كلنا مجاريح

كلنا مجاريح .... كلنا مجاريح

رايحين جايين على حسب الرّيح ... كلنا مجاريح

وأدي الايّام لعبت فينا .. خلتنا نخاف من بعضينا

عايشين تايهين ماشيين ضايعين .. الدنيا جريح بيداوي جريح

كلنا مجاريح .... كلنا مجاريح

كلنا خايفين ومنسأل ليه .. في إيه في العمر حنرجع ليه

لا الفرحه بتعرف يوم بابنا ... ويا ريتنا ما عملنا حسابنا

وأمنّا لدنيا بتلهينا... اااااااه تلهينا

وأدي الايّام لعبت فينا .. خلتنا نخاف من بعضينا

عايشين تايهين ماشيين ضايعين

الدنيا جريح بيداوي جريح ... كلنا مجاريح..

كلنا راجعين في قلوبنا عذاب ... ضيّعنا سنين في أمل كذاب

وأتاري الدّمع بيجرحنا .. وعمرنا إحنا ما جرّحنا

ولا كلمة حب بترضينا... اه ترضينا

وأدي الايّام لعبت فينا .. خلتنا نخاف من بعضينا

عايشين تايهين ماشيين ضايعين

الدنيا جريح بيداوي جريح

كلنا مجاريح..