خطاب السيد الرئيس

أممم مواه..و النعمة بحبكم..حد يلاقي شعب زي ده و مايحبوش؟

ياشعبي حبيبي ياروحي يابيبي
ياحاطك في جيبي ياإبن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدروخ واخر انسطال
احبـك مكبر دماغك مخدر
ممشي أمورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف وخايف
وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولار او ريال
واحبك تطبل تهلل تهبل
عشان مطش كوره وفيلم ومقال
واحبك تأيد تعضض تمجد
توافق تنافق وتلحس نعال
تحضر نشادر تجمع كوادر
تلمع تقمع تظبط مجال
لكن لو تفكر تخطط تقرر
تشغل في مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال
وعايز تنور وعايز تطور
وتعملي روحك مفرد رجال
ساعتها حجيبك لايمكن اسيبك
وراح تبقى عبره وتصبح مثال
حبهدل جنابك وأذل اللي جابك
وحيكون عذابك ده فوق الاحتمال
وامرمط سعادتك واهزأ سيادتك
واخلي كرامتك في حالة هزال
وتلبس قضية وتصبح رزية
وباقي حياتك تعيش في انعزال
حتقبل.. ححبك حترفض.. حلبك
حتطلع حتنزل
حجيبلك جمااااال

هههههههههههههههههههههههههههههههههههههههههههههههههههههههههههههههههههههههه
جميله اوي

ايه الشعر الجامده
هنتمسلك قريب

تسلم يا صاحبي

شكرا على مروركم الكريم

» حوار هام لكل مصرى مع السيد " عمر سليمان " نائب الرئيس
» حصريا - كلمة السيد الرئيس / محمد حسنى مبارك - صباح يوم 1 بعد تفجيرات الاسكندرية
» حصريا الاخوين عماد اديب مع عمرو اديب يحلل خطاب الرئيس حسني مبارك
» لماذا كان أول خطاب لموسي "انني أنا الله " وأول خطاب لنبينا محمد "اقرأ" ؟
» ام السيد والعولمة