قصيدة : أول عيد

[ندعوك للتسجيل في المنتدى أو التعريف بنفسك لمعاينة هذه الصورة]

أَولْ عِيدْ !

حسب التواريخ

تجري الأيام تنقص وتزيد

حسب الأفراح

حسب الأحزان

حسب المواعيد

أيام بتعدي علينا ساعات

وأيام في شهور

بتاخدنا بعيد

وأيام بتقصر في المسافات

ترجع ذكراها بنبض جديد

بس الذكرى غير الذكرى

الليلة معادنا مع الفرحة

وبلادنا عروسة لابسه الطرحة

وف أول عيد

فاكرين ياولاد

25 من سنة فاتت

طب مين ينسي وفيه دم شهيد

....................

فاكرينه تلات غير كل تلات

كان زي جنين مولود جبار

بس المولود رغم الأفراح

مولود بالحزن وجاي بمرار

وبرغم الحلو اللي في طعمه

دقت في طعمه طعم الصبار

الليل من بعد ماكان عتمة

وف وسط الضلمة أنا شفت نهار

العبد المحكوم بقى يحكم

بقى م الأحرار

والحاكم من ظلمه في سجنه

من سوء عمله ملفوف بالعار

وكتاب كاتبه الله ومقدر

شوفوا الأقدار

الحكمة اللى شافتها الدنيا

تلاثين سنة حكم في ثانية

الحكم إنهار

وكأنه قرار من عند الله

في 25 مش أي قرار

الشعب أما بيملك صوته

بقى إيد واحدة

وبعين واحدة بتطق شرار

ساعة الوحدة

يتحول كل تراب بلدي

وقتها إعصار

والثورة أما بتكبر تجري

من قلب ميدان

وطوفان من نور أرض وأشجار

الناس كلها واقفة تكبر

الله أكبر .. الله أكبر

زلزال بيهد عروش جبار

والفسدة تجري على جحورها

تشوف لها مهرب

بس هروبها وقت غروبها

حواليه أسوار

حكايات الحكم ومفاسدها

تبتدي تطلع وإكتب وإسمع

واطرح واجمع وانقل أسرار

بس خسارة ع اللي فاتونا

لما انقطف الورد البلدي

وبدم أحمر تجري الأنهار

عصافير بتطير ماشية تزقزق

قلبها أخضر عصافيرنا صغار

رووا بدماهم شجرة كبيرة

من سنة فاتت تطرح أزهار

مين ينساهم اكتبوا عنهم

إحكوا وقولوا لما الثوار

طالبوا بتغيير . حرية عدالة

ويا نعيش . كان أحلى شعار

وف لحظة جبن ولحظة غدر

تطير عالسما روح الأطهار

وعلم في الإيد مكسور وحزين

عالأرض بيبكي في ضرب النار

..........................

[ندعوك للتسجيل في المنتدى أو التعريف بنفسك لمعاينة هذه الصورة]

بس التغيير زي الزرعة

محتاجه الصبر عشان تطرح

أرض الصحرا م الصبح عمار

في عيد الثورة

ربنا قادر يحمي الطاهرة

ترجع تاني لمجد الأخيار

الشعب المقسوم على نفسه

قراره في إيده

وهيتوحد لما هيختار

ساعتها العيد يصبح عيدنا

مصر أمانة تبقى في إيدنا

نكتب ليها أجمل أفكار

ونقوم م الفرقة نبنيها

نتلم كلنا حواليها

ترجع تاني للأمن مطار

........................

بلد اللي بيسهروا ويناموا

ومصر الغالية واقفة بتحمي

البيت والدار

بتقول شوفوا من سنة فاتت

بكفاية فُرقة وكفاية حُرقة

أنا راجعة خلاص

لازم يطلع لليل دا نهار

أنا صاحية وواقفة أناديكم

إتلموا عليا وحواليا

خليكوا إيد واحدة بدل مِية

قوموا هِدُّوا للفرقة جدار

مش زرع ولادي ولا زرعي

دا زرع استعمار

ومع الوحدة أفرح بيكم

وأقوم من فرحتي أتحزم

وأقول يا ولاد ..من هنا أدي

وهفضل أدي وأدي وأدي

بحب وإصرار

ساعتها العيد ييجي في المواعيد

إيدوا شموعوا قوموا وغنوا

إفرحوا فرحة كبيرة وهنوا

ما أنا أم الدنيا وست الدنيا

أنا في القرآن . أنا ست الدار

أنا أم الدنيا . أنا ست الدنيا

أنا في القرآن . أنا ست الدار

شعر د هاني أبوالفتوح

الكويت - الأحد 22 يناير 2012

كلمات رائعة كالعادة دائما دكتور هانى

كل عام و انت بخير

ثورة مجيدة و عظيمة و أشعارك تعد من تاريخ الثورة

إن شاء الله تكتمل أهداف الثورة

دائما فى شوق لاشعارك الجديدة فلا تحرمنا منها

أرق تحياتى دكتور هانى

[b]
الحبيب الغالي الأستاذ رياض العربي صاحب المنتدى
السلام عليكم ورحمة الله وبركاته
كم اشتقت إليكم وللتواصل معكم وجميع أعضاء المنتدى الموقرين من تشرق الدنيا بوجودهم وكم أنا مقصر تجاهكم جميعا ولكنى شعرت أني كنت قد أثقلت عليكم كثيرا في وقت ما فشعرت بالخجل من نفسي وآثرت ألا أرهقكم معي دائما ولكن كالابن الغائب يعود إلى بيته أكثر شوقا واكثر قربا , تحياتي لأناملك الذهبية وكل عام وأنتم اجمل واسعد وأهنأ بالا

» قصيدة عمر قطامش هدىء أعضاءك يا فلو - قصيدة عمروقطامش للمجلس العسكري والفلول
» قصيدة أعجبتني جدًّا في مدح الرسول صلَّى الله عليه وسلم, قصيدة رائعة
» قصيدة : يا وطن جنة و نار
» قصيدة : مدن ...... لا !!!
» قصيدة : أمي