كرسى الاعتراف ( mondy19791 )

ولا بيهمنى .. 

يلا يا برديس  عايز اشوف اسئلتك منا عارف انتى ورياض نفسكو فى اليوم ده هههههههههههههههههههههههههههههههههههههههههههههه
عموما تحت أمركم وأمر منتدى وجنه كله 

اسمك الحقيقي
سنك
اول مكان قبلت اول حب ليك
اسم اول حبيبه ليك
اكتر حاجة بتحبها
و اكتر حاجة بتكرها
نقطة صعفك في الحياه
مواصفات قتاة احلامك
تطلعاتك في الحياة
بتحب عمل المراة ولا ضده
افضل اغنية ليك


عضو توقيعه روعه..( )


عضو نشيط... ( )


عضو رزل... ( )


عضو مفقود... ( )


عضو تفرح بوجوده .. ( )


عضو تحسه واثق من نفسه ... ( )


عضو داخل مزاجك ... ( )


عضو يغيضك .. ( )


عضو تتمنى تلقتي به ... ( )


عضو مثقف... ( )


عضو تخاف يوم أتشوف اسمه موجود..( )ههههههه


عضو ودك تغير اسمه ... ( )


عضو ودك تعرف معنى اسمه ... ( )


عضو تحس انه شيبه... ( )


عضو ودك تتضارب معاه ... ( )


عضــو تحس أن فيه خــمول (كسل ) ... ( )


عضــو يجذبـك بأسلوبه وطريقـة ردوده ... ( )


عضـو أحيانا ينرفزك بـ ردوده ...( )


عضو ودك تقول له صح لسانك .. ( )


عضو أتحس انه طموح ... ( )


عضو تحس انه مرجوج...( )


عضو تحسه طفولي .. ( )


عضــو يناسبه لـقب المحبوب ... ( )


عضو تقوله (( ماينساك أبد قلبي )) ... ( )


عضو تقوله (( الله يسامحك )) ..

أوكى هجاوب بس يا جماعه فى حاجه مهمه الاعضاء اللى فعلا نشيطين يوميا ونعرفهم كويس حوالى 15عضو  هجاوب بقه على الاسئله دى منين عموما نكرر وأمرنا لله.اسمك الحقيقي : محمد 
سنك : 31 سنه
اول مكان قبلت اول حب ليك : الدنيا
اسم اول حبيبه ليك: اعتقد مش هيهم حد اسم حبيبتى
اكتر حاجة بتحبها : حاليا بحب شغلى 
و اكتر حاجة بتكرها : بكره بتوع مصلحتهم
نقطة صعفك في الحياه : إبنى بنا يخليه ليا 
مواصفات قتاة احلامك : متزوج والحمد لله
تطلعاتك في الحياة : ان شاء الله خير
بتحب عمل المراة ولا ضده : مش كل عمل يناسب المرأة ومش كل مرأة تعمل 
افضل اغنية ليك : كل أغانى هانى شاكر


عضو توقيعه روعه..:  حمودى الروش


عضو نشيط... :  محمود السعيد


عضو رزل... : 


عضو مفقود...: خالد الصياد


عضو تفرح بوجوده .. : هيما


عضو تحسه واثق من نفسه ... : برديس 


عضو داخل مزاجك ... : بصراحه فى كتير  فمش هقدر أقول عضو بس


عضو يغيضك .. : لسه بدرى عليه


عضو تتمنى تلقتي به ... : حمودى الروش


عضو مثقف... : رياض 


عضو تخاف يوم أتشوف اسمه موجود..: 


عضو ودك تغير اسمه ... : ما اقدر أغير اسم حد 


عضو ودك تعرف معنى اسمه ... : 


عضو تحس انه شيبه... : يعنى ايه؟


عضو ودك تتضارب معاه ...: ربنا ما يجيب زعل وضرب


عضــو تحس أن فيه خــمول (كسل ) ... :  وجنة


عضــو يجذبـك بأسلوبه وطريقـة ردوده ... حبيبه


عضـو أحيانا ينرفزك بـ ردوده ...: الاخ العريشى


عضو ودك تقول له صح لسانك .. : رياض


عضو أتحس انه طموح ... : نوجا


عضو تحس انه مرجوج...: اكيد عارف نفسه


عضو تحسه طفولي .. : زهرة سوريه


عضــو يناسبه لـقب المحبوب ... : رياض


عضو تقوله (( ماينساك أبد قلبي )) ... رياض


عضو تقوله (( الله يسامحك )) .. أكيد عارف نفسه .. 

حبيب قلبى عمر صلاح  طبعا انت اكيد لازم تكون حسيت من ردودى عليك انك من الاعضاء اللى حبيتهم جدا واهتميت بهم وان شاء الله ببعتلك رساله على الخاص فيها رقمى تليفونى  وايميلاتى عشان نتواصل وطبعا حقيقى لى الشرف انى اتقرب منك.
بالنسبه لموضوع انى بحب مصر فوالله دى حقيقه ان بحب مصر جدا جدا جدا وعمرى ما اتمنيت اسافر بعيد عنها واذا كان فى حاجات كتير فى مصر مش كويسه أو بمعنى تانى النظام فاشل  وفى فساد فإحنا اللى ممكن نغير كل ده  بس أهم حاجه يكون فى اتحاد وعلى فكره كمان أنا لا أنتمى الى اى حزب نهائى  .. أحب أكون فى حزب مصر حزب الحق والعدل  حزب تحقيق العداله  لكل المصريين 

الحمد لله رب العالمين اللهم صلي علي سيدنا محمد

ايه معني الاخلاق من وجهه نظرك


ايه الصفه الي مكنتش تحب انها مش تكون موجوده فيك


انت من فتره كبيره في المنتديات ماهي الاثار الايجابيه للمنتديات في حياتك


تحب ابنك يكون زيك بالضبط ولا لاء وليه طبعا ليه ترجع لحريتك \\اختياري\\


بكل صراحه ايه رايك في فتاه الانترنت----ماهي النصيحه التي تود ان توجهها اليها


ماهي نظرتك للصداقه او مالذي تتمني اب يكون عليه الصديق

هل تستطيع ان تعرف شخص جيدا من اول حوار ام لا

دي اسئله تعارف ياموندي والي اللقاء في اسئله اخري

أخت حبيبه بشكرك أولا على تشريفك لصفحتى وان شاء الله أقدر اجاوبك على اسئلتك على أكمل وجه .
ايه معني الاخلاق من وجهه نظرك
الاخلاق من وجهة نظرى ان الانسان ما يضر أخوه الانسان ابدا ابدا 

ايه الصفه الي مكنتش تحب انها مش تكون موجوده فيك

الطيبه زياده عن اللزوم .. بس الحمد لله انتهت
انت من فتره كبيره في المنتديات ماهي الاثار الايجابيه للمنتديات في حياتك

بصراحه انا اتعملت حاجات كتيره مفيده وعملت علاقات شغل كتير ولازلنا مستمرين لحد الان منذ سنوات وبلكن ثمار هذه المنتيات فى العمل بدأ يثمر هذه الايام معى والحمد لله 
تحب ابنك يكون زيك بالضبط ولا لاء وليه طبعا ليه ترجع لحريتك \\اختياري\\
لا طبعا أحب إبنى يكون احسن منى ..  يارب

بكل صراحه ايه رايك في فتاه الانترنت----ماهي النصيحه التي تود ان توجهها اليها
الفتاه على الانترنت مثلها فى الحياه العاديه  المحترمه محترمه والبيئه  بيئه .. نصحتى لها سواء على الانترنت أو غيره أوعى تشكى همك لإنسان مهما كان .. ضيعتى نفسك
ماهي نظرتك للصداقه او مالذي تتمني اب يكون عليه الصديق
نظرتى للصداقه هى احيانا تصل لدرجة الاخوه والارتباط العقلى والقلبى وكل الاحاسيس والمشاعر وهى اجمل شىء .. واتمنى ان يكون صديق وفى بمعنى الكلمه ومهما حصل بينه وبين صاحبه لازم يوزن الامور وما يعطيها أكبر من حجمها حتى لا تتلاشى الصداقه بينهم 
هل تستطيع ان تعرف شخص جيدا من اول حوار ام لا.
الحمد لله .. انا عملت بمجالات كثيره لذلك اصبحت لدى الخبره أن اعلم مايدور بعقل من يتحدث معى من عنيه مش من كلامه .. ولو حوار تليفونى او شات الحمد لله من بعض الكلمات الموجوده بين السطور أقرأ ما يدور بعقله حتى لو كان بينافق

تحت أمرك يا حبيبه .. وامر كل الاعضاء الكرام 

متشكره ياموندي علي اسلوبك الجميل وسعه صدرك وتقبللك الاسئله

وانت عندك حق انك لو شكيت همك ضيعت نفسك من اجمل النصايح بجد

عايزه اساللك سؤال وياريت متضحكش عليه

قلبك تاب من الطيبه ازاي ياريت تفديني

ايه الصفه الي مكنتش تحب انها مش تكون موجوده فيك

الطيبه زياده عن اللزوم .. بس الحمد لله انتهت
أختى حبيبه  ده كان سؤال ودى كانت إجابتى انا بقول الطيبه زياده عن اللزوم..  هى دى بقه عن اللزوم دى  .. شيلتها من القاموس عندى ( عن اللزوم ) ولكن الحمد لله الطيبه موجوده ولكن بعطى كل واحد على قدر ما يستحق 

انا فهماك وانا اقصد برضو الذياده عن اللزوم علي العموم عادي مفيش حاجه

وانتظر ان شاء الله باقي الاسئله

تحت أمركم .. بانتظاركم

هههههههههههههههههههههههه  .. هو موندى على الكرسى أهلا أهلا   لا لا مش هينفع اقولك الاسئله دلوقتى  بس انتظر وجهز نفسك يا موندى  .. فرصه وجت لحد عندى .
هههههههههههههههههههههههههههههههههههههه

طب طالما جت لحد عندك يا كرستين إستغليها بقه ..هههههههههههههههههه.. منتظر ... ها مفيش حد ؟؟؟؟

السلام عليكم
موندي ماهو الفرق بين الرجل والمرءه في الحب \\الازواج\\

ردك ايه الي يقولك انت كبرت في السن\\ وايه هيه لحظه الكبر من وجهه نظرك


الماده تمثل كل شيئ عند موندي

كل واحد فينا له ذلات ماهو الشيئ الذي غير حياتك


ايه معني الجراءه من وجهه نظرك

وهل تتعارض الجراءه مع الاخلاق


القران اجمل كلام اذكر لنا بعض الايات التي تهز داخلك


ماهو الشيئ الذي تتمني انه يضاف الي المنتدي

متي شعرت بالسعاده الحقيقه

مر عليك ى يوم انك تخاف من انسان معين ولا لاء

وايه سبب خوفك منه

ايه رايك في \\ لن اعيش في جلباب ابي\\


صاحب القرار الاخير عند موندي العقل ام القلب\\ ولماذا


ماهي وجهه نظرك في المرءه العامله

عندما تنظر الي المريا ماذا تحب ان تري نفسك
تحب ان تري المساؤئ ---- ام تحب ان تري اجمل صوره


الحياه علمت موندي ايه\ايه الدروس المستفاده

رايك ايه في \\ مصلحتي وبس\\


لو الزمن بيرجع للخلف تحب يوقف بيك فين

ماهو اوحش عيب ممكن يكون في الرجل او المرءه

ماهي وجهه نظرك انت في تجاره الاعضاء

متي يكره موندي الانترنت

ماهو الفرق بين الرجل والرجوله

متي شعرت بالظلم \\ وماهو رد فعلك

ماهي وجهه نظرك في السلبيه \\هل ممكن تكون طاعه واحترام


من وجهه نظرك هل انشاء دار للمسنين خطوه صحيحه\\ام لها اثار سلبيه في حياتنا


لو انا قولت لموندي انت متسرع ترد تقول ايه


موندي يحب المجامله كثيرا

مين العضو الي بتدخل تدور علي مواضيعه

لو في اي سؤال مش ظريف انا بعتذر

موندي ماهو الفرق بين الرجل والمرءه في الحب \\الازواج\\
الرجل هو الرجل فى الزواج أو الحب ـ المرأة فى الحب حنونه  رومانسية جدا ـ مطيعه خالص ـ أما فى الزواج ممكن تتقلب 180 درجة للعكس لا رومانسيه ولا غيره وبالنسبه للحب بقى حب اسمه ( حب العشرة ) 
ردك ايه الي يقولك انت كبرت في السن\\ وايه هيه لحظه الكبر من وجهه نظرك
اللى بيقولى أنت كبرت فى السن بقوله هناخد زمنا وزمن غيرنا الحمد لله رضا قوى على كده / ولحظة الكبر هى لو حسيت أنى مش قادر اعمل شىء .

الماده تمثل كل شيئ عند موندي
بالعكس والمقربين ليا ومنهم ناس فى المنتدى تقدر تجاوب مكانى كمان عمر ما كنت بحسبها من الماده معايا زى ممعيش  انا موندى  والحمد لله اللى فى جيبى مش ليا .
كل واحد فينا له ذلات ماهو الشيئ الذي غير حياتك
لا تفرق ( ذلات ) الحمد لله مفيش / أما الشىء اللى غير مجرى حياتى كان حاجتين فى الاول كان حب حقيقى غير حياتى للأحسن مليون درجة ـ وبعد كده تعب والدى خلانى اصبحت مسئول مسئولية كامله عن كل شىء .والمسئولية صعبه حقيقى .

ايه معني الجراءه من وجهه نظرك
الجرأة : هى أن الانسان يتوكل على الله فى أى أمر وما يخاف من أى شىء فى الدنيا ويسيبها على الله وهو ونصيبه اللى ربنا كاتبه هيكون .
وهل تتعارض الجراءه مع الاخلاق
لا طبعا 

القران اجمل كلام اذكر لنا بعض الايات التي تهز داخلك

بسم الله الرحمن الرحيم ( ومن يتق الله يجعل له مخرجا ويرزقه من حيث لا يحتسب ) صدق الله العظيم 
ماهو الشيئ الذي تتمني انه يضاف الي المنتدي
الاعلانات طبعا  والاشهار أكثر وأكثر 
متي شعرت بالسعاده الحقيقه
عندما ثبت للناس عكس  ما كانوا يتوقعونه . 
مر عليك ى يوم انك تخاف من انسان معين ولا لاء
من إنسان لا .. لكن من الظلم  سواء أكون ظالم أو مظلوم  ممكن .
وايه سبب خوفك منه
لأن الظلم صعب سواء انا الجانى أو المجنى عليا 
ايه رايك في \\ لن اعيش في جلباب ابي\\
الجزء الاول من المسلسل رائع رجل يبنى نفسه من تحت الصفر ورجل حكيم و  و  و  . ولكن بعد كده بعتبر مسلسل قبيح يحث على شىء واحد فقط وكأن السلطه بتدخل فيه  بمعنى بتقولنا ابن التاجر لازم يبقى تاجر  وابن الظباط لازم يبقى ظابط  وإلا يخالف يبقى عاصى لوالديه ...  صح ولا ايه .. 

صاحب القرار الاخير عند موندي العقل ام القلب\\ ولماذا
العقل .. لأنى جربت أخذ القرارات بالقلب  لقيت نفسى بخسر ولما وصلت انى ممكن أتنازل واخسر كرامتى يبقى ملعون القلب  وأشرف انى أحطه تحت قدمى .. خلينا بالعقل 

ماهي وجهه نظرك في المرءه العامله
بصراحة لا أحبذ عمل المرأة إلا للضرورة  عند البعض / وايضا الاعمال الهامه مثل دكتورة  ـ مدرسة  أما تقولى سكرتيره لا إداريه لا مش عارف ايه بصراحه لا لا لا بيعطلوا الشغل فى المصالح الحكوميه بالرغى 
عندما تنظر الي المريا ماذا تحب ان تري نفسكأحب أن أرى كل شىء على ما يرام  
تحب ان تري المساؤئ ---- ام تحب ان تري اجمل صوره

لا طبعا أحب ارى المساوىء لكى أعالجها قبل أن أخرج بها للناس .. أما أجمل صورة فطبيعى لو تم علاج  المساوىء هكون فى أجمل صورة 
الحياه علمت موندي ايه\ايه الدروس المستفاده
اتعلمت حاجات كتير قوى بس أهمها مفيش حد هيعرف مصلحتك ولا هيحب تكون فى أحسن حالاتك غير والدك ووالدتك وولادك وأخواتك   غير كده مفيش حد أثق كل الثقه فى أنه يتمنالى الخير 
رايك ايه في \\ مصلحتي وبس\\
لو هقدر أعيش لوحدى  فى مكان معزول عن العالم  ممكن اقول مصلحتى وبس / بالنسبالى مصلحة الناس هتكون سبب لوصولى لمصلحتى 

لو الزمن بيرجع للخلف تحب يوقف بيك فين
فى يوم 4 فبراير عام 2004  يوم وفاة والدى 
ماهو اوحش عيب ممكن يكون في الرجل او المرءه
أوحش عيب فى الرجل والمرأة ( اللى يبيع بسرعه ) .. دايما اشترى وبعدين فاصل 
ماهي وجهه نظرك انت في تجاره الاعضاء
والدى علمنى حاجه الله يرحمه لما كان عنده فشل كلوى وكلنا قولنا نتبرع له رفض قولناله نشترى  ذاد رفضه وكان رده ( لازم أحمد ربنا على إبتلائه ) يعنى برفض تماما بيع الاعضاء ولا حتى للضرورة 
متي يكره موندي الانترنت
لما بيكون النت فاصل أو بطىء   ههههههههههههههههه
ماهو الفرق بين الرجل والرجوله
فرق شاااااااااااسع  /  كلمة رجل مكتوبه فى كل بطاقه شخصيه لأى واحد ــ لكن الرجولة هى بالفعل الشهامه والانتماء والحب والاخلاص والمسئولية 
متي شعرت بالظلم \\ وماهو رد فعلك
شعرت بالظلم لما اتفرض عليا انى اكون ظالم وانا مظلوم  ومش بشهادتى أنا لا بشهاده الناس  بس للأسف الظلم الاكبر ان يكون الظالم أعز الناس واللى عمرى  ما هتتكرر صداقه ولا حب بين شابين مثلنا .. بس للأسف وصلت لطريق مسدود بسبب الكبرياء  وانه لا يستطيع الاعتراف بالخطأ  .. فكان رد فعلى طبعا كل واحد فى طريق ولا كلام ولا سلام .. بس بجد  أنا حزين  عليه وعمرى ما هكرهه  لأن  الحب اللى حبيته له صعب يتحول لكره  ممكن يكون جفا  لكن مستحيل أكرهه 
ماهي وجهه نظرك في السلبيه \\هل ممكن تكون طاعه واحترام
لو مع الوالدين ممكن لكن غير كده لا طبعا تبقى سلبيه 

من وجهه نظرك هل انشاء دار للمسنين خطوه صحيحه\\ام لها اثار سلبيه في حياتنا

طبعا أتمنى ما يكون فى دار مستنين ويكون كل واحد فينا يراعى ربنا فى أهله اللى تعبوا من أجله وميكنشى جزائهم الرمى فى دار مستنين .. لكن برده فى أحيانا حالات صعبه ليس لها راعى غير ربنا ودار مسنين .
لو انا قولت لموندي انت متسرع ترد تقول ايه
كنت متسرع .. بس ده كان من فتره طويله .. ممكن 9 سنين كده

موندي يحب المجامله كثيرا
تقصدى أنى أحب أجامل  ولا أتجامل ؟؟ عموما بصراحه بحب الاتنين لأنى بعتبرها من الحاجات اللى بتقربنا من بعض وبتعمل صلة رحم قويه بين الاهل والاصدقاء والجيران  والمعارف
مين العضو الي بتدخل تدور علي مواضيعه
فى كتير بصراحه  لكن ممكن أقول  برديس  وحبيبه و نوجا  والعريشى وعمر صلاح وعمر و هيما وأميرة مصرية 

أتمنى  ما كنت قصرت يا حبيبه .. تحت أمركم 

بصراحه حوار شيق جدا قراته كله بس بصراحه معنديش اى اسئله لان انا الصغير عشان كده شايف اننا المفروض مسالش بس بجد بتعلم من كل الاجوبه اللى فوق دى وحاسس بمعاناه فى بعض الردود ممكن اكون صح باحساسى ومممكن لآ
كل اللى هقوله ربنا يخليلك شاكر ويبقا اول دكتور عندنا يا ريت

ه بس بصراحه معنديش اى اسئله لان انا الصغير عشان كده شايف اننا المفروض مسالش .*******************************************************طبعا انا سعيد جدا بكلماتك دى يا على . بس صدقنى هكون أسعد لو سألت وعايزك تسأل براحتك وخصوصا انا الكبير يبقى لازم تسأل الكبير وتتعلم منه الصح وكمان تجادله لو بتكلم غلط  بتمنى كده .. يا على ..  مستنى أسئلتك .. وابقى وصيى ابو نسب على شاكر . ههههههههههههههههههههههههههههههههههه

طبعا كلامك صح الصغير يتعلم من الكبير بس ان شاء الله لما اعوذ حاجه هسالك على طول مش هحتاج وسيط زى النت
وطبعا ابو نسب مش عاوز توصيه

بجد اكثر من رائع ياموندي اجابه انا استمتعت بالقراءه انا بصراحه كنت عايزه اتعبك

وعلي العموم جزاك الله خيرا علي الرد

أوكى  يا على  .. وعموما هسيبك براحتك خالص .. وبرده مستنى أسئلتك ....

اختى حبيبه  صدقينى تعبك وتعب كل الاعضاء ( راحة )  وبكون سعيد جدا لما أحس انى ما قصرت فى شىء تجاه اى انسان ..  ومنتظر باقى الاسئله  .. شدى حيلك  ..