سِتْ الكُلْ !
بكل ما في الدنيا من فرحة وسعادة
عيدك يهل علينا الأحلى كالعادة
عشان فرحتنا من اسمك
يا عايشة العمر معتادة
دلع فينا .. فرح لينا
و بين الاتنين تعب تربية وولادة
.....................
ومهما نعيش وندعيلك
ما فينا وَفَّا بجميلك
يا طول العمر شمعة تئِيد
وتنور بقنديلك
........................
يا مالية البيت هنا وسرور
يا طاقة خير وطاقة نور
ومهما الدنيا تِلِفْ تدور
بلمسة تِجْبُرِي المكسور
......................
صباحك رضا وزايد محبة
ويومك هَنا يا جامعة الأحبة
وليلنا هِنا معاك أحلى صحبة
...........................
يا ست الدنيا يا ست الناس
يا ست الكل
يا أطيب من نظر لينا
بعين رحمة
و بَصْ و طَلْ
يا أفضل من خلق ربي
و أجمل نور علينا هَلْ
...................
وصى عليك الله ووصى الرسول
ومهما هنكتب ومهما نقول
الجنة ف رضاك يا رب القبول
ندعيلك بالخير وعمرك يطول
د. هاني أبوالفتوح
موضوع: قصيدة : ست الكل 
الإثنين 21 مارس 2016 - 19:16
