ادخل و فضفض بمشكلتك ممكن تلاقى حل

شكرا ليك يا رياض على حسن التواصل
ويا رب الفكرة تعجب الباقيين

فكره جميله يا محمد

انا موافق علي الفكره بس ياريت تكون جد واللي يكتب مشكله الناس تجاوب مش تاهمل فيها علشان تستمر

انا موافقه علي الفكره بجد فكره ممتازه يكم نلاقي هنا الوفاء وبشكرك

طيب يالا ايه مفيش حد عنده مشاكل خالص

ما شاء الله

انت صاحب الموضوع
ابتدي

انا مشكلتي اني بحب احتفظ باسراي لنفسي اوقات بضحك بس بحس ان الضحكة مش من قلبي ثقتي في الناس تكاد تكون معدومة لحد ما يثبت العكس مبعرفش اسامح بسهولة وخاصة اذا كان جرحي من احبابي

ياريت لو تلاقو حل تعرفوني ههههههههههههه
مشكلتك كتيره اوي هيه نفس المشكله

يا جماعه مشكلتكم مش مشكله فرديه النظريه اساسا ان الانسان سهل يحل مشاكل الناس يبقى طبيعى فى ناس تانيه هتحل مشاكله

طيب ما هو ده المبدأ اللى انتم عايزينه .. صح .. ؟؟ طب ليه رافضينه .. ؟
عارفين ليه ؟؟

عشان اساسا احنا مش متصالحين مع قلوبنا .. تفتكروا هنصالح ازاى مع قلوب الناس؟
******************
لو كنت بكيت يا صاحبى أو كنت فى يوم تعبت
لو شوفت ربع همى والله كنت شبت
بالصبر هنعمل ايه ياما التراب لم فقير وباشا وبيه
كنا تلاته يا زمن وكان الكلام واحد فرقتنا ليه يازمن واحد ورا واحد

ههههههههههههه


طيب بما ان انا خلاص مفيش امل في مشكلتي

شوفوا لو حد عنده مشكلة او حاجة عايز يتكلم معانا فيها يارت نعتبر اسرة

اولا شكرا يا عاشق على الموضوع بس طالما انت اقترحت الموضوع المفروووووووووووووض نفتح قلوبنا لبعض مثلا انت اقترحت الموضووووووع بس مش عاااااااايز تفضفض معنا هنعمل ثانيا المفروض طالما اقترحت الموضوع تكون انت القدوة وتبتدئ بمشكلة عشان تشجع الاعضااااااااااااااء يحكووووووووا هما كماااااااااااااااااان ثالثا اللي ملهوش كبيييييير بيشتريله كبييييييييير بمعنى لو كل واااااااااااااحد هيكتم اسراااااااااره ومش هيفضفض مع حد اعتقد انو هيعييييييييييييش حياااااااااااة تعيسة ولكن الحياة حلوة بس للي يعرف يتعامل معها مفيش حاجة في الدنيا تخلييييييييك حززززززززززين وعلى راي المغنية جنااااااات ايامنا سعات وتفووووووووووووت لاما نعيييييييش لنموت

مع اني طرحت مشكلتي فوق لو كنت حبيت تقرات بس هاقولها تاني عشانك

اهم مشكلي اني مش بثق في الناس بسرعة ، مش بعرف اسامح اللي ظلمني خاصة لو كان شخص عزيز عليا ، الدنيا غعيرتني اقوي كان نفسي افضل ابيض من جوا زي زمان

انا هقول رايي و ياري ترد عليا عاشق و نتناقش
انت مش بتثق في حد يا انت عملت حاجات كتييييييير غلط او في ناس كنت بتق فيهم جامد و طلعوا عكس الثقة ديه
بس مش كل الناس زي بعضها مش معني انك قابلت شخص او اكتر وحش ان الباقي كله وحش و اعرف ان الوحش ديما الي بيظهر عشان الطيب او الكويس مش بيحب يقول انا طيب بيسكت فطبيعي الوحش ال يظهر
تانيا انت مش بتسامح طب ليه مش انت بتغلط برضو و بتحتاج ان في حد يسمحك يبقي ليه مش تسامح مفيش حد معصوم من الغلط بيقي زي ما نحب ان الناس تسمحنا نسامح احنا كمان
و صدقني هيرجع قلبك ابيض زي الاول اما تقابل الي يخطف قلبك و ينسيك جروح زمان كلها
انا بقي عندي مشكله بس اما نحل مشكلة العاشق الجريح و يرجع قلبة ابيض تاني اتمني ترد عليا عاشق و مش تزعل من كلامي

بالعكس خالص انا مش بزعل من نقد بس احب اوضح حاجة

اللي شفته في الدنيا اننا في غابة مينفعش الواحد يدي فيها الامان بسرعة انا بخون كل ناس لحد ما يثبتوا العكس ، ماعدا اصدقائي ودول غير اصحابي غير ومايلي اصدقائي دول هما الوحيدين اللي في دنيا دي اللي بديهم ثقة عمياء ،

ثانيا انا ممكن استامح اي حد لكن الناس اللي بعزها وباخد على خاطري منها لو جرحوني بيبقى صصعبان عليا نفسي منهم

لكن اللي عمري ما اسمحهم هما اللي اذوني من اغير ما أذيهم

وشكرا ليكي يا وجنة على اهتمامك واكرر انا عمري ما زعلت من الصراحة او النقد

انا الي بشكرك علي تقبل كلامي بصدر رحب ة اتمني يجد مكنشي ضيقتك
و هحكيلك علي مشكلتي و قول رايك بصراحة و مش هزعل حتي لو لغبطت الدنيا زي كده هههههههههه
و بشكرك لزوقك جدا

ربنا يخليكي يا وجنة وانا والله ما ضيقت بس بجد انتي مش قولتي حاجة غلط اصلا

بعد ازنك وجنه
عندي تعليق
حماده فاكر لما قولتلي انك مش بتحب حد يقولك خاين
وانت اهو بتعترف انك بتخون
ايه تعليقك

يا ذكي افندي عمرك سمعت جملة انا بخون كل اللي حوليا لحد ما يثبت العكس


دي اخون يعني مش بديهم الامان يعني بعتبلارهم خاينين فهمت يا ذكي باشا

طب ممكن سؤال يا عاشق ؟؟

انت قولت انك بتشك فى كل اللى حواليك وبتعتبرهم جاينين لحد ما يثبت العكس .. ما عدا اصحابك المقربي ليك قوى صح ؟

هى مش أحيانا الخيانه مبتجيش غير من القريب منك قوى ده ؟؟ بتحصل صح ؟
أنا مش بشكك فى اصحابك ولا بشكك فى كلامك لا لا بس عايز اقولك

لو فعلا انت شكاك كده يبقى صعب يكون ليك اصدقاء

يبقى الحكايه حكايه موضوع واحد أو اتنين بالكتير انت مريت بيهم وهما اللى عاملين القلق ده كله

صدقنى ده مش طبعك .. ده تصورك للموقف بس

وانت قلبك زى زمان أبيض زى الحليب

عارف يا موندي اصدقائي دول اربعة واحد اعرفه من 2 ابتدائي و3 من اولى اعدادي بجد مش عايز اقولك قد ايه هما رجالة فعلا فوق ما تتصور


على فكرة انا مش معقد خالص زي ما ناس كتير فاكرة لا والله انا اجتماعي جدا وبحب اتكلم مع ناس سواء اعرفهم او لا بس بحذر شديدي جدا

وشكرا ليك على متابعة

العاشق الجريح كتب:

يا ذكي افندي عمرك سمعت جملة انا بخون كل اللي حوليا لحد ما يثبت العكس


دي اخون يعني مش بديهم الامان يعني بعتبلارهم خاينين فهمت يا ذكي باشا

طيب ياعم براحه علينا
لسه بنحبي

الحمد لله اني عندي مبدء من زمان اني مهما كان مش بتعشم في اي حد من زمان كنت بتعب لما
حد يخوني او يزعلني واقول الدنيا مفيش فيها امان
واتعب كتير ويمكن ابكي
لحد ما اتعلمت ان الدنيا بشر
ومصالح بقيت ديما ماسك العصايا من النص
يعني اتوقع كل حاجه
الخير والشر
وكله بيطلع بالصابون
في الاخر