بعد بحث دام 5 الاف
سنة من المشقة و التعب........احب اقول لكم انى فشلت فى البحث. و بقولها
باعلى صوتى
عااااااااااااااايز عرووووووووووووووووووسة
انا قلت احسن
طريقة انى انشر مواصفاتى على النت و كل بنت تعجبها شخصيتى تتقدم و انا
اختار.
الاسم :فرعون احمد فرعون
السن:5000 سنة و شوية(لسة شباب ما
شاء الله)
المهنة:المهندس الملكى الخاص للملك ( مو-با-راك) الخامس عشر
بعد الالف(حفظه الله و حماه و علُى مراتبه و كرم وجهه و عمل له كل حاجة
حلوة)
الممتلكات:هرمين تمليك تشطيب سوبر لوكس على النيل و هرم
ايجار قانون جديد (جنب جراند حياة على طول)
3 مليون جنيه ذهب (ليه قيمة
مش زى الجنيه بتاع دلوقتى)
مسلتين و هرم صغنطوط فى (ما-رى-نا)الفرعونية
لزوم التصييف
5 عجلات حربية 4×4 موديل (كا-دى-لاك) لسه مركبلهم نيون و
نيتروز انما ايه
الهوايات: المشاركة فى سباق العجلات الحربية
المسمى(فرعونولا-1)
تحنيط اى حاجة تيجى قدامى (حرص بقى)
بناء
المسلات فى وقت فراغى
المؤهلات:حاصل بتفوق على (ثا-نو-ية- عا-مة)و
(بكا-لور-يوس)هندسة من الجامعة الملكية فى طيبة
المواصفات:طويل
القامة-عريض المنكبين-مفتول العضلات-وسيم الوجه . . فى ناس كتير بتقوللى
انى شبه(توم-رع-كروز)
كده بقى قلتلكم كل حاجة عن نفسى اما المواصفات
اللى عايزها فى عروستى انها تكون عندها خبرة تضاهى خبرتى فى الحياة(دول
5000سنة يا جماعة مش لعب عيال)و تكون جميلة و ذكية(او مش لازم ذكية الواحد
عايز وش عدل يصطبح بيه و خلاص) شعر اسود فاحم- قوام رشيق - بشرة خمرية- وجه
جميل-مؤهلات عالية !! يعنى باختصار تكون شبه نفرتيتى او هيفاء وهبى (و
يستحسن هيفاء و هبى!!)
على كل البنات الراغبين يجيبوا ال السى فى
بتاعهم على مكتب (مأ-ذو-ون) شارع الملك(مو-با-راك)الثانى عشر -تانى هرم على
اليمين.
او الراغبين فى تقديم بياناتهم عن طريق النت فيجب عليهم
انهم........ بس يكتبوا رد على الموضوع ده