حريه ...ولافوضي؟

الحمد لله رب العالمين اللهم صلي علي سيدنا محمد
حديث الساعه
في البيوت وفي المصالح الحكوميه وفي الشوارع وربما في المساجد بين الصلوات وفي كل مكان تجد الحديث في السياسه
وكلنا اصبحنا محللين سياسين واستراتيجين
والمشكله الكبيره لو الراجل طلق زوجته الايام دي اكيد هو مرسي السبب
وهذه الفتره بالتحديد منذ تولي الدكتور محمد مرسي الرئاسه وشهد العالم باجمع علي نزاهه الانتجابات
ومنذ تلك اللحظه سمعنا في البيوت اقبح الالفاظ واقبح العبارات سواء بينا وبين الناس او عبر الشاشات وعبر وسائل التواصل الاجتماعي
منذ تولي الدكتور مرسي ومنذ قيام الثوره ناس كثيره ظهرت علي حقيقتها

هي دي بئه الحريه
بمعني نحن لم نشكر الله انه خلصنا من النظام الفاسد الظالم وانه من علينا بالحريه والكرامه
بالعكس ظهر التألي علي الله وسب وقذف
طيب احنا عملنا ايه.........اتكلمنا كتير الفتره اللي فاتت
ايه اللي احنا عملناه
اتحدي اي انسان انه يذكر الدعاء لمصر وان يفرج الله كربها في كل صلواته
الحريه ادت الي فوضي
وكل يوم حكايه واخرها خلاص في عصيان مدني
ياعم ممكن نروح الشغل بكره يقولنا ارجعوا
في ايه
شعب بيحطم مفاصل بلده للدرجه دي مافيش وعي
مبقاش فرق بين المثقف والجاهل

واخيرا كل اللي بيحصلنا ده حصاد ذنوبنا
ظهر الفساد في البر والبحر بما كسبت ايدي الناس لنزيقهم بعض ماعملوا لعلهم يرجعون
اللهم ردنا اليك ردا جميلا ونجي مصر من الفتن ماظهر منها ومابطن