وانا بين اهلي


من وجهه نظرك فيما تحب المراءه فى الرجل؟
الامان

وفيما يحب الرجل فى المرءاه؟
الاخلاص

ومن وجهه نظرك الخيانه فى الرجل ام المراءه؟
الاتنين بس عند الراجل اكتر

صفه فيك وكنت تتمنى ان لا تكون فيك؟
النفاق
صفه ليست بك وكنت تتمنى ان تكون فيك؟
الصدق الجرأءه

ما رايك فى الصداقه؟
اجمل شيئ عندي

ما رايك فى النت ؟
انا كنت كويس قبل مااعرفه

هل منافعه اكتر من اضراره ام العكس ام مااااااااااذا؟
هو كله ضرر الصراحه علي الاقل الوقت اللي بيضيع فيه

هل دخولك عالم النت والفيس بوك غير من عمر عبد الرحمن ؟
غير كل حاجه للاسوء طبعا
كنت في اجازتي بين اهلي وصله الرحم
انا كنت بكنس الشارع بتاعنا كلها هههههههههههه
وكنت امشي في البلد اشوف اي حاجه غلط
واروح اعمل شكوي
واوراق وكنت لازم اغير الغلط
دلوقتي ع النت وبس

وماذا اعطاك عالم النت؟
ولا اي حاجه غير اصدقاء تعد علي الصوابع كان ممكن اقابلهم في الوقع
وهل لو رجعك بك الزمان كنت تفضل انت تقود هذا التجربه بدخولك عالم ملئ بالاشخاص والمنتديات والمواقع والافكار الله اعلم خاطئه ام صحيحه
ام كنت تفضل عدم الدخول فى هذا العالم نهائيا؟
شوفي انا كمبيوتر لو باظ مش هصلحو تاني
طبعالو رجع الزمن مش هدخل النت تاني ولو قدرت اني اخرج منه هخرج بس للاسف اتعودت عليه

وما رايك فى منتدى وجنه؟
مش اعرف غيره رغم اني مشرف في منتدي تاني
بس هناك زحمه اوي وكل ماادخله احس اني غريب
اشوف اسماء مختلفه واراء مختلفه
وجنه فيه الروح الاسريه

ما رايك فى رياض العربي؟
الغالي طبعا رغم فيه حاجات كده مش فاهمه

العرايشي؟
لا يختلف عليه اتنين
مثقف ومحترم واخ لكل المنتدي

حمودي؟
لا تعليق

عمر صلاح؟
مثقف وصاحب اسلوب مقنع


احزان؟
اخت ولها جهد ملحوظ جدااا
وبحب اتابع مواضعها

قمرايه؟
روحها جميله ومتفاهمه جداااا

الامير؟
لا تعليق

بطوطه؟
مش عارف الصراحه

مشموشي؟
بتغيب كتير بحب ردودها جداا

الااااااااااااء؟
الاء بالنسبه لي نص المنتدي لما بندخل مع بعض في موضوع بحس انها داخله للعند وخلاص لو انا قولت يمين هيتقول شمال
بس في الاخر احنا اخوات لها مني الاحترام والتقدير

وجنه؟
فاكهه المندي

موندي؟
شاعر ومبدع

منونه؟
الطفله الجميله

ساره؟
قول بصراااااحه مش هزعل ههههه
ساره بقي غنيه عن التعريف فهي اخت صاحبه المواضيع والردود الجمبله
والاسئله الكتيره
هههههههههههههههه
مرحه وجاده

البرنسيسه؟
تربطني بها صداقه قويه جداا


برديس؟
من اعمده المنتدي الدكتوره المتألقه ديما
وفي حديث بيني وبنها قالت لي انت انسان مريض وقفلت في وشي
ههههههههههههههههه
طبعا لاني كنت مش مؤيد رأيهاا


قول بصراحه هل انت راضي عن نفسك؟؟

طبعا لاء مش راضي عن نفسي

مين الشخص اللى تحب تقدمه برقيه اعتذار عن اى شئ يزعل صدر منك؟
ابويا وامي

مين هنا من المنتدى تعرفه شخصيا بره المنتدى؟
حبيبه والمرحومه نعمه
هههههههههههه

ما رايك فى الحب من خلال الانترنت؟
مش عارف

وما رايك فى الصداقه بين الشاب والبنت سواء علىالنت او الجامعه او فى العمل

اكيد غلط بس انا لي صدقات كتيرررررررررررر
مع بنات من النت ومن الشغل وجيراني في اليونان

وما رايك فى عمل المرءاه بما اننا فى زمن البنت زى الولد زي ما بيقولوا ؟
لالالالالالالالالالالالالا
مهما كان لااحب عمل المرأء

ايهما تفضل العمل داخل مصر ولو بمرتب متوسط مع ابقائك مع اهلك وعائلتك واصحابك وبلدك والشعور بالامان ام العمل خارج مصر بمرتب كويس جدا والشغور بالوحده والغربه؟
الشعور بالامن والامان ده موجود خارج مصر اكتر منها
المرتب البسيط ده مش هيكفي خصوصا بعد ما اتعودنا علي حياه معينه
الشعور بالوحده والغربه ارحم من الشعور بالعجز علي توفير متطلبات الحياه

متى تشعر برضا الله عليك؟
رضي ابويا وامي ودعائهم لنا باستمرار

من خلال سفرك وتعايشك مع دول الغرب
ماذا تعلمت منهم

النظام ولديمقراطيه
واوقات العمل مقدسه
وعدم اختلاط الامور العمل عمل والترفيه ترفيه
اوقات الراحه معروفه للجميع
يعني كل حاجه لها قيمه هناك خصوصا الوقت
الدقيقه لها تمن
انا عارفه طبعا انهم متقدمين علينا احنا كشعب مصري افتصاديا وعلميا بس اعتقد اننا باسلامنا وعلمنا وتفوقنا فى تعليمنا وحياتنا الاسلاميه وباننا بنتقي الله فى كل شئ اكيد هنقدر نتفوق عليهم بمراحل ؟
انت ايه اريك؟؟؟؟؟
اكيد كلامك صح بس هنقول لمين


انتهت الاسئله يا عمر
انا عارفه ومتاكده انى زهقتك وطوووووولت عليك جدا بس بجد انا والله مش كان فى دماغي كل الاسئله دى قبل ما اكتب بس لاقيت نفسي السؤال بيجر التانى وهكذا
طبعا ليك الحق انك مش ترد على اى سؤال
كل سنه وانت طيب اخى الكريم

ولا طولتي ولا حاجه بس ام مياده هتدعي عليكي
ههههههههههههههههههههههههه
من بعد صلاه الفجر لحد دلوقتي 7 15
وانا بجاوب
هههههههههههههههههههههههههههههه
كل سنه وانتي بخير
وربنا يبارك فيكي
اختي ساره
ومستعد تاني لو عندك اي اسئله
ماانا جاي الاجازه ليكم بس
مفيش عندي عيال ولا اهل ولا اصحاب
هههههههههههههههههههههههههههههههههه
كل عام وانتم بخير

في يوما وبين نحن نتصفح منتدانا نشارك فيه
وكل يوم وكل دقيقه يسجل معنا اعضاء جدد
وكان هذا من بينهم وبالتحديد شاركنا من يوم
15\2\2010
كان يوم جميل
هبت نسيم الفرحه على المنتدى
رقصت اشجار المنتدى
مرحبه به ومهلله بقدومه
طل علينا وفرض وجوده بيننا بكل قوة وثقه
وثقنا به .... فلم يخيب ظننا ... ونتمنى ان يبقى على ذلك
كسب محبة الاعضاء ...ومشرفي ... واداري المنتدى
تميز بروعة اسلوبه ...ودقة ردوده ... وفعالية مواضيعه
رزانه في كلامه .... يملك روح التفاهم ..والمرح يجمعهما
حتى لا يطغى جانب على اخر

ارحب بالاخ الغالى
عمر
بس برحب ولى عودة بالاسئله انتظر واستعد

هههههههههههههههههههه
قمرايه دي
ولاهاله سرحان ياخواتي
متشكر علي المقدمه الجميله علشان مفيش فيها اي صفه مني

اما ساره بركاتك
والله نمت مع العيال النهارده
اتعلمت هبقي اجاوب بالنهار
ههههههههههههههههههههههه
ولسه مستني اسلئلتك ياساره
وربنا يبعد اللي في بالي عني الاسبوع ده

والله يا عمر دا رايى وانت حر فى نفسك عموما مش هتهرب من الاسئله وهتجاوب
ما هو شعورك وانت على كرسي الاعتراف؟
كيف ترى منتدى وجنه ؟
هل هدفك من التسجيل بالمنتدى مجرد المشاركه ام من اجل الفائدة والاستفاده ؟
هل يوجد هدف ثانوي لدخولك للمنتدى وهل حققت منه شي؟
هل انت جرئ بما يكفي لجعلك تبوح باي شي ؟
كيف ترى الذين يتخذون من الجرأة سلاح لاهانة الاخرين ؟
ماهي الكلمة التي تحضرك الان في باللك ؟ وانا اطرح اليك هذه الاسئله بكل صدق وامانه ؟
كلمة شكر لمن تقدمها ؟
ماذا تعنى لك هذه الكلمات

الصدق
الكذب
الخيانه
الوفاء
البحر
الشمس
اللؤلؤ
الغلاء
من هو الكاتب او الكتاب الذي تفضله ولماذا؟
من هو قدوتك في الحياة ؟
ماهي الحكمة التي ترتكز عليها؟
ماهو طموحك في الحياة؟
ماهو الحيوان المحبب لي قلبك ولماذا ؟
ماهو السؤال الذي تحب ان تسأل عنه ولماذا؟
هذا كل مالدى واشكرك بعتذر عن الاطالة

ربنا يبارك فيكي قمرايه
ان شاء الله هجاوب اول مايرجع حسابي تاني
وهاتي كل الاسئله اللي عندك مش تبخلي عليا

عمرعبدالرحمن

والله يا عمر دا رايى وانت حر فى نفسك عموما مش هتهرب من الاسئله وهتجاوب

ماشي مش ههرب وهجاوب بس هاتي كل اللي عندك
لسه بنا طار بتاع نعمه ههههههههههههه


اما هو شعورك وانت على كرسي الاعتراف؟

عادي لان دي تالت مره لي يعني اتعودت عليه


كيف ترى منتدى وجنه ؟

منتدي وجنه من الداخل جميل جداااا واسري جدااا
انما علي اميلات الاعضاء فيه ظلم لناس
وسوء تفاهم ومشكله الشباب والبنات اللي لسه موجوده
في مجتماعاتنا اللي التعارف والافلام دي
بس اقسم برب العزه انا مالي فيها
الحمدلله رب العالمين مش محتاج ولو احتجت فيه بدائل مستورده
هههههههه

هل هدفك من التسجيل بالمنتدى مجرد المشاركه ام من اجل الفائدة والاستفاده ؟

اقولك انا
ان عندي كل تجاربي في الحياه ومشاكلي وظروفي
بمعني ان المنتديات مش فادتني بحاجه لاني مش عندي الاستجابه لاي حاجه
عندي مفاهيمي مش بتتغير صح او غلط
مش بتتغير وده شيئ غير ارادي
انما الفايده هي اني بعرف الناس بتفكر ازاي
والشباب بتتعامل ازاي مع بعض
انا كل حياتي وسط ناس صنيعيه حتي الاجانب منهم
كلامنا كله عن الشغل ومشاكله والظروف الماديه والمشاكل اليوميه
يوم ما نتكلم في السياسه لما يكون فيه حادث او حرب او حاجه كبيره حصلت
انما كلامنا في الدين يمكن بصفه يوميه نتكلم علي عادات وتقاليد ودخل الدين فيا

هل يوجد هدف ثانوي لدخولك للمنتدى وهل حققت منه شي؟

الصراحه مفيش هدف محدد غير اني بشوف الناس عايشه ازاي
وبتفكر ازاي


هل انت جرئ بما يكفي لجعلك تبوح باي شي ؟

سؤالك ده بصفه عامه
ولا موجه لي انا
المهم لو لي انا علشان معرفتك بي او سمعتي حاجه عني
انا فعلااا مش كويس ودي مشكله عندي كتير بقول كلام وانفعل جدااا
وبخسر ناس وياما خسرت شغل وعلاقات علشان بتكلم ومش بسكت
ربنا يطهرنا من عيوبنا جميعا


كيف ترى الذين يتخذون من الجرأة سلاح لاهانة الاخرين ؟

انا يمكن منهم اكيد فيه حاجه غلط
بس انا احيانا مش بقدر امسك نفسي ومش بعمل حسابات كتير
بس اكيد غلط


ماهي الكلمة التي تحضرك الان في باللك ؟ وانا اطرح اليك هذه الاسئله بكل صدق وامانه ؟

بقول ياتري هتفهميني ولا لاء


كلمة شكر لمن تقدمها ؟

شوفي انا عندي ابويا كل حاجه وبعده اخويا الكبير
بكل معاني الشكرا والتقدير لهم
لاني عارف اد ايه اتظلمو وضحو بكتير علشاني انا واخواتي
اتحملو كتير اوي والحمدلله اتغيرت الظروف
وبنرد لهم جزء من ملايين الاجزاء اللي قدموها لنا
ربنا يبارك فيهم يارب


ماذا تعنى لك هذه الكلمات

انا يما اخر كلمه بقولها لابويا في التليقون
ابا انا بحبك يابا
ولاخويا برضو لازم اقوله كده بحبك ياغالي


الصدق
ربنا يجعلنا منهم

الكذب
مع اني بكره جدااا بس احيانا بستعمله

الخيانه
اكرها ولو سمعتها في قصه
لانها اكيد مره جدااااااااا
ربناما يكتبها علي حد من المسلمين

الوفاء
اسمع عنه في القصص

البحر

بحس بالبهجه والنشاط وانا عنده

الشمس
اصدقاء اتعودنا علي بعض

اللؤلؤ
مش اعرفه

الغلاء
وحش مفترس بياخد الاعراض
لانه سبب في انتهاك حرومات الله

من هو الكاتب او الكتاب الذي تفضله ولماذا؟
مش مهتم
انما ابراهيم عيسي حبيته لانه صريح شويا

من هو قدوتك في الحياة ؟
اخويا الكبير

ماهي الحكمة التي ترتكز عليها؟
ان اكرمت الكريم ملكته وان اكرمت اللئيم تمرضا


ماهو طموحك في الحياة؟
مفيش غير اولادي عايز اعدي بيهم الي ستر ورحمه ربنا

ماهو الحيوان المحبب لي قلبك ولماذا ؟
ههههههههه
بحب اي حيوان مولود لسه في ايامه الاولي

ماهو السؤال الذي تحب ان تسأل عنه ولماذا؟
مش عارف


يارب اكون جاوبت كويس
ولسه مستني منك اسئله كتيررررررررررر

اسمك الحقيقى؟
تاريخ ميلادك؟
عنوانك؟
هوايتك؟
امنيتك؟
قدوتك؟
مثلك الاعلى ؟
افضل شخصيه معروفه؟
افضل مطرب او مطربه ؟
افضل ممثل او ممثله ؟
افضل اكله؟
افضل مشروب؟
افضل شهر؟
افضل رقم؟.
افضل حرف؟
افضل يوم؟
مين يكون حبيبك ؟
اعز اصدقائك؟

اقرب الناس؟

اصعب موقف محرج؟

اصعب جرح؟

ولمين بتهدى هالكلمات .


الحنين؟

الرجوله؟

مغرور؟

دايما مظلوم؟

القلب الطيب

معنى الحب من وجهه نظرك

هل فى حياتك حب حقيقى

ايه اكتر جرح علم فى قلبك

ايه الشئ اللى تتمناه فى حياتك

مين الانسان اللى تحب تشوفه بعد غيابه

ايه احب الاسامى لقلبك

مين اكتر واحد فى الاعضاء تحب خواطره

اشكرك عمر على الردود الجميله ديه ولى متابعة بعد حمودى
اشكرك

ااهلاااا حمودي كل سنه وانت بخير

ااسمك الحقيقى؟
عمرسعدصالح عبدالرحمن

تاريخ ميلادك؟
22 6
عنوانك؟
بطره طلخا دقلهيه
هوايتك؟
بحب الجري صباحا

امنيتك؟
اربي ولادي تربيه صحيحه

قدوتك؟
اخويا الكبير

مثلك الاعلى ؟
المصطفي صلي الله عليه وسلم
وعمربنالخطاب

افضل شخصيه معروفه؟
بن لادن
افضل مطرب او مطربه ؟
محمدمنير واصاله
ده لو حبيت اسمع اغاني اصلا

افضل ممثل او ممثله ؟
عادل امام

افضل اكله؟
الحمدلله كل حاجه

افضل مشروب؟
الشاي والقهوه

افضل شهر؟
رمضان

افضل رقم؟.
20
لان بنقبض الفلوس كل يوم 20 في الشهر
ههههههههههههه

افضل حرف؟
م
افضل يوم؟
الجمعه
مين يكون حبيبك ؟
بنتي مياده

اعز اصدقائك؟
محمدفتوح
من كفر الشيخ
يسكن معي من 8 سنين

اقرب الناس؟
ابويا

اصعب موقف محرج؟
اطرت من الشغل سنه 2004

اصعب جرح؟
مفيش الحمدلله

ولمين بتهدى هالكلمات .


الحنين؟

اهلي وولادي

الرجوله؟

راجل يوناني

مغرور؟
مفيش

دايما مظلوم؟
الشعب المصري

القلب الطيب
امي

معنى الحب من وجهه نظرك
تضحيه

هل فى حياتك حب حقيقى
ولا كان قبل كده

ايه اكتر جرح علم فى قلبك
مفيش

ايه الشئ اللى تتمناه فى حياتك
الستر من ربنا

مين الانسان اللى تحب تشوفه بعد غيابه
اخويا في ايطاليا من 6 سنين
انا بزوره كل سنه مره واحده

ايه احب الاسامى لقلبك
مياده وريم

مين اكتر واحد فى الاعضاء تحب خواطره

الاء الرحمن

اتمني اكون اجبت كويس يا حمودي
وكل سنه وانت طيب

ممكن اسأل معاكم انا عضوة جديدة
وعايزة اتعرف على عمر ؟

تحت امرك طبعا

ماهو عمر ده ابن البطه السوده

الناس هتعيد وانا قاعد علي الكرسي في العيد

بهزر ياقطه
تحت امرك اسئلي زي ما تحبي
ان شاء الله هجاوب

انت تؤمر حمودي
معاك ياغالي


ختـــــر العضو المناسب وطيحه في الحفرة المناسبة //قصدي في الفراغ المناسب

عضو توقيعه روعه..( )
ساره

عضو نشيط... ( )
احزان

عضو رزل... ( )
الاء الرحمن


عضو مفقود... ( )
برديس


عضو تفرح بوجوده .. ( )
برديس


عضو تحسه واثق من نفسه ... ( )
عمرصلاح


عضو داخل مزاجك ... ( )
قمريه وساره

عضو يغيضك .. ( )
الاء الرحمن


عضو تتمنى تلقتي به ... ( )
رياض


عضو مثقف... ( )
عريشي


عضو تخاف يوم أتشوف اسمه موجود..( )ههههههه
نعمه


عضو ودك تغير اسمه ... ( )
مفيش


عضو ودك تعرف معنى اسمه ... ( )
مفيس


عضو تحس انه شبهك... ( )
حبيبه


عضو ودك تتخانق معاه ... ( )
الاء الرحمن

عضــو تحس أن فيه خــمول (كسل ) ... ( )
مشموشي

عضــو يجذبـك بأسلوبه وطريقـة ردوده ... ( )
عريشي

عضـو أحيانا ينرفزك بـ ردوده ...( )
الاء الرحمن

عضو ودك تقول له صح لسانك .. ( )
ساره وقمرايه

عضو أتحس انه طموح ... ( )
منونه

عضو تحس انه مرجوج...( )
ملاك

عضو تحسه طفولي .. ( )
منونه وقمر


عضــو يناسبه لـقب المحبوب ... ( )
حبيبه

عضو تقوله (( ماينساك أبد قلبي )) ... ( )
حبيبه

عضو تقوله (( الله يسامحك

حمودي

كل سنه وانتم طيبين

ههههههههههههههههههههه

اقسم بالله كنت عارف انك هتقول كدا بس مش عارف ليه

كنت عارف ايه؟؟؟؟

كنت عارف انك هتقول

عضو تقوله (( الله يسامحك

حمودي

بس كنت عايز اعرف ليه

طيب طالما انت زكي كده
وكنت عارف قبل مااقول
اكيد تبقي عارف ليه

ولله لو كنت اعرف مش كنت سالت انا بعت لك رساله خاصه وقولتلك سبب بس انت مش رديت
علي العموم
لو حصل حاجه مني حقك عليا
وكل سنه وانت طيب