كرسى الاعتراف مع ( رياض العربى )

عدناااااااااا بثاني المشاركات رغم الإستهداف والتهديد لكن خديجة حديد في حديد هههههه
طبعا انا واثق من كده ان خديجة مش بتخاف من حد ههههههههه
ولنستكمل مشوار الأسئلة وحقيقي أشكرك على تلك المصداقية في إجاباتك التي يستشعرها كل من يقرأها
بارك الله فيك أيها الفاضل فقد علّمتني الحياة أن الإنسان الصادق مصدر أمان
وسأنتظر إجاباتك الصادقة أمان المنتدى الرائع هذا

شكرا لك خديجة ربنا يخليكى

1- كل إنسان منا وهو صغير يكون لديه أحلام عندما يكبر لربما تتحقق ولربما لا تتحقق..
فهل تحققت أحلام رياض العربي وهو صغير؟ وما هي ؟

وانا فى الابتدائى لما كنت بطلع الاول على المدرسة و اخدت جايزة كان فيه مدرس بيقول عليها الدكتور
لكنى لم تكن ميولى علميه ابدا
و لما كبرت شوية كنت اتمنى ادخل كليه الحقوق لكنه رفضوا عشان التربيه بيوظف و كده

لغايه دلوقت خالتى مش بتقول لى الا يا دكتور ههههههههههههههه

2- ماهي هواياتك المفضلة ؟

القراء و الكتابة و التصوير و طبعا مشكلة المشاكل النت

3- هل أنت راضِ عن نفسك وما حققته أم لا ؟

لا طبعا و لا عمر يكون فيه انسان راضى عن نفسه بنسبة مائة فى المائة

الانسان طول ما هو عايش بيتعلم و بيغلط و بيتعلم



4- برأيك ماهو أهم دور للمرأة في المجتمع ؟

المراة دروها فى المجتمع كبير جدا .. توفير السكن و الراحة للزوجة رعايه الابناء

وقوفها بجانب الرجل بيقويه و يساعده .. الرجل لا يشغل تفكيره ولا يشعره بالعجر الا لو بعدت عنه

امراة يحبها رغم انه قد يظهر غير ذلك

5- الشك هل هو مرض من الممكن العلاج منه أم هو مرض ميئوس منه ؟ أم هو عادة
من الممكن التخلص منها ؟ أم أنه حالة طارئة ناتجة عن تصرفات الغير ؟
لو دخل قلب الانسان الشك مرة اظنه لا ينساها ابدا مهما حاول الطرف الثانى اظهار له العكس و ده بسبب الطبيعة البشرية

ده لو كان الشك مؤكد و حقيقى .. بيتعب الانسان جدا جدا و مع ابسط موقف بيتذكر كل خيانة او غدر

ومتى تتحول الغيرة إلى شك؟

ممكن تتحول لشك لو تاكد من خيانة الطرف الاخر .. لكن فيه غيره حميده معتدله و مطلوبة بين الاحباب

و بتعطى طعم جميل للحب

6- أسألك الرحيل ... لمن تقولها ؟

للكسل

7 - برأيك ما هي عيوب الزوج التي من الممكن أن تؤدي لنفور زوجته منه أو كراهيتها للحياة معه ؟ وكذا عيوب الزوجة؟

قله الاهتمام و عدم مشاركتها فيما تحب حتى و لو كان تافه و اشعارها بالحنيه و الحب

و هى كذلك لابد من الاهتمام بكل ما يهتم به الزوج حتى لا يبحث عنه خارج البيت

و توفير الراحة و السكن له و عدم الضغط عليه بطلبات مستفزة خصوصا فى اوقات الراحة بالنسبة له

8- هل الحب بعد الإرتباط أقوى أم قبله ؟ بمعني هل تؤمن أن الزواج عن حب أفضل من الزواج التقليدي ؟ أم العكس ؟ ولماذا؟

قوة و عنفوان الحب تكون قبل الزواج بمعنى الحب يكون شديد جدا فى اول التعارف و حتى قبل الخطوبة

قد يزاد نوعا ما فى الخطوبة لان كل طرف يظهر أفضل ما عنده مع زيادة الارتباط بالزواج و مع مشاكل الحياة

قد تحدث مشاكل تبطى من سرعة و تدفق الحب بينهما و يتحول لمجرد عشرة و ليس حب بالمعنى المفهوم

و مع ذلك الزواج عن حب أفضل لانه يذلل عقبات كثيرة جدا جدا و بيكون كل طرف حريصا على عدم اغضاب الاخر

و برضو لكل قاعده شواذ فيه حب تقليدى كان ناجح جدا و زواج عن حب بيكون فاشل

الانسان بطبعه الملل خصوصا الرجل فعندما يملك من يحب و يرتبط به بالزواج و لا يجد ما كان يحلم به

ممكن أن يبحث عنه خارج البيت


9- استرخي وخد نفس عميق وغمضى عينك لمدة دقيقة وقل لنا ماذا تفكرن الآن وماذا تريد قوله ؟

بفكر ليه دايما الواحد بيحس ان ناقصه شىء بس مش عارف هو ايه ولا عارف يوصل له

ليه دايما الانسان فى حاله قلق دايما من حاجات مبهمة لا اساس لها

ليه الانسان لما بيحب يتغير مش بيلاقى استجابة من احد .. الواحد بيفكر مثلا لو فضل كده هيوصل لايه فى النهاية

للجنون و الا الراحة .. عناد و صد و هجر نتيجة لحاجات كتير .. فراق و الم و وجع كبير

من فراق اعز الناس لمجرد مواقف بسيطة و تافه .. طريق مسدود مفيش فيه مجال للتسامح ولا العودة

انا اساسا مش عارف بقول ايه بس ده اللى فكرت فيه

10 - هل شاركت في الثورة وماذا كان شعورك وقتها ؟

انا كنت من حزب الكنبه مش شاركت مشاركة مباشرة كنت فى البيت و مش هنكر فى البداية مش كنت اتخيل

هتوصل للثورة لكده بس اكيد مبسوط و سعيد جدا جدا نزلنا اخبار كثيرة جدا هنا قبل الاحداث لكن على استحياء

و بعدين تطور الامر و كنا اكثر شجاعة

لكن فى الاخير تظل الثورة من اعظم و اجمل الحاجات اللى الواحد شافها

كفايه الحرية اللى بنحسها رغم الاحداث اليوميه و عدم الشعور بالامان لاحيان كثيرة

11- ما هو أفضل كتاب قرأته وما هو أفضل موضوع قرأته هنا في المنتدى وآخرفي النت بصفة عامة ؟

افضل كتاب يشعرك بالراحة هو القران الكريم طبعا .. فيه موضوعات كتيرة استفدت منها

لكن اخر معلومة افتكرتها كانت الفرق بين قول الله تعالى " الوالدين و الابوين و الفرق بينهم "

بصراحة معلومة جميل كمان الفرق بين الزوجة و المرأة

6- برأيك المنتدى ليكون ناجح .. ماهي متطلباته أو أسس إنجاحه ؟


اهم حاجة الترابط بين الاعضاء و ده اللى كان بيميزنا فى البداية كنا بنحس اننا اسرة واحدة

لكن اسرة لم تصمد فى اول اختبار لها مع الاسف يمكن خطأ منى او من الظروف و المواقف

لكن يظل ان لا احد جاهد و كان قلبه حريص على العودة و انا اعترف بالخطأ و طلبت من الكل التسامح

و العودة كما كنا لكنهم زى اللى ما صدقوا او كانوا منتظرين تلك المواقف عشان يهجروا المنتدى

زى ما قولت امبارح انا و الحمد لله دايما عندى أمل و لو هنكون لوحدى لان أترك المنتدى

لان بيحمنى من حاجات كتير ممكن أعملها لو هو مش فى حياتى



وكفاية كدا وسأعود بعد الإنتهاء من الواجب اللي عليك

كده انا خلصت الواجب يا رب أحصل على درجة مميزة

فى اتنظارك يا خديجة و بشكرك على هذه الاسئلة و لا أعرف سبب لاحجام الاعضاء عن عرض اسئلتهم

اللى فعلا كنت اتمنى ألاقى منه اسئلة هو عمر غرباء لانه بيفهمنى و بيعرف يسالنى اسئلة فى الصميم

بس اين أنت يا عمر هههههههه

كمان الغالى عمر عبد الرحمن قال هيسال و لسه تقريبا التوك توك بتاعه مش وصل هههههه


سلام مؤقت