بحبك يا مني .. مش وقته يا احمد

بحبك يا مني .. مش وقته يا احم

النهارده
هنشوف حاجه غريبه اوي هي حياه المتزوجين

تعالي نتابع حياه احمد و مني
اتنين بيحبوا بعض زي اي اتنين

في البدايه يتعرفوا علي بعض و
يحبوا بعض و الحوار بينهم يبقي كالاتي

[ندعوك للتسجيل في المنتدى أو التعريف بنفسك لمعاينة هذه الصورة]

احمد:اذيك يا حبيبتي عامله ايه يا
روحي
مني:انا الحمد لله يا حبيبي و انت؟
احمد:انا تمام يا حبيبتي و الله
بفكر فيكي طول ما انا صاحي و بحلم بيكي و انا نايم
مني:بجد يا احمد؟ انا كمان و الله
حلمت بيك امبارح

[ندعوك للتسجيل في المنتدى أو التعريف بنفسك لمعاينة هذه الصورة]

و تستمر بقي كلمات الحب و الغزل و
انتي حبيبتي و انتي حياتي و انتي و انتي و انتي و هي انت اغلي ما عندي و
انت و انت و انت و يبقي الاتنين مش عارفين يعملوا ايه علشان يسعدوا بعض

الحياه تمام لحد دلوقتي يجي البيه
يتقدم لمني و يتخطبوا و تحصل مشاكل علي العفش و الفلوس و ضغط المصاريف و
لكن جوارهم يبقي كده

[ندعوك للتسجيل في المنتدى أو التعريف بنفسك لمعاينة هذه الصورة]

احمد:اذيك يا حبيبتي
مني:انا بخير يا احمد انت عامل ايه
انا عارفه و الله الضغوط عليك كتير اوي
احمد:يا حبيبتي طول ما انا معاكي
مفيش حاجه تضغطني ابدا و كفايه تشجيعك لي

[ندعوك للتسجيل في المنتدى أو التعريف بنفسك لمعاينة هذه الصورة]

يا واد يا احمد يا جامد انت ايه
يا واد الحب ده لا حبيبه بجد يا واد انت و هي و تمر الايام و احمد يجوز
مني تعالوا بقي نشوف حياتهم هتمشي ازاي (بس من غير تريقه)

في اول شهر الحياه تمام و الدنيا
زي الفل و بعدين مني تحمل و احمد حبه ليها يزيد و تخلف مني و يبدا حوارهم
كالاتي

[ندعوك للتسجيل في المنتدى أو التعريف بنفسك لمعاينة هذه الصورة]

احمد صاحي من نومه لسه

احمد:مني يا مني اصحي
مني:ايوه يا احمد عايز ايه
احمد:قومي اعمليلي افطر علشان انزل
الشغل
مني:يا احمد حرام عليك ابنك مسهرني
طول الليل مش عرفت انام و دلوقتي تقولي قومي روح كل اي حاجه
احمد:ما انتي عارفه انا مش بعرف
اعمل اي حاجه
مني:عندك جبنه و عيش كل
احمد:كل يوم كده؟
مني:اعملك ايه بقي انت عايز تتخانق
علي الصبح و لا ايه ما قلنا ابنك مسهرني

[ندعوك للتسجيل في المنتدى أو التعريف بنفسك لمعاينة هذه الصورة]

احمد ياخدها من اصرها و يخرج من
غير اكل ما هو زهق يا عيني من الجبنه و العيش و يروح احمد الشغل و يرجع
مشتاق لحبيبته

احمد خبط محدش فتح خبط تاني محدش
فتح راح فاتح الباب يشم ريحه قنبله بصل رهيييييبه يدخل المطبخ و بقف في
زهول تااااااااااااااااام
يلاقي حبيبته الي حبها و بيتباهي
بجمالها واقفه ادامه محاطه بقشر البصل و الطبيخ و شعرها و لا كانها ضرباه
في خلاط و بتعمل الاكل

احمد:اذيك يا حبيبتي
مني:الحمد لله روح شيل الواد
عقبال ما اخلص الاكل
احمد:حاضر يا حبيبتي

[ندعوك للتسجيل في المنتدى أو التعريف بنفسك لمعاينة هذه الصورة]

مني تعمل الاكل و ياكلوا
يشتاق احمد لخروجه مع حبيبته

احمد:مني
مني:نعم
احمد:ما تيجي نخرج شويه يا
حبيبتي
مني:نخرج نروح فين يا احمد ؟
احمد:نخرج نروح حته رومانسيه
زي زمان
مني:ياه يا احمد وقتك ده انا
تعبانه من الصبح انا داخله انام

[ندعوك للتسجيل في المنتدى أو التعريف بنفسك لمعاينة هذه الصورة]

و تنام مني واحمد ياكل و
يتفرج علي التليفزيون و ينام و يصحي يروح الشغل و هكذا

نشوف اتنين تاني علي و مها
لكن دول العكس تماما
مها رومانسيه اوي لكن علي يجي
من الشغل علي 5 تعبان كالعاده ينام يصحي 10 ياكل و ينام تاني يصحي يروح
الشغل و هكذا حتي ميعرفش ولاده في سنه كام و لا في مدرسه و لا لا هو يدفع
الفلوس و بس و الي يكلمه يقوله في ايه انا بصرف علي البيت يبقي محدش له
حاجة عندي

و المظلومة مها يا عيني نفسها
في قاعدة رومانسية كلمتين حلوين زي اي بنت لكن نو واي مفيش

[ندعوك للتسجيل في المنتدى أو التعريف بنفسك لمعاينة هذه الصورة]

طب هل دي تبقي عيشه يا شيخ انت و هي لو
انتوا بتحبوا بعض ليه متكملوش سعادتكم للاخر و كل واحد ينشغل عن التاني
بعد الجواز

هتقولولي مشاكل ما هو كان في مشاكل قبل
الجواز و كنتوا بتعدوها سوا و برده كان في وقت للحب و الرومانسيه
انا رايي لو الرومانسيه انعدمت بين
المتزوجين تنعدم الحياه بينهم

» بحبك بحبك .. بكرهك بكرهك .. طلقنى انتى طالق
» سبحت لله فى العش الطيور غناء احمد سعد - صوت شاب مصرى ادهش العالم بصوته - أنشودة احمد سعد سبحت لله فى العش الطيور
» بحبك انت
» بحبك ♥ ♥ انا
» بحبك يا رب