كرسى الاعتراف مع المشرف ( عمر صلاح )

السلام عليكم ورحمة الله وبركاته

في البداية انا متشكر لرياض طبعا على الاختيار الي مش عارف اذا كان موفق ولا لا

بس العموم انا تحت امرك يا رياض انت وباقي اخواني الاعضاء ويا رب نقدر نرد بطريقة ما تزعلش حد ويكون في اقناع زي ما حضرتك اتفضلت وقلت وشكرا ليك

اول سؤال كان من الاخت وجنة وهو كان

رايك ايه في حب النت ؟؟

نفس رأيي في الحب الي بنحبه في الحقيقة اكيد فيه منه الحقيقي وفيه منه الوهم وتضييع الوقت

في بجد حب نت و رايك كشاب في بنات النت ؟

1- ايوة فيه حب نت ودي حقيقة انا اتأكدت منها قريب من وجهة نظري طبعا ..

2- بالنسبة لبنات النت كتير اتكلموا في الموضوع ده وكل واحد قال وجهة نظر

يعني انا مش هتفلسف واقول شيء جديد يعني اكيد فيهم الكويس وفيهم دون ذلك زي الاولاد

بالظبط وزي الحقيقة برضو

ولكن بجد انا هقلك على حاجة شخصية بالنسبة ليا

سواء في النت أو في الحقيقة اكتر شيء مش بيعجبني في البنات هو الكيد والمكر وده شيء
اكيد موجود وبيسببلي تعب نفسي كبير

اسمك الحقيقى؟

يوسف صلاح يوسف محمد

تاريخ ميلادك؟

19/4/1986

عنوانك؟

مصر - سوهاج - المنشاه - قرية الشرقية

هوايتك؟

الصبر

امنيتك؟

رضا الله

قدوتك؟

خير قدوة لينا جميعا الرسول صلى الله عليه وسلم

مثلك الاعلى ؟

عمي حامد

افضل شخصيه معروفه؟
كمال الجنزوري

افضل مطرب او مطربه ؟

افضل شهر؟
رمضان

افضل رقم؟.

مين يكون حبيبك ؟
الانسان الصادق في حياتي هو حبيبي سواء ولد أو بنت

اعز اصدقائك؟

اصعب موقف محرج؟
اني اكون سبب في إحراج اي حد ده بيحرجني جدا جدا

اصعب جرح؟

ولمين بتهدى هالكلمات .


الحنين؟

القلب الطيب

أختي الكبيرة

معنى الحب من وجهه نظرك

العطاء بدون مقابل وتهذيب النفوس البشرية

هل فى حياتك حب حقيقى

[/size]

حمودى الروش كتب:

كنت عاوز اسالك شئ حصلي ومش عارف اعمل ايه فيه
كنت طالب من وحده انها تكلمني وقالتلي هفكر
كان كلام عادي هي اكبر من ب8 او 9 سنين تقريبا
وجيت طلبت منها ده تاني بس بعد فتره كبيره
وهي فهمت غلط وزعلت
اعتزرت كتير ليها وهى مردتش عليا
وبعتزر لها تاني وتالت علي سوء التفاهم
تعمل ايه لو انت مكانى وهي مردتش عليك
وسيباك كده
خصوص انها ليها معزاه خاصه وانا بحترمها جدا

حمودي انا مش عارف يا صاحبي طيب هي حد في النت ولا في الحقيقة وبعدين بيني وبينك يا حمودي انت عملت الي عليك وحاولت انك تبين وجهة نظرك من الكلام بتاعك معاها يعني غرضك من كلامك معاها

يعني بكل اختصار هي فهمت غلط دي مش مشكلتك وانت اعتذرت اكتر من مرة يبقى خلاص يا صاحبي ايه المطلوب

انت خلاص عملت الي عليك وكمان عايز اقلك على حاجة يا حمودي بجد ودي نصيحة من اخ

لو ما كانش الي انت بتكلمه عايز يكلمك زي ما انت عايز تكلمه او اكتر يبقى لازم تاخد بالك يا صاحبي

ممكن تتعب وعايز اقلك كمان انه بجد شيء محير يا حمودي لان لو وقعت فيه هيكون ليا تصرف يمكن مختلف وانت عارف كل واحد وتفكيره

اتمنى اكون قدرت اوصلك وجهة نظري وانت طبعا حر في اتخاذ القرار وبارك الله فيك وهداك لسواء السبيل وانا تحت

امرك في اي حاجة بيني وبينك طبعا وانا مش عارف الخاص مش شغال معاك ولا ايه على العموم ولا يهمك يا حمودي انا مستني

انا بطلب منك انك ترسل مجموعة رسايل


1_ للوالدة

وحشتيني يا سيدة عالمي ومليكة قلبي وحشني اني اترمي في حضنك لانه المكان الي الوحيد الي بحس فيه اني الطفل المدلل وحشتيني يا امي

2_الاخوة

وحشني كل شيء كنا بنعمله مع بعض وحشني اني اشوفكم قدامي ونتكلم مع بعض زي زمان بس انا زعلان منكم لانكم ما قولتوش ليا ان الغربة شيء صعب قوي كده ربنا يسامحكم

3_لصديقك

انت فين يا خليفة سنين يا صاحبي وانت بعيد والدنيا عمالة تسرق كل واحد فينا وبتلهيه عن التاني اتمنى من الله ان تكون في احسن حال وربنا يجازيك خير على كل الي عملته معاي وعلمتهولي في الدنيا

4_لعمك

ربنا يسامحك ويعفي عنك وأني اشهد الله اني سامحتك وما فيش حاجة في قلبي من ناحيتك

5_لخالد

طول عمري وانا مش بقول معاك ليه ولا لا ولا اي شيء ساكت وماشي معاك ولكن في الاخر ماقدرتش ارد على الي انت عملته معاي غير بكلمة واحدة
ليه ؟؟ ليه ؟؟ ليه؟؟

6_لعمر صلاح

بالله عليك انت عايز ايه قولي ؟؟؟

7_لقلبك المسكين

تفتكر هو في حد فاكرك يعني علشان تعمل كده

8_لسوبر مروان


جزاك الله كل خير وبارك الله فيك بجد انت الحيطة الي انا بتسند عليها اما اتعب من الي قدامي

ربنا يخليك ووالله بعيد عن اي مجاملة ربنا يديم المعروف ما بينا ويخليك

طبعا مرورك مقبول اختي حبيبه وربنا يجازيكي خير على انك لطفتي بحالتي

ربنا يخليكي ويبارك فيكي وشكرا على المرور

شيء بسيط جدا يا مروان ومش عايز اكتر في الكلام

لاني عارف انه الي بيحبوا مصر كتير

ولكن عايز اقول لمصر انك الشيء الوحيد الي انا اناني في حبي ليه

انتي يا مصر الحب الي انا حبيته لامي واهلي وعرضي وشرفي وروحي ونفسي وكل شيء

والله يا مصر افديك بدمي وانا اقول ده رخيص

افدي ترابك ويكون فخر ليا افدي اولادك وبناتك وانا بقول الله اكبر

والله يا مصر انك حبيبتي ومناي اني اكون ابن بار بيكي انتي ياما تعبتي ونفسي اريحك يا

بلدي يا حبي يا اختي يا بنتي يا امي يا صاحبي يا همي

بناتك اخواتي وعرضهم هو عرضي واولادك اخواتي وحلمهم هو حلمي

والله انا اسف كلامي بسيط يا مصر سامحيني اصلي مش هعرف اديلك حقك يا حبيبتي

اول مكان قبلت اول حب ليك

في الشارع بتاعنا

اسم اول حبيبه ليك

منى

اكتر حاجة بتحبها

الطيبة والصراحة

و اكتر حاجة بتكرها

اللوع والمكر

نقطة صعفك في الحياه

اني افتح قلبي لحد

مواصفات قتاة احلامك

ربنا امر بالستر

تطلعاتك في الحياة

برضو ربنا امر بالستر

بتحب عمل المراة ولا ضده

اكيد بحبه اما يكون في اطار اخلاقي معين

افضل اغنية ليك

الأطلال - ثورة الشك

عضو توقيعه روعه..( عمر صلاح )


عضو نشيط... (السوبرمروان )


عضو رزل... (كتير بس بلاش )


عضو مفقود... ( مريم الحقيقة)


عضو تفرح بوجوده .. ( حبيبه والسوبرمروان)


عضو تحسه واثق من نفسه ... ( حبيبه وبرديس)


عضو داخل مزاجك ... ( محمود السعيد - رياض - حمودي الروش)


عضو يغيضك .. ( حبيبه)


عضو تتمنى تلقتي به ... ( رياض - محمود السعيد - حمودي - العرايشي من الرجال)


عضو مثقف... (كتير والله )


عضو تخاف يوم أتشوف اسمه موجود..( فلاح )ههههههه


عضو ودك تغير اسمه ... (مشموشي)


عضو ودك تعرف معنى اسمه ... ( مشموشي)


عضو تحس انه شيبه... (حبيبه )


عضو ودك تتضارب معاه ... ( السوبرمروان وحبيبه ومحمود السعيد ههههههه اوعى تصدق دي معزة مش اكتر يعني )


عضــو تحس أن فيه خــمول (كسل ) ... ( نوجا وهند انا عايز اشوف منهم مواضيع )


عضــو يجذبـك بأسلوبه وطريقـة ردوده ... ( السوبر مروان وحبيبه ورياض والعرايشي ومحمود السعيد ونوجا وهند)


عضـو أحيانا ينرفزك بـ ردوده ...(ما فيش حد )


عضو ودك تقول له صح لسانك .. ( كتير والله)


عضو أتحس انه طموح ... ( ما فيش كلنا ضربنا السلك)


عضو تحس انه مرجوج...( في اكتر من واحد بس من اخواتنا الجداد )


عضو تحسه طفولي .. ( رانا)


عضــو يناسبه لـقب المحبوب ... (رياض - ومحمود السعيد - وبرديس - حبيبه )


عضو تقوله (( ماينساك أبد قلبي )) ... ( السوبرمروان - حبيبه)


عضو تقوله (( الله يسامحك )) .. عمر صلاح
[/size]

انا في غاية الاسف والله ما كانش قصدي يا اخت مشموشي

طالما الوالدة صاحبة الاختيار احنا ما نقدرش نقول اي كلمة غير انه جميل انشاء الله

تقبلي اسفي يا اختي

مفيش داعى للاسف
انا بس حبيت اوضح لك لى مشموشى
وعلى كلاً انت انسان مهذب
واشكرك