ماتقوليش عادي .. علشان دا مش عادي

ازيكو يابناااااااات وياستاااااااات
وحشتووووووووووني اووووووووووي

علشان كدا جايالكو بموضوع نااااااااااار

انا متأكده 100% انو هايعجبكو خااااااالص

فيه حاجات كتيييييير اوووووي بنعملها ... وبنقول ايه يعني عااااااااادي

كلمه عادي دي بقت كلمه متداوله علي لسانا كدا عاااااادي

عملنا حاجه غلط او حاجه صح بنقول عادي

عشان كدا هقولكم بعض الحاجات اللي بتتعمل غلط وبيتقال عنها عادي

[ندعوك للتسجيل في المنتدى أو التعريف بنفسك لمعاينة هذه الصورة]
مش هقلع طرحتي يوم فرحي عشان ليلة العمر... عشان ده مش عادي
مش هرقص في فرح بنت خالي عشان صلة الرحم... عشان ده مش عادي
مش هحكي لزميلي في الشغل مشاكلي العائلية.. عشان ده مش عادي

مش هروح الشاطيء والبس مايووه..عشان ده مش عادي
وكفايا بقى كلمة عادي.. لاننا متخلقناش عادي
ولا هنقف نقول يارب... اصله كان عادي

عادي كل البنات مصاحبين.. وانا يلا اصاحب.. لا مش عادي
عادي كلهم مسافرين شلة ولاد وبنات ...وانا يلا اسافر.. لا مش عادي
عادي تقصير الجوب على البووت.. عشان ابقى على الموضة.. لا مش عادي

عادي البطلون ابو وسط ساقط ... عشان ابقى روش... لا مش عادي
عادي البدي الملزق وهيتفرتك من على الجسم... لا مش عادي
عادي اركب عربية زميلي.. مهو زي اخويا... لا مش عادي
وعادي ابن عمي يبعت لي رسايل تهريج خارج.. اصله زي اخويا.. لا مش عادي

وعادي اكدب على أهلي ..مهي كدبة بيضا... لا مش عادي
عادي اروح شغلي متاخر وازور امضتي..مهو كله عادي.. لا مش عادي
عادى اكون محجبة واقف انشر الغسيل من غير حجاب مانا فى بيتى .. لا مش عادى
عادى لما اخرج انا وخطيبى لوحدنا طول الليل مهو هيبقى زوجى .. لامش عادى

عادي نحط صورنا الشخصية على الفيس بووك..عادي -لا مش عادي
عادي نحط صور اتنين بيحضنوا بعض او واحدة لابسة من غير هدوم... مهي مش صورتنا لا مش عادي
عادي نتعرف على بعض ونشات مع بعض .. مش هنقول حاجه عيب.. لا مش عادي
عادي اكتب رقم تليفوني وبياناتي الشخصية. محدش هيعمل لي حاجه..لا مش عادي
عادي اشوف واحدة بتتعاكس واسكت.... مهو ده بقى عادي ..... لا بقى مش عادي

وكفايا بقى عيشه عادي .. عشان حبنـــــــــــــــا للــــــــــــه
اكبر من اى كلمـــــــــه عادى
و لاننا مش عايزين ينكتب على قبرنا
هنا يرقــد السيد عــادي
عادي بن عادي آل عادي

ومن هنا ورايح هرفع شعار:
:أنا أنسان مش عادى"

عشان انا فعلا انسان مش عاااااااادي

عشان انا مسلمه هالتزم بديني ومش هعمل حاجه غلط واقول عنها عادي

ومش هتكلم في حق غيري واقول عاااااادي

ومعتش هعمل حاجه غلط واعلقها علي شماعه كلمه " عادي "

علشان دا مش عادي

يااااااااااارب الموضوع يكون عجبكو

وياااااااااااريت اشوف رد بالله عليكو

ولا لما مش بتردو على الموضوع بتقولوا عادي [ندعوك للتسجيل في المنتدى أو التعريف بنفسك لمعاينة هذه الصورة] هههههههههههههه

ويارب مفيش واحده ترد▼▼▼

[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيكى
انا مش عادية

» حصريا اغنيه شريف مكاوي - عادي جدا Master Q 128Kpbs
» علشان بحبك
» علشان ماليش غيرك
» نصائح علشان تبقى ست بيت شاطرة
» انا امتى نسيتك والا علشان انا مش بتكلم