حد يساعدنى

محدش هنا يكتبلى طريقه عمل المكرونه ازى يارييييييت
انا عندى المكرونه والصلصه والبصل وكل شىء تمام يعنى
بس ال يطبخ بقى
ياريت كمان بلمره الرز هيتعمل ازى

متشكر حياه انا هفتح ال انتى كتباه وهحاول انى اعمل حاجه وربنا يستر
لانى صايم ولسه مش عملت حاجه

اما طريقه الارز سهله اوى

عندنا كذا صنف من الارز

ارز ابيض من غير اى اضافات

ارز بشعريه

ارز حبه وحبه

ارز للسمك

اولا

الارز بالشعريه وده بيكون مع اللحوم والفراخ وجنبه خضار مطبوخ

اهم شىء الميه

اولا هانحمر الشعريه مع السمن على نار هادئه

ليه هاديه علشان تكون لون واحد مع التقليب المستمر

وبعدين تغسل الارز جيدا

وبعدين تقلب الارز مع الشعريه

ليه ومن غير ميه

علشان يبقى مفلفل

وبعدين تحط عقده الميه وبتكون 2 سم فوق ارز

مع شويه ملح على حسب كميه الارزيعنى لو نص كيلو ارز

نص معلقه ملح واما يتشرب من الميه هدى النار عليه

وخللاويص

اكتب فى البحث طريقه عل اى شىء انت عايزه هتلاقى اى شيف وهاتشوفها

بالفيديو وكل سنه وانت طيب ويارب تطل صح

ادى اخره اللى مايتعلمش من امه

ويكون جنبها وقت عمل الاكل

ياريت رياض يعمل شاه المنتدى للظروف اللى زى دى

وكل سنه وانت طيب ولو احتجت لاى شىء معاك الشبف حياه

يا عم محمود
اولا مكرونة مقصوصة ولا اسباجتى
طريقة المقصوصة
اغسل المكرونة الاول -
ثانيا حمرها كويس على النار
ثالثا زدها شربة حتى الاستواء
اخيرا مبروك عليك المكرونة اتعجنت
احنا يا ما غسلناها ايام الجامعة فى السكن الخاص
ا
ا

متشكر حياه والله انا عملت بكلامك بالحرف ف المكرونه وروحت عملتها بس الصلصه اسمرت شويه
مش عرف العيب منى ولا النار
لكن انا خلصت المكرونه ولسه مش دوقتها
متشكر جدا ع كل ردودك
لا الرز ال انا عوزه الرز العادى المفلفل بدون اى شىء ياريت تكتبيه عشان ناوى اعمله غدا بازن الله
وان تقلت عليكى الفراخ بالشربه ازى بس يهمنى اوى يا حياه الوقت ف كل حاجه
فهمانى يعنى اسيب الرز اد ايه كده يعنى
يا عم يوسف هوا انا كنت طبخت قبل كده لما اعرف نوعيتها يراجل انتى هتعقدنى ليه

هههههههههههههههههههه انت جاى على اسهل حاجه وتقول مش بعرف اعملها

بس الطباخه بتاعتنا قالت لك يلا بالهنا

وابقى دوقنى

الارزالابيض

2 كوب ارز عليهم 2ونص كوب ماء وشويه ملح

ويوضع على النار ولما يتشرب الارز هدى الناروبعدين شويه زيت فى طاسه وويتقدحيعنى قبل مالزيت يطلع دخان وبعدين

تحطهم على الارزوتقلبه وكده خلاويص

والارز لما يستوى نزله من على النار

طريقه الفراخ بالشربه

اولا هات بصله وخرتها وكانك بتخرتها لعمل الخضار يعنى مش بشر وادعكها باللمح والفلفل الاسمر

وبعدين تكون غاسل الفرخه حلو اوى وتحشى بين فخده الفرخه البصل وجوه الفرخه ايضا

وتكتف الفرخه وبعدين تحطها فى ماء مغلى ومع شويه ملح صغيرين لانك حاطت مع البصله ملح مع واحده طماطم صغيره

وتسبها لغايه ما تستوى مع ورقتين لورى و3 حبهان وهاتعرف انها استوت من شكلها او تغذها بالشوكه لو الشوكه طلعت سهله

هاتكون استوت وبالهنا والشفا واللحمه نفس الطريق

اقولك طريقه فرخه وسهله وسريعه

بما ان الفراخ عندكم بتستوي من الهوا

تجيب الفرخه كيلو واحد

وتغسلها كويس اوي بالخل والملح وتتركها شوي بالخل والملح منه هتتطهر ومنه الخلايا من جوا تتفتت ومش تاخد سوي خااااالص

بعدها تجيب 3 طماطم و2 بصله كبيره واربع فلفل اخضر ومعلقه توم صغيره يعني خمس فصوص كده

تجيب خلاط وتفرم الطماطم ع البصل والفلفل الاخضر والتوم وشوي بهار من كل الموجود وبسيط قرفه وتضيف شوي بقدونس وشيه زيت

وتضربهم ف الخلاط ناعم اوي اوي

وتكون قطعت الفرخه وحطها ف صنيه بنظام وحط فوقها الخليط اللي انت عملته ف الخلاط

وحطها ف الفرن علي نار عاليه ولما تبدا تستوي نص سوي وطي النار

انت طبعا تخرجها وبالشوكه تتضغط فيها هتعرف هيه استوت ولا لاء

ومتنساش تظبط الملح

النار الهاديه هتكمل سواها تتركها لما تنشف الصلصه من عليها

تنشف خااااااله

تخرج الصينيه تكون مجهز نص كوب ليمون يعني اربع حامض من عندكم كبييير

وتحطها فوق الفرخه

الليمون بيحمرها لدرجه تكون سمرا وتنشف خالص وتجيب طبق كبير مفرود

تقطع فيه بقدونس وجرجير

وتشيل الفرخه بنظام تحطها ف الطبق فوق البقدونس

وتحمر بطاطس جمبها ف الطبق مع خبز وطحينه

وبكده انت اكلت وجبه مغزيه ومتشتريش فراخ مشويه

طريقه الطحينه بسرعه

................

كوب صغير دقيق فينو وكوب صغير سمسم وكوب صغير زيت ذره

ويضربو ف الخلاط وانت براحتك تضيف ملح وبهار وشطه



......................

لو حابب اقولك طريقه الخبز معنديش مانع

لكن بماانك راجل هتشريه اسهل

تحت امرك يامحمود

واللي يتوفر من المرتب ارسله علي حسابي

هههههههههههههههههههه

يابنتى بيقول عايز فرخه ومعاها شوربه

افهمى بقى الراجل هفتان يلا يامحمود اتجدعن واتجوز علشان ترتاح من الاخوه الاعداء دول

يجيب الحله ويحط فيها شويه زيت ويقطع الفرخه ويحطها ف الزيت مع بهار وقرفه وحبهان وتتحمر علي نار هاديه ويقطع فوقها بصله كبيره تقطيع ناعم اوي وتفضل تقلب الفرخه خمس دقايق كده علي نار متوسطه

تضيف بعد كده كوب شاي ميه وتتركم شوي هتلاقي الفرخه استوت تضيف بعدها شوي ميه مش كتير وتتركها تغلي الغلي الاخير وكده عملت الفرخه بشوربه

ومتنساش الملح

وبعد كده تشيل الفرخه من الشوربه لمونه وحده ووحده طماطم او قلب طماطم وليمونه وبهار وتتدهن الفرخه وتحمر بعد كده

هتتحمر كويس علشان الليمون

ولو عايزها مقرمشه زي المطعم اشتري باكو فيجيتار طبعا عندكم متوفر اوييييييي ورخيص

اشتري واحد وبلاش الطماطم والليمون وادهن الفرخه بالفيجتار وحمرها

يلا جرب الطريقه او اي طريقه من اللي اتكتبوا وقولنا عملت ايه

متشكر جدا ع كل من ساهم بكلمه
متشكر ليكى جدا جدا يا حياه
متشكر جدا يا صافى
متشكر ليوسف ومنونه ايضا

انا عملت الشربه والفراخ زى ما قولتى يا حياه وكزلك الرز بس كان محتاج شويه مايه كمان
بس الحمد لله انها جت ع مايه الرز
تسلمولى والله كلكوا
عيد سعيد ع كل الاعضاء

معلومه لكل مبتدىء فى الطبيخ

اذا اتشرب الارز لازم تهدى عليه واذا شاااااااط رغيف عيش حطه على وش الارز واقفل عليه الغطاء

الفرخه عندما تتبل تتبل بمعلقه ملح مع فلفل اسمر

عيار الارز بالماء

الارز اول السنه غير اخر السنه

هاقول ليه اول دخول الارز بيكون فى شهر 10 من كل عام

وعند طبخه لا يحتاج الى ماء كثير

واخر السنه بيكون شهر 9او 8ه بيكون الارز محتاج لماء وعلينا اما اننا ننقعه قبل الطبخ او نزود الماء يعنى لو 3 كوب ارز يبقى 4 ماء ولو احتاج شويه يبقى نزوده حاجه بسيطه

ولو حبيت تستفسر عن اى شىءاسالنى يامحمود ولا يهمك وكل عام وانت بالف خير وربنا يرجعك لبدك سالما غانما بأذن الله

متشكر جدا ليكى يا حياه والله مش عرف اقولك ايه متشكر جدا على كل ردودك ويارب اتعلم حاجه بس

معلش يرياض انا خيبه اوى ف المطبخ والزيت بيجى ع ايدى الواحد ربنا يستر